Kakpiʔiligele 8:1 - Sénoufo Nyarafolo

¹ Sɔli wi cé wúɔ nɛ́ pe ní Eciɛnni kpúʔu nɛ̄ gè. Kire cɛngɛ gáà gè a pe 'wuʔɔlɔ taʔa kpuʔɔ tɛ́ngɛfɔlilɔ gboli wuulo nɛ̄ bèle Zerizalɛmi kàʔa nī gè. A pe mìɛni 'cɛrigɛ nɛ̀ kɛ́ Zude tɛ́nimɛ nī nɛ́ Samarii tɛ́nimɛ ní, á ki 'kò Zezi tundunminɔ peli yákuɔlɔ.

Kakpiʔiligele 8:1 Iomraidhean Croise

Matiye 22:6

«A pàli cɛ́nì kùlofɔli wi tundunminɔ cò bèle nɛ̀ pe dàridari nɛ̀ pe kpúu.

Matiye 23:34

Kire kɛnmɛ nɛ̄, ye- nyaa mi wè, m'bé Kulocɛliɛ siɛnjuulo tórigo yeli mɛ́ nɛ́ siɛnsicilile ní, nɛ́ Fànʔa Siɛnrɛ sɛbɛcɛ́nminɛ ní. Yeli bé pe pàli kpúu, bè pàli kóri tiiparigɛ nɛ̄, bé ní pàli kpúɔn sápinyiʔɛnɛ nɛ̄ yeli tɛnmɛzaaya nī yè, de pe cìrá de mári kàaya nī yè.

Matiye 5:13

«Yeli bīɛlɛ duniya wi yasuʔɔgɔ gè. A yasuʔɔgɔ ki tàanma pi sí kúɔ ki nī gè, gáa ní pe bé ní ki tɛ́ni cígini ? Kiì kò lé kanyuɔnɔfun yɛgɛ wī lé ? Ki 'kò pe- ki líɛ pe wáa kpànʔanɛ, siɛnnɛ de ki tánʔana de tòrí wī.

Zezi Kirisi Kataanna Siɛnrɛ dè Zan juumɔ nɛ̄ bè 15:20

Ye- sɔ̀ngi ye taa nɛ́ mi siɛnrɛ dáà mi 'juu yeli mɛ́ dè nɛ́ yeli yɛ: sùkulowo wiì kpúʔɔ nɛ̀ tóri wi kàfɔli nɛ̄ wèʔ. A pe 'mi wuʔɔ mi wè, bà míɛni pe bága yeli wuʔɔ. A pe 'mi siɛnrɛ lúʔu dè, bà míɛni pe bé yeli wori lúʔu dè.

Zezi Kirisi Kataanna Siɛnrɛ dè Zan juumɔ nɛ̄ bè 16:2

Pe bága yeli cìra bè yige tɛnmɛzaaya nī yè. Lɛ̀lɛ láà bága cɛ nɔ̀, a siɛn 'yeli kpúu wè, siɛn wi bé ki 'nyaa bè jo dùʔɔ wire nyɛ́nì kpuʔɔrɔ taʔa Kulocɛliɛ nɛ̄ wī.

Kakpiʔiligele 1:8

Gìi sí ki 'cɛ́n gè, fànʔa káà bága pɛn yeli mɛ́; Kulocɛliɛ Pìle ni bé tìgi yeli kúrugu, bà yeli bé puu mi wori ti juufɔlilɔ Zerizalɛmi kàʔa nī gè, nɛ́ Zude tɛ́nimɛ tiɛrɛ ti mìɛni ní dè, nɛ́ Samarii tɛ́nimɛ ní bè, fúɔ bè sa nɔ̀ duniya láʔagɛlɛ nɛ̄ gèle.»

Kakpiʔiligele 13:1

Baa Antiyɔsi tɛ́ngɛfɔlilɔ gboli nī lè, Kulocɛliɛ siɛnjuulo 'puu baa nɛ́ tɛnmɛfɔlilɔ ní, pe míɛyɛ yi n'yɛ: Barinabasi nɛ́ Simɛyɔ ŋáà pe ye Nawuɔ wè, nɛ́ Lusiyɔsi ŋáà wi 'kɔ́n Siirɛni kàʔa mɛ́ gè, nɛ́ Manayɛni wire ŋáà wi cé wúɔ nɛ̀ pìire pùrɔ nɛ́ kùlofɔli Erodi ní wè, nɛ́ Sɔli.

Kakpiʔiligele 13:36

«Nɛ̀ sí ki taa Dawuda wire tíimɛ wè, wi lɛ̀lɛ nī lè bà wi cé Kulocɛliɛ fungo kele kpíʔile gèle nɛ̀ kúɔ gèle, a wi 'kùu, a pe sɛ́nì wi tɔ́n wi tuuliɛyɛ táanni yè, a wi céri ti 'fúnʔɔ.

Kakpiʔiligele 2:47

Pe 'puu nɛ Kulocɛliɛ gbùʔɔrɔ́ wè, a pe kɛnmɛ míɛni pi 'siɛnnɛ pe mìɛni dɛ́ni kàʔa nī gè. Cɛngɛ ó cɛngɛ Kàfɔli wi nɛ̂ cé tɛ́ngɛfɔlilɔ pálì suɔ fɔnminɔ nɛ̀ fàri wi wuulo nɛ̄ bèle.

Kakpiʔiligele 22:20

Nɛ̀ pínɛ bà pe cé Eciɛnni kpúu wè, muɔ wori ti juufɔli wè, mi 'puu baa ki cɛngɛ gè, a mi 'wúɔ nɛ́ pe ní bàli pe cé wi kpúu wè; mi tíimɛ cɛ mi cé pe bururo suɔ dè nɛ̀ cò.›

Kakpiʔiligele 26:10

Kire sí mi 'kpíʔile mi wè, Zerizalɛmi kàʔa mɛ́ gè. Nɛ̀ yɛli nɛ́ fànʔa gíì kacuɔnrilɔ kàfɔlilɔ pe yé kɛn mi mɛ́ gè, a mi 'tɛ́ngɛfɔlilɔ nìʔɛnɛ cò nɛ̀ tɔ́n kasuu nī, nɛ̀ pínɛ a pe cé kàyuʔu juu nɛ̀ cáan siɛn ŋíì nɛ̄ bè wi kpúu wè mi nɛ̂ cé wúɔ nɛ́ pe ní.

Kakpiʔiligele 5:18

A pe 'Zezi tundunminɔ cò bèle nɛ̀ pe le kasuu nī.

Kakpiʔiligele 5:20

«Yeri waa ye sa yéri Kulocɛliɛ Gbùʔɔrɔsaʔa nī gè, ye sìi fɔnwɔ siɛnrɛ dáà ti mìɛni juu siɛnnɛ mɛ́ bèle.»

Kakpiʔiligele 5:33

A siɛnrɛ dáà ti 'kàyuʔujuulo gboli wuulo yáa bèle kpúʔɔ kátii, a pe 'yɛ̀ nɛ ki caa bè Piɛriyé kpúu bèle bè yige baa.

Kakpiʔiligele 5:40

A pe sí koli nɛ̀ Zezi tundunminɔ yeri bèle nɛ̀ pɛ́nì tí a pe 'pe kpúɔn, nɛ́ ti juu nɛ̀ láʔa pe nɛ̄ pe fǎga ní yakaa juu Zezi míʔɛ wori nɛ̄ dèʔ, nɛ́ pe yaʔa a pe 'kɛ́.

Kakpiʔiligele 7:38

«Kire tundunwɔ wire wi 'puu baa lɛ̀lɛ níì nī weli wuulo gboli ni 'puu waama kùlo nī lè. Wi nɛ̂ cé yéri weli tuuliɛyɛ yi sunʔɔmɔ nɛ́ nyìʔɛnɛ tundunwɔ wi sunʔɔmɔ ní bè, á nyìʔɛnɛ tundunwɔ wi nàa nyu nɛ́ wi ní Sinayii nyagurugo nɛ̄ gè. Wire wi 'sìi siɛnrɛ taa dè nɛ́ ti juu weli mɛ́ bèle.

Kakpiʔiligele 7:54

Bà kàyuʔujuulo gboli wuulo pe 'siɛnrɛ dáà lúʔu dè, a ki 'pe biɛn kpuʔɔ kacɛ́nmɛ fùn, a pe 'yɛ̀ nɛ nyuɔyɔ mari yè Eciɛnni nɛ̄ wè.

Kakpiʔiligele 7:58

nɛ̀ wi cò nɛ̀ yiri Zerizalɛmi kàʔa kúrugu gè, nɛ̀ sɛ́ni sìndari tíʔi nɛ wi wáari. Bìli pe cé finɛ nɛ̀ taʔa wi nɛ̄ wè, pe cé pe bururo fòlilo dè nɛ̀ tɛ́ngɛ nàgapunwɔ wáà táanni pe 'puu nɛ wi ye Sɔli.

Kakpiʔiligele 8:14

Zezi tundunminɔ bílì pe cé puu baa Zerizalɛmi kàʔa mɛ́ gè nɛ́ ki lúʔu dí Samarii wuulo pe 'fɔ̀li Kulocɛliɛ siɛnrɛ nɛ̄ dè, a pe 'Piɛri nɛ́ Zan yɛ̀gɛ nɛ̀ tórigo baa.

Kakpiʔiligele 8:2

A siɛnnɛ pálì 'taa, bìli pe 'puu nɛ Kulocɛliɛ koligo gbùʔɔrɔ́ gè; a pe pɛ́nì Eciɛnni líɛ wè nɛ̀ sɛ́nì wi tɔ́n. Pe cé nyɛni nìʔɛgɛ Eciɛnni kùugo nɛ̄ gè.

Kakpiʔiligele 8:4

Tɛ́ngɛfɔlilɔ bílì pe cé fɛ̀ nɛ̀ cɛrigɛ bèle, peli 'puu nɛ Kataanna Siɛnrɛ jáari dè siɛnnɛ mɛ́ bèle baa pe tóridiɛyɛ nī yè.

Kakpiʔiligele 8:5

A ki 'nyaa Filipi wire cé kɛ́ Samarii kàkpuʔɔ mɛ́ nɛ̀ sɛ́ni Kulocɛliɛ Siɛnnyiɛnɛgɔnwɔ wori nyu dè ki tiʔɛ wuulo mɛ́ bèle, Kirisi wè.

Kakpiʔiligele 9:31

Tɛ́ngɛfɔlilɔ pe 'puu yanyige nɛ̄ Zude tɛ́nimɛ pi mìɛni nī bè, nɛ́ Galile tɛ́nimɛ ní bè, nɛ́ Samarii tɛ́nimɛ nī bè. Pe cé ŋɔri taa nɛ waa yiʔɛ nɛ̄ tɛ́ngɛlɛ nī lè; Kàfɔli wi fíɛrɛ ti 'puu pe nī, nɛ̀ pínɛ Kulocɛliɛ Pìle ni cé ki kɛn pe niʔɛ nɛ waa.

Wurɔmiyé 1:32

Pe sí nyɛ́nì Kulocɛliɛ kàyuʔu cɛ́n gè, nɛ̀ ki cɛ́n dí siɛnnɛ bílì pe nyɛ́ni ki kele gálì kúu gèle, kùu wi 'yɛli nɛ́ pe ní. Nɛ̀ sí ki taa piyè láʔa pe kakpiʔiligele nɛ̄ gèleʔ; pe cɛ́ni ke kpínʔini nɛ́ sí wúɔ nɛ́ bìli ní pe nyɛ́ni ke feligele kpínʔini gèle.

Filipiyé 1:12

Mi siinyɛninɛ, mi nɛ ki caa ye- ki cɛ́n gìi ki 'mi taa gè, kire ki mìɛni nyɛ́nì kpíʔile nɛ̀ Kataanna Siɛnrɛ kɛn dè a ti 'kɛ́ yiʔɛ mɛ́ wī.

Eburulo 11:27

Tɛ́ngɛlɛ kɛnmɛ nɛ̄ bè, a Misa 'yiri Ezipiti kùlo nī lè; wiì cɛ́nì fíɛ kùlofɔli funyɛrigɛ nɛ̄ gèʔ. A wi 'lèbaanna le majo wire cî gbɛ̀ wi nyaa wī ŋàa siɛn sǐ gbɛ̀ nyaa wèʔ.