Kakpiʔiligele 8:2 - Sénoufo Nyarafolo

² A siɛnnɛ pálì 'taa, bìli pe 'puu nɛ Kulocɛliɛ koligo gbùʔɔrɔ́ gè; a pe pɛ́nì Eciɛnni líɛ wè nɛ̀ sɛ́nì wi tɔ́n. Pe cé nyɛni nìʔɛgɛ Eciɛnni kùugo nɛ̄ gè.

Kakpiʔiligele 8:2 Iomraidhean Croise

Sélimɛ 23:2

A Sara 'kùu Kiriyati Ariba kàʔa nī. Piyē nɛ ki yeri míɛni Eburɔn kàʔa; kiī baa Kanaa kùlo nī lè. A Birayima cuɔ wi ga kùu wè, a wi pɛ́ni kùugo kpínʔini gè níɛ nyɛni wi nɛ̄.

Sélimɛ 50:9

Kapiɛngbuɔnnɔ bálì pe 'puu nɛ jíin suɔnyɔ wotorilo nī bèle, nɛ́ bàli pe 'puu nɛ tári suɔnyɔ nɛ̄ yè, a pe míɛni sí kɛ́ nɛ̀ sɛ́nì pe tórigo. A pe mìɛni 'pínɛ nɛ̀ kɛ́ Yusufu ní, a ki tɔ̀ni nɛ̀ puu siɛnniʔɛmɛ.

Tɔ́rilɔ 20:29

Bà tògo siɛnnɛ pe mìɛni 'ki nyaa Arawɔn yé kùu wè, a Isirayɛli siɛnnɛ pe mìɛni pínɛ nɛ̀ kùugo kpíʔile gè fúɔ nɛ̀ taa cɛnyɛ togo nɛ́ kpɔrigɔ.

Mariki 6:29

A ki siɛnrɛ ti 'nɔ̀ Zan wi pìtɛnmɛnɛ nɛ̄ bèle. A pe 'kɛ́ nɛ̀ sɛ́nì kpúu líɛ wè nɛ̀ sɛ́nì wi tɔ́n.

Luku 2:25

Ki sí nyaa nàguɔ wáà 'puu baa Zerizalɛmi kàʔa mɛ́ gè, pe wi yeri Simɛyɔ; siɛnsinwɛ wi 'puu ki nàguɔ wè. Wi 'puu nɛ Kulocɛliɛ koligo gbùʔɔrɔ́ gè, níɛ ki siri cɛngɛ gíì Kulocɛliɛ wi bága Isirayɛli fungo nyígi gè. Kulocɛliɛ Pìle ni cé tɔ̀ni nɛ̀ puu nɛ́ ki nàguɔ ŋáà ní wè.

Kakpiʔiligele 10:2

Ki nàguɔ ŋáà wi 'puu nɛ Kulocɛliɛ koligo gbùʔɔrɔ́ gè; Kulocɛliɛ fíɛrɛ 'puu wi nī wire nɛ́ wi saʔa wuulo pe mìɛni ní bèle. Wi kɔli ki 'puu sáʔagɛ wi siɛnnɛ kanʔa bèle nìʔɛgɛ kàʔa nī gè, nɛ̀ pínɛ wi 'puu nɛ Kulocɛliɛ náari wè lɛ̀gɛlɛ ke mìɛni nī.

Kakpiʔiligele 2:5

Ki sí nyaa Zuufulo pálì cé pɛn nɛ̀ pɛ́nì kò baa Zerizalɛmi kàʔa nī gè. Pe 'puu nɛ Kulocɛliɛ koligo gbùʔɔrɔ́ gè; pe cé kɔ́n duniya tiɛrɛ kùlogolo ke mìɛni nī gèle.

Kakpiʔiligele 8:1

Sɔli wi cé wúɔ nɛ́ pe ní Eciɛnni kpúʔu nɛ̄ gè. Kire cɛngɛ gáà gè a pe 'wuʔɔlɔ taʔa kpuʔɔ tɛ́ngɛfɔlilɔ gboli wuulo nɛ̄ bèle Zerizalɛmi kàʔa nī gè. A pe mìɛni 'cɛrigɛ nɛ̀ kɛ́ Zude tɛ́nimɛ nī nɛ́ Samarii tɛ́nimɛ ní, á ki 'kò Zezi tundunminɔ peli yákuɔlɔ.

Kakpiʔiligele 8:3

Sɔli wire 'puu nɛ ŋàʔana bè tɛ́ngɛfɔlilɔ gboli cúʔɔ lè wī. Wi 'puu nɛ jiin saaya nī yè nɛ tɛ́ngɛfɔlilɔ cògí bèle fànʔa, nɛ waa nɛ kanʔa pe pe tɔ́ngi kasuu nī, cɛlilɛ bèle nɛ́ nàguɔlɔ ní bèle.

Fànʔa Kajuʔulo 34:8

A Isirayɛli siɛnnɛ pe 'nyɛni Misa kùugo nɛ̄ gè cɛnyɛ togo nɛ́ kpɔrigɔ, baa Mowabi waama kùlo kpàanjalilɛ nɛ̄ bèle. A kùugo nɛ́ kɔnwaara cɛnyɛ yi pɛ́nì nyì.