Luku 1:43 - Sénoufo Nyarafolo

⁴³ Mi sí tɔ̀ni nɛ̀ ki taa tànʔa, á mi Kàfɔli wi yàa wi 'pɛn mi tiʔɛ nī gè !

Luku 1:43 Iomraidhean Croise

Ŋúnuyɔ 110:1

Dawuda ŋúnudanʔa gī gàa pe ŋú nɛ́ yakpuɔnrɔ ní dè. A Yewe wi 'ki juu mi Kàfɔli mɛ́ wè nɛ́ wi yɛ: «Tɛ́ni mi kàliige mɛ́ gè, fúɔ bè taa mi ga muɔ leguulo kpíʔile bèle muɔ tɔliyɔ taʔadiʔɛ.»

Matiye 12:46

Bà Zezi wi 'puu nɛ nyu nɛ tíin nɛ́ siɛnnɛ ní bèle, a wi yàa nɛ́ wi cɔninɔ pe pɛ́nì yiri, a pe 'yéri baa kpànʔanɛ nɛ́ jo peli nɛ caa bè Zezi nyaa wè.

Matiye 3:14

Zan wiì puu nɛ caa bè yéri ki nɛ̄ʔ; wi cé jo: «Mi mi 'yɛli muɔ mi batiize, á muɔ ní nɛ̀ pɛn mi kúrugu lé ?»

Luku 1:42

A wi 'fali nɛ̀ yékpoli wáa kpuʔɔ nɛ́ jo: «Cɛlilɛ pe mìɛni nī bèle muɔ nyɛ́nì kpuʔɔrɔ taa, a muɔ laala pùɔ wi 'kpuʔɔrɔ taa nɛ̀ pínɛ.

Luku 1:44

Nyaa, bà mi 'muɔ síɛrilɛ lúʔu lè mi ngbúʔulo nī gèle, a pùɔ wi 'yo nɛ̀ yɛ̀ náʔa mi liyɛ nī yè, fundaanra nɛ̄ dè.

Luku 2:11

Pàngɛ gè, Suɔfɔli nyɛ́nì sii yeli mɛ́ Dawuda kàʔa nī gè, wire wī Kulocɛliɛ Siɛnnyiɛnɛgɔnwɔ wè, we Kàfɔli wè.

Luku 7:7

Kire cɛ ki 'ki kɛn mi sì fɔ̀li nɛ̀ kɛ́ mi tíimɛ wè bè sa muɔ yeri wèʔ. Ma sí taa ma nyanyɛni láà juu, bà mi baakuɔwɔ wi bé puʔɔ.

Zezi Kirisi Kataanna Siɛnrɛ dè Zan juumɔ nɛ̄ bè 13:13

«Yeli nɛ mi yeri ‹Tɛnmɛfɔli› nɛ́ ‹Kàfɔli›. Kányiʔɛ gī, mi wī.

Zezi Kirisi Kataanna Siɛnrɛ dè Zan juumɔ nɛ̄ bè 20:28

A Toma wi 'siɛnnugoro kɛn wi mɛ́ nɛ́ wi yɛ: «ʔé, mi Kàfɔli, mi Kulocɛliɛ !»

Filipiyé 2:3

Ye fǎga de yafiɛn kpínʔini nɛ́ yejaʔa sɔ̀ngirɔ níʔ, bé nɛ́ cɛ ga jo bè míʔɛ caa tɔ̀ni fùnʔ. Gìi ki 'pɔ́ri gè, yeri yìye cɛ́rigi; siɛn wi de bìli tɔ́ri bèle pe 'tóri wire nɛ̄.

Filipiyé 3:8

Nɛ̀ taʔa gíi nɛ̄, bɛ̀ mi 'Zezi Kirisi wire cɛ́n, wi ní mi Kàfɔli wè, kire 'pɔ́ri m'mɛ́ ti mìɛni nɛ̄ dè; tire ti mìɛni ti 'kò m'mɛ́ tɔ̀nifun yɛrɛ wī. ʔaan, Zezi wire kɛnmɛ nɛ̄ bè ti mìɛni 'kò tɔ̀ni fùn wī, mi nɛ ti nyaʔa bɛ̀ kànyaʔara tíɛlɛ, dí mi sí taa bè Kirisi wire cɛ́n,