Luku 1:10 - Sénoufo Nyarafolo

¹⁰ A siɛnniʔɛmɛ pi 'kɛ́ nɛ̀ sɛ́nì kò baa kpànʔanɛ gè nɛ Kulocɛliɛ náari wè, nùdaanna wusuna wi sórigo lɛ̀lɛ nī lè.

Luku 1:10 Iomraidhean Croise

Ŋúnuyɔ 141:2

Dí mi náarigɛ ki sí puu bɛ̀ wusuna tíɛlɛ ŋàa nɛ̄ muɔ 'fɔ̀li wè, mi kiyɛ yɛ̀gɛlɛ ni‑ puu bɛ̀ cɛnguʔɔ táanni kakuɔrɔ yakɔnrɔ tíɛlɛ dè.

Leviiyé 16:17

«Siɛn sì yɛli bè puu Kpàlidiʔɛ Kpátaʔa nī gèʔ bè líɛ lɛ̀lɛ líì nī Arawɔn bé jíin wè, bè kàsulugosuɔ baara kúɔ dè tiɛcɛ̀njɛngɛ wàlidɛngɛgɛ nī gè, fúɔ bè taa lɛ̀lɛ líì nī wi bé yiri míɛni wè. Wi bé kàsulugosuɔ baara kúɔ dè wire tíimɛ kɛnmɛ nɛ̄ bè, nɛ́ wi saʔa wuulo kɛnmɛ nɛ̄ bè, nɛ́ Isirayɛliyé tògo ki mìɛni wuʔu nɛ̄ gè.

Tɔ́rilɔ 7:50

A wi ń'nɛ̀ pɛn nɛ́ tiɛ tàkuuyalele nigbe ní nàa ni lúbugogɛnnɛ ni 'puu giraminɛ dabataan nɛ́ kpɔrigɔ (110); ni 'puu nyìnɛ wusuna nɛ̄.

Eburulo 4:14

Kire nɛ̄, bɛ̀ kacuɔnrilɔ kàfɔli yē weli mɛ́ ŋàa wi 'kpúʔɔ wè nɛ́ sùuri nyìʔɛnɛ nī lè, Zezi wè, Kulocɛliɛ Jaa wè, we- weli tɛ́ngɛlɛ sɔ́migɔ lè we cò kpuʔɔ.

Eburulo 9:24

Nɛ́ ki cɛ́n Kirisi wiì jíinʔ saawalidɛngɛgɛ nī gè gàa siɛnnɛ kiyɛ kpíʔile gèʔ ! Kire yé buu fìɛ yákuɔ wī nɛ kányiʔɛ saawalidɛngɛgɛ tìí gè, gàa nī Kirisi 'jíin wè, baa nyìʔɛnɛ nī lè, kire ga buu wi- wìi tìɛ Kulocɛliɛ yiʔɛ mɛ́ gè bè weli kapiʔile kàsulugo kpíʔile gè.

Tìɛlɛ 8:3

A nyìʔɛnɛ tundunwɔ wáà wiiyɛ 'pɛn nɛ̀ pɛ́nì yéri baa gbùʔɔrɔdiʔɛ yafanʔa táanni gè, tiɛ tingbopile 'puu wi mɛ́, á pe 'wi kɛn nɛ́ wusuna ní nìʔɛwɛ, wi- sa wi kɛn bè fàri Kulocɛliɛ wuulo pe mìɛni náariyɛ nɛ̄ yè gbùʔɔrɔdiʔɛ yafanʔa mɛ́ gè tiɛ wuʔu gè, baa kùlofɔlilɔ kácunʔɔ ki yiʔɛ mɛ́ gè.