Kakpiʔiligele 8:5 - Sénoufo Nyarafolo

⁵ A ki 'nyaa Filipi wire cé kɛ́ Samarii kàkpuʔɔ mɛ́ nɛ̀ sɛ́ni Kulocɛliɛ Siɛnnyiɛnɛgɔnwɔ wori nyu dè ki tiʔɛ wuulo mɛ́ bèle, Kirisi wè.

Kakpiʔiligele 8:5 Iomraidhean Croise

Kakpiʔiligele 6:5

A siɛnrɛ dáà ti 'gboli ni mìɛni dɛ́ni. A pe 'Eciɛnni nyíɛnɛ nɛ̀ kɔ̀n; tɛ́ngɛlɛ 'puu wi mɛ́ kpuʔɔ ki nàguɔ ŋáà wè, a Kulocɛliɛ Pìle ni 'wi nyì, nɛ́ Filipi, nɛ́ Purokɔri, nɛ́ Nikanɔri, nɛ́ Timɔn, nɛ́ Parimɛnasi, nɛ́ Niikola, Antiyɔsi kàʔa wuu wè; kùlo láà wuu wi cé puu á wi sí jíin Zuufulo Kulocɛliɛ caagoligo nī gè.

Kakpiʔiligele 21:8

Ki kpìɛnduu gè a we 'yɛ̀ nɛ̀ kɛ́ Sezare kàʔa mɛ́. A we sɛ́nì tìrige Filipi kpáa nī, Kulocɛliɛ siɛnrɛ jáarifɔli wè. Nàguɔlɔ kɔlisiin bílì tɛ́ngɛfɔlilɔ pe cé nyíɛnɛ nɛ̀ kɔ̀n Zerizalɛmi kàʔa mɛ́ gè, peli wàa wi 'puu. A we 'kò baa nɛ̀ lɛ̀lɛ láà kúɔ nɛ́ pe ní.

Kakpiʔiligele 8:40

Filipi wire wè, a wire kɛ́nì wìi nyaa Azɔti kàʔa nī. A wi 'séli nɛ Kataanna Siɛnrɛ jáari dè nɛ tòrí kàaya nī yè fúɔ nɛ̀ sɛ́nì nɔ̀ Sezare kàʔa nɛ̄ gè.

Korɛntiyé 1 3:11

Nɛ́ ki cɛ́n siɛn sǐ ní gbɛ̀ kàkpuɔn wáà wiiyɛ yɛ̀gɛ cíginiʔ ŋàa táanni wi 'yɛ̀gɛ nɛ̀ kúɔ wèʔ, kire 'jo Zezi Kirisi wè.

Korɛntiyé 1 1:23

Weli bèle, Kulocɛliɛ Siɛnnyiɛnɛgɔnwɔ ŋáà pe 'kóri tiiparigɛ nɛ̄ gè, wire Kataanna wori tire weli nɛ jáari; tiī kúrugodiɛlɛ Zuufulo mɛ́ bèle, nɛ́ sí ní kàalafɔlilɔ siɛnrɛ kùlogolo kálì siɛnnɛ mɛ́ bèle.

Kakpiʔiligele 5:42

Cɛngɛ ó cɛngɛ pe nɛ̂ cé puu Kulocɛliɛ Gbùʔɔrɔsaʔa mɛ́ gè á kire 'laa kpáaya mɛ́ yè, nɛ siɛnnɛ tɛnmɛ bèle níɛ̀ nɛ Kataanna Siɛnrɛ jáari dè, Zezi wori dè, Kulocɛliɛ Siɛnnyiɛnɛgɔnwɔ wè.

Korɛntiyé 1 2:2

Bè tɔ̀ni bè ki juu gè, mi sì kɛ́nì ki sɔ̀ngi bè yakaa caa bè cɛ́n yeli wáà wori nīʔ, ga laa Zezi Kirisi wire wori bɛ̀ʔ dèʔ, wire ŋáà pe 'kóri tiiparigɛ nɛ̄ gè.

Kakpiʔiligele 9:20

A Sɔli wi 'fali nɛ ki nyu nɛ ki jáari tɛnmɛzaaya nī yè nɛ́ jo Zezi wire wī Kulocɛliɛ Jaa wè.

Kakpiʔiligele 8:1

Sɔli wi cé wúɔ nɛ́ pe ní Eciɛnni kpúʔu nɛ̄ gè. Kire cɛngɛ gáà gè a pe 'wuʔɔlɔ taʔa kpuʔɔ tɛ́ngɛfɔlilɔ gboli wuulo nɛ̄ bèle Zerizalɛmi kàʔa nī gè. A pe mìɛni 'cɛrigɛ nɛ̀ kɛ́ Zude tɛ́nimɛ nī nɛ́ Samarii tɛ́nimɛ ní, á ki 'kò Zezi tundunminɔ peli yákuɔlɔ.

Kakpiʔiligele 1:8

Gìi sí ki 'cɛ́n gè, fànʔa káà bága pɛn yeli mɛ́; Kulocɛliɛ Pìle ni bé tìgi yeli kúrugu, bà yeli bé puu mi wori ti juufɔlilɔ Zerizalɛmi kàʔa nī gè, nɛ́ Zude tɛ́nimɛ tiɛrɛ ti mìɛni ní dè, nɛ́ Samarii tɛ́nimɛ ní bè, fúɔ bè sa nɔ̀ duniya láʔagɛlɛ nɛ̄ gèle.»

Kakpiʔiligele 8:6

Siɛnniʔɛmɛ 'puu nɛ líiye cáanri nɛ Filipi siɛnrɛ lúru dè; ki 'nyaa pe 'puu nɛ wi fìɛlɛ nyaʔa bèle bàli wi 'puu nɛ kpínʔini bèle.

Kakpiʔiligele 8:26

A Kàfɔli wi nyìʔɛnɛ tundunwɔ wáà sɛ́nì juu nɛ́ Filipi ní wè nɛ́ wi yɛ: «Yɛ̀ mari waa cɛngɛnyɛnifolimɛ kàliige mɛ́ gè, ma sa Zerizalɛmi koligo kpàli gè ma cò, gàa ki tíri Gaza kàʔa mɛ́ gè; ki koligo kiī nɛ waa waʔa siɛn wè tòrí ki nīʔ.»

Kakpiʔiligele 8:30

A Filipi wi 'líɛ nɛ fé nɛ waa sunʔɔ wotori mɛ́ wè, nɛ̀ sɛ́nì Ecopii nàguɔ nyaa wè wi siɛnjuuliɛwɛ Ezayi sɛbɛ wéli wè nɛ ti nyu yékpogbuɔlɔ nī. A wi 'wi yúgo: «Siɛnrɛ dáà muɔ nɛ wéli dàa dè, muɔ díɛ ti kɔri cɛ́n wè lé ?»