Luku 1:13 - Sénoufo Nyarafolo

¹³ A nyìʔɛnɛ tundunwɔ wi 'wi yɛ: «Fǎri fìʔɛ́ Zakariiʔ, ki 'nyaa muɔ náarigɛ ki nyɛ́nì cò. Muɔ cuɔ wè Ɛlizabɛti wè, wi bé laala taa bè nàgabile sii. Ma ga pùɔ wi míʔɛ le gè mari wi ye Zan.

Luku 1:13 Iomraidhean Croise

Sélimɛ 17:10

Dàa tire dī mi nyakungɛngɛ siɛnrɛ dè, dàa dī mi nɛ́ yeli sunʔɔmɔ ní bè nɛ́ muɔ siimɛ wuulo ní bèle bàli pe báan muɔ kàduʔumɛ gè, dàa yeli bé cò dè: nàguɔlɔ pe mìɛni 'yɛli bè kɛnɛkɛnɛ kpíʔile wè.

Sélimɛ 17:19

A Kulocɛliɛ 'jo: «ʔúnʔun: muɔ cuɔ Sara wire wī bé jaafɔli sii muɔ mɛ́. Muɔ bé wi míʔɛ le gè bèri wi yeri Siaga (ki kɔri wire wī: kátaanra pùɔ). M'bé ní koli mi nyakungɛngɛ siɛnrɛ nɛ̄ dè bè ti sɔ́migɔ juu nɛ́ wi ní, wire nɛ́ wi siimɛ wuulo ní bèle, gàa ki bé puu bànguɔ nyakungɛngɛ gè.

Sélimɛ 18:14

Yakaa yē baa lé gàa ki 'Yewe jáa wè ? Yiɛlɛ láà bìinɛ ŋáà nī wè, m'bé ní koli bɛn muɔ mɛ́; Sara wi bé jaafɔli taa.»

Sélimɛ 25:21

A Siaga 'Yewe náari wi cuɔ kɛnmɛ nɛ́ bè, nɛ́ ki cɛ́n wi yé puu sìndigicuɔ. A Yewe 'Siaga náarigɛ lúʔu gè, a wi cuɔ Erebɛka wi 'laala taa.

Ŋúnuyɔ 113:9

Wiī nɛ ki kpínʔini cɛliwɛ ŋáà wī sìndigicuɔ wè, wire nɛ̂ kò pìile nuu nɛ̀ fundaanra taa. Ye- Yewe gbùʔɔrɔ wè  !

Ŋúnuyɔ 118:21

Mi nɛ báan bè pa muɔ síɛri, nɛ́ ki cɛ́n muɔ nyɛ́nì lúʔu mi mɛ́, muɔ wī ma yē mi suɔfɔli wè.

Matiye 1:21

Wi bága pa nàgabile sii; ma wi míʔɛ le gè mari wi yeri Zezi, ki 'nyaa wire wi bága wi wuulo suɔ bèle pe kapiʔile nī gèle.»

Matiye 14:27

A Zezi wi 'fali nɛ̀ juu nɛ́ pe ní sɛni nɛ́ jo: «Ye- yeli nàzɔnnɔ tɛ́ngɛ bèle, mi wī. Ye fǎri fìʔɛ́ʔ.»

Matiye 28:5

A nyìʔɛnɛ tundunwɔ wi 'juu nɛ́ cɛlilɛ bálì ní bèle nɛ́ pe yɛ: «Yeli bèle ye fǎri fìʔɛ́ʔ, mi nyɛ́nì ki cɛ́n Zezi ŋáà pe 'kóri tiiparigɛ nɛ̄ gè, wire yeli nɛ caa.

Mariki 16:6

A nàgapunwɔ wi 'fali nɛ̀ pe yɛ: «Ye fǎri fìʔɛ́ʔ, Nazarɛti kàʔa Zezi ŋáà pe 'kóri tiiparigɛ nɛ̄ gè, wire bɛ̀ʔ lé yeli nɛ caa ? Wi wè náʔaʔ, wi 'koli nɛ̀ nyɛ́ nɛ̀ yiri. Ye- nyaa tiʔɛ gíì nī pe cé wi sínge wè.

Luku 1:14

Muɔ bé fundaanra taa kpuʔɔ, bà muɔ fungo ki bé nyígi. Nɛ̀ pínɛ siɛnniʔɛmɛ bága de fundaanra kpínʔini wi siile ni wori nɛ̄ dè.

Luku 1:30

A nyìʔɛnɛ tundunwɔ wi 'wi yɛ: «Fǎri fìʔɛ́ʔ, Maari, muɔ nyɛ́nì kpuʔɔrɔ taa Kulocɛliɛ mɛ́.

Luku 2:21

Bà pùɔ wi cɛnyɛ kataanri yi 'nyì yè, a ki 'nɔ̀ pe- wi kɛnɛkɛnɛ. A pe 'wi míʔɛ le gè Zezi, míʔɛ gíì nyìʔɛnɛ tundunwɔ wi cé tìɛ gè nɛ̀ ki yaʔa pùɔ wi yàa wiì cé fìɛ wi laala taa lèʔ.

Kakpiʔiligele 10:31

A wi 'jo: ‹Kɔrinɛyi, muɔ náarigɛ ki nyɛ́nì cò, nɛ̀ pínɛ Kulocɛliɛ wi 'sɔ̀ngi nɛ̀ taa nɛ́ muɔ kpuʔɔrɔ ní dè, dàa muɔ nɛ kanʔa fuunmɔfɔlilɔ mɛ́ bèle.