Luku 1:73 - Sénoufo Nyarafolo

⁷³ wi cé ki kàli wi nyakungɛngɛ ki siɛnrɛ nɛ̄ dè nɛ̀ kɛn Birayima mɛ́ weli tuuliʔɛ gè, nɛ́ jo

Luku 1:73 Iomraidhean Croise

Sélimɛ 24:7

Yewe, wire ŋáà wī nyìʔɛnɛ Kulocɛliɛ wè, wire ŋáà wi 'mi yige mi tuu kpáa nī gè nɛ́ mi wuulo kùlo nī lè, nɛ́ wi nyuɔ kún nɛ̀ kɛn m'mɛ́ gè nɛ́ jo mi siimɛ mɛ́ wire bé kùlo náà kɛn lè, wire tíimɛ wi bé nyìʔɛnɛ tundunwɔ tórigo wè muɔ yiʔɛ mɛ́; muɔ bé sa cɛliwɛ líɛ wè baa mi jaa mɛ́ wè.

Sélimɛ 26:3

ma lɛ̀lɛ láà kúɔ bile. M'bé puu nɛ́ muɔ ní, bè diba taʔa wè muɔ nɛ̄, nɛ́ ki cɛ́n muɔ nɛ́ muɔ siimɛ pire mɛ́ m'bé kùlogolo gálì kɛn gèle. Bà ki bé kpíʔile m'bé mi nyasiɛnrɛ fori dè, dàa mi yé kàli nɛ̀ kɛn muɔ tuu Birayima mɛ́ wè.

Ŋúnuyɔ 105:9

Wi 'nyuɔ kún nɛ̀ kɛn Birayima mɛ́ wè, nɛ́ sí ki juu nɛ̀ fùgu nɛ́ kàlilɛ ní Siaga mɛ́ wè.

Luku 1:74

wire bé weli suɔ leguulo pe kiyɛ nī yè, dí weli sí de baara wire mɛ́ fíɛrɛ fùn,

Fànʔa Kajuʔulo 7:12

«A yeli nɛ lúru wi kàyuʔujuuro mɛ́ dè, a yeli nɛ tári nɛ yɛligi nɛ́ ti ní nɛ ti kpínʔini dè, Yewe muɔ Kulocɛliɛ wi bé nyakungɛngɛ siɛnrɛ fori dè muɔ kɔli mɛ́ gè nɛ́ wi bànguɔ dɛ́nigɛ ní gè gàa wi 'kàli nɛ̀ kɛn yeli tobilo mɛ́ bèle.

Fànʔa Kajuʔulo 7:8

ʔéʔe, gìi sí gī baa gè, yeli woli ni yé kpúʔɔ Yewe mɛ́ wè; wi míɛni 'puu nɛ caa bè wi nyasiɛnrɛ fori dè dàa wi yé kàli nɛ̀ kɛn yeli tobilo mɛ́ bèle. Kire nɛ̄ Yewe wi 'yeli suɔ nɛ̀ yige sùkulomɔ mɛ́ bè nɛ́ míɛni Ezipiti kùlofɔli Farawɔn kiyɛ nī yè nɛ́ wi ŋɔri kɔli ní gè.

Eburulo 6:13

Lɛ̀lɛ líì nī Kulocɛliɛ wi 'nyuɔ fɛ̀ni Birayima mɛ́ wè, a wi 'ki kàli wi tíimɛ míʔɛ nɛ̄ gè, nɛ̀ ki cɛ́n wàa sì yé ń'nɛ̀ puu baaʔ ŋàa wi 'kpúʔɔ nɛ̀ tóri wire nɛ̄ wèʔ, ŋàa míʔɛ nɛ̄ wi cî kàli wèʔ.