Luku 1:6 - Sénoufo Nyarafolo

⁶ Pe mìɛni siin pe 'puu siɛnsinminɛ Kulocɛliɛ yiʔɛ mɛ́ gè, nɛ Kàfɔli wi kajuʔulo nɛ́ wi sínmɛ kakpiʔiligele ke mìɛni koliyo tári yè kolimɔ fùn.

Luku 1:6 Iomraidhean Croise

Sélimɛ 17:1

Lɛ̀lɛ líì nī Birama yiʔɛlɛ togosicɛri nɛ́ kpɔrigɔ nɛ́ kacɛri taa wè, a Yewe 'wìi tìɛ wi nɛ̄ nɛ́ jo: «Mi wī Ŋɔri Ti Mìɛni Kulocɛliɛ wè. Te síngi mi yiʔɛ mɛ́, ma puu dìgire fùn,

Sélimɛ 6:9

Nɔwe nɛ́ wi pìile siɛnrɛ dī dàa dè: Nɔwe 'puu siɛnsinwɛ nɛ́ ní dìgire fùn wi lɛ̀lɛ siɛnnɛ nī bèle; wi 'puu nɛ tári nɛ́ Kulocɛliɛ ní wī.

Sélimɛ 7:1

A Yewe 'ki juu Nɔwe mɛ́ nɛ́ jo: «Te jíin kɔ́rikpuʔɔ nī gè, muɔ nɛ́ muɔ saʔa wuulo ní bèle, nɛ́ ki cɛ́n muɔ nigbe mi 'nyaa siɛnsinwɛ mi yiʔɛ mɛ́ gè muɔ lɛ̀lɛ siɛnnɛ nī bèle.

Ŋúnuyɔ 119:6

Kire bé ki yaʔa fìɛrɛ sì ga tíi mi taaʔ, bà mi nɛ sɔ̀ngí muɔ kajuudiʔɛlɛ ke mìɛni nɛ̄ gèle.

Luku 1:7

Piyè sí cé pùɔ taaʔ, bɛ̀ ki 'nyaa cesiʔi ki yé cíi Ɛlizabɛti mɛ́ wè. Á ki sí ní nɛ̀ nyaa pe siin pe cé liɛ nɛ̀ tóri.

Luku 16:15

A Zezi wi sí pe yɛ: «Yeli bèle, yeli nɛ yìye kpínʔini siɛnsinminɛ siɛnnɛ yiʔɛ mɛ́ gè; Kulocɛliɛ wi sí yeli funyɔ cɛ́n yè. Ki 'nyaa yɛgɛ gíì siɛnnɛ piyē nɛ tɔ́ri kpuʔɔ gè, kiī núʔɔgɔ Kulocɛliɛ yiʔɛ mɛ́ gè.

Luku 2:25

Ki sí nyaa nàguɔ wáà 'puu baa Zerizalɛmi kàʔa mɛ́ gè, pe wi yeri Simɛyɔ; siɛnsinwɛ wi 'puu ki nàguɔ wè. Wi 'puu nɛ Kulocɛliɛ koligo gbùʔɔrɔ́ gè, níɛ ki siri cɛngɛ gíì Kulocɛliɛ wi bága Isirayɛli fungo nyígi gè. Kulocɛliɛ Pìle ni cé tɔ̀ni nɛ̀ puu nɛ́ ki nàguɔ ŋáà ní wè.

Kakpiʔiligele 2:25

Ki 'nyaa Dawuda nyɛ́nì wi wori juu dè, wi 'jo: Mi 'puu nɛ Kàfɔli nyaʔa wè súuri mi yiʔɛ mɛ́ gè, ki 'nyaa wiī mi kàliige mɛ́ gè gìi ki bé tí mi fǎga de fìʔɛ́ʔ bèri fún de yàʔará wèʔ.

Kakpiʔiligele 23:1

A Pɔli wi 'nyapigele le gèle Zuufulo kàyuʔujuulo gboli wuulo nī bèle nɛ̀ pe wéli, nɛ́ jo: «Mi siinyɛninɛ, mi 'mi sìi tánʔa wè nɛ́ funviige ní Kulocɛliɛ yiʔɛ mɛ́ gè fúɔ nɛ̀ pɛ́nì nɔ̀ pàngɛ gè.»

Kakpiʔiligele 24:16

Kire nɛ̄ mi nɛ ki cìʔilé bè puu cìiliwe mi fungo nī gè Kulocɛliɛ yiʔɛ mɛ́ gè nɛ́ siɛnnɛ pe mìɛni yiʔɛ mɛ́ gè.

Kakpiʔiligele 8:21

Muɔ liɛlɛ yafiɛn wè náʔa gèʔ kaala náà nī lèʔ; muɔ fungo ki wè sìnʔɛ Kulocɛliɛ yiʔɛ mɛ́ gèʔ.

Wurɔmiyé 8:4

Gìi ki bé tí sínmɛ bíì Fànʔa Siɛnrɛ tiī nɛ nyu nɛ gbɛ̀ngí wè, ki sínmɛ pi siɛnrɛ ti- fori weli nī, weli bálì we ní wè nɛ tíin nɛ tári céri kanɛdanʔana nɛ̄ gèle wèʔ, fúɔ macɛn Kulocɛliɛ Pìle tánʔagɛnmɛ nɛ̄ bèʔ.

Korɛntiyé 1 11:2

Mi nɛ yeli síɛri, bɛ̀ yeli nɛ sɔ̀ngí nɛ tari nɛ́ mi ní lɛ̀gɛlɛ ke mìɛni nī gèle, nɛ́ mi tɛnmɛgɛlɛ cò gèle gàli mi 'kɛn yeli mɛ́ gèle.

Korɛntiyé 2 1:12

N'gɛ weli bé gbɛ̀ sìndinge kpúɔn bé ti juu, weli funyɔ yi 'tɛ́ngɛ tire nɛ̄: ki 'nyaa weli 'puu nɛ weli sìi tári wè nɛ wìye cɛ́rigi nɛ́ kányiʔɛ ní siɛnnɛ yiʔɛ mɛ́ gè nɛ́ yeli mìɛni ní bèle. Kiì sí kò majo weli 'ki kpíʔile nɛ́ weli sícilige ní wīʔ. ʔéʔe, Kulocɛliɛ kpuʔɔrɔ dī.

Fànʔa Kajuʔulo 5:33

Yeli bé sɔ́migɔ bè tánʔa koligo nɛ̄ gè gàa Yewe yeli Kulocɛliɛ wi 'juu nɛ̀ gbɛ̀ngɛ nɛ́ jo mari ki tari gè, kire ga buu yeli- kò sìi nɛ̄, dí ki sí tɛ́ni yeli nɛ̄ nɛ́ míɛni yeli sìi cɛnyɛ yi- sí niʔɛ kùlo nī lè nàa m'bé kɛn yeli mɛ́ lè.»

Filipiyé 2:15

gìi ki bé tí ye- puu dìgire fùn, cìilile, ye- puu Kulocɛliɛ pìile, tiɛlɛ fǎga puu yeli nɛ̄ʔ yirile náà ni wuulo sunʔɔmɔ nī bè, siɛnkolilo bèle, siɛncuʔɔlɔ bèle. Ye- puu yeri càanná bɛ̀ ŋɔgɔlɔ tíɛlɛ pe sunʔɔmɔ nī bè duniya nī wè.

Kolɔsiyé 1:22

Nɛ̀ sí ki taa píra ŋáà nī wè, Zezi wi kùu wire kɛnmɛ nɛ̄ bè, a Kulocɛliɛ wi 'koli nɛ̀ bìɛni nyɔ́gɔ wire nɛ́ yeli sunʔɔmɔ ní bè, gìi ki bé tí ye- yìye wàli ye tɛ́ngɛ wire mɛ́, yé sí gbɛ̀ yéri wire yiʔɛ mɛ́ gè, ye- puu tiɛlɛ fùn, dìgire fǎga puu yeli nɛ̄ʔ.

Tesalonikiyé 1 3:13

Gìi ki bé tí yeli nàzɔnnɔ pe- lìri, ye- puu dìgire fùn, yeri tári cìilile weli Tuu Kulocɛliɛ wi yiʔɛ mɛ́ gè, cɛngɛ gíì weli Kàfɔli Zezi wi kɛ́ni báan nɛ́ wi wuulo pe mìɛni ní bèle. [Ki- taa ki puu bɛ̀].

Piɛri 2 3:14

Kire nɛ̄, nɛ siinyɛninɛ, bè yeli yaʔa yeli de tire siri dè, ye- ŋàʔana ye kɛnmɛ pi mìɛni kpíʔile kire ga buu Kulocɛliɛ wi pa yeli nyaa cìilile nɛ́ ní kpɔlidiɛlɛ fùn, nɛ́ ní yanyige nɛ̄ nɛ́ wi ní.

Zan 1 2:29

Bɛ̀ yeli sí ki cɛ́n Kirisi wi 'sín wè, yeli 'yɛli bè ki cɛ́n míɛni siɛn ŋáà wi kasingele kpínʔini gèle, wiī Kulocɛliɛ pùɔ.

Zan 1 2:3

Ki n'gɛ kɛnmɛ bíì nɛ̄ weli bé ki cɛ́n a ki yē weli 'Zezi Kirisi cɛ́n wè: kire gī a weli nɛ lúru wi kajuudiʔɛlɛ mɛ́ gèle.

Zan 1 3:7

Mi pìile, ye fǎga ki yaʔa wàa yeli fáanni bè pùunniʔ. Siɛn ŋáà wi kasingele kpínʔini gèle, wi yē sínwɛ, majo bɛ̀ Zezi Kirisi wiī sínwɛ wè.