Kakpiʔiligele 1:3 - Sénoufo Nyarafolo

³ Ki 'nyaa peli nɛ̄ wi cé sɛ́nì wìi tìɛ bà wi cé nyɛ́ nɛ̀ yiri, wi wuʔɔgɔ nɛ́ wi kùu kàduʔumɛ gè. Wi cé kɛnmɛ sáa kpíʔile nɛ̀ ki tìɛ dí wire wī. A wi 'cɛnyɛ togosiin kúɔ nɛ́ pe ní, nɛ nyu nɛ́ pe ní Kulocɛliɛ Kùlofɔligɔ ki wori nɛ̄ dè.

Kakpiʔiligele 1:3 Iomraidhean Croise

Matiye 21:43

«Kire nɛ̄, m'bé ki juu yeli mɛ́, Kulocɛliɛ Kùlofɔligɔ ki bága suɔ yeli mɛ́ bè kɛn kùlo láà wuulo mɛ́, peli béri ki yasɛnrɛ sɛngi dè.

Matiye 28:9

Kire lɛ̀lɛ nī lè a Zezi wi sɛ́nì yiri pe nɛ̄, nɛ̀ pe yɛ: «Mi ye síɛri !» A pe sɛ́nì wi fǎa nɛ̀ mígi tɔliyɔ nɛ̄ yè, nɛ̀ kpuʔɔrɔ taʔa wi nɛ̄.

Matiye 3:2

Wi 'puu nɛ ki nyu nɛ́ jo: «Ye- yiʔɛ yeli funyɔ nī yè, nɛ̀ taʔa gíi nɛ̄, Nyìʔɛnɛ Kùlofɔligɔ ki 'sìʔɛrɛ nɛ̀ kpɔni we nɛ̄.»

Matiye 4:2

A wi sɛ́nì sún le nɛ̀ taa cɛnyɛ togosiin, pìliye togosiin. A fungo 'wi taa.

Mariki 16:19

Bà weli Kàfɔli Zezi wi 'kire siɛnrɛ dáà juu dè nɛ̀ kúɔ pe mɛ́ mmɛ gè, a wi 'fali nɛ̀ yɛ̀ nɛ̀ kɛ́ nyìʔɛnɛ nī, nɛ̀ sɛ́nì tɛ́ni Kulocɛliɛ kàliige mɛ́ gè.

Zezi Kirisi Kataanna Siɛnrɛ dè Zan juumɔ nɛ̄ bè 20:26

Cɛnyɛ kataanri kúɔ kire kàduʔu mɛ́ gè, a pìtɛnmɛnɛ pe ń'nɛ̀ pìye pínɛ saʔa nī gè; Toma wi 'puu baa nɛ́ pe ní. Kɔ̀riyɔ yi 'puu tɔ́nyɔ. A Zezi wi pɛ́nì yéri pe sunʔɔmɔ nī bè, nɛ́ pe yɛ: «Yanyige ki- puu yeli nɛ̄ !»

Zezi Kirisi Kataanna Siɛnrɛ dè Zan juumɔ nɛ̄ bè 21:1

Kele gálì ke kàduʔu mɛ́ gè, a Zezi wi ń'nɛ̀ sɛ́nì yiri pìtɛnmɛnɛ pálì nɛ̄ Tiberiyadi kuʔɔjii mɛ́ wè. Kɛnmɛ bíì nɛ̄ wi cé yiri pe nɛ̄ bèle, ki kɛnmɛ pi m'bɛ:

Zezi Kirisi Kataanna Siɛnrɛ dè Zan juumɔ nɛ̄ bè 21:14

Tadaanriwuʔu kire ki 'puu bà Zezi wi cé sɛ́nì wìi tìɛ wi pìtɛnmɛnɛ nɛ̄ bèle, wi nyɛ́yirile kàduʔumɛ gè.

Kakpiʔiligele 13:31

Bìli pe cé kɔ́n Galile tɛ́nimɛ nī bè nɛ́ tánʔa nɛ̀ kɛ́ nɛ́ wi ní Zerizalɛmi kàʔa mɛ́ gè, a wi 'wìi tìɛ pe nɛ̄ nɛ̀ taa cɛnyɛ nìʔɛyɛ. Peli bīɛlɛ píra ŋáà nī wè, pe 'káà cɛ́n wi wori nī dè níɛ ti nyu kùlo wuulo mɛ́ bèle, bɛ̀ ki 'nyaa peli bīɛlɛ pe cé wi nyaa wè.

Kakpiʔiligele 19:8

A Pɔli wi sɛ́nì jíin tɛnmɛzaʔa nī gè, a wi 'siɛnnɛ tɛnmɛ bèle nɛ̀ taa yeye taanri. Wi 'puu nɛ Kulocɛliɛ Kùlofɔligɔ wori nyu dè nɛ́ nàzorido ní, níɛ ki cìrá siɛnnɛ pe- pe sɔ̀ngirɔ yiʔɛ dè pe sí tɛ́ngɛ ki wori nɛ̄ dè.

Kakpiʔiligele 28:23

A pe 'cɛngɛ káà tɛ́ngɛ bàga pìye nyaa. Bà ki cɛngɛ ki kɛ́nì nɔ̀ gè, a pe 'kɛ́ nìʔɛnɛ baa Pɔli wi kòridiʔɛ mɛ́ gè. A wi 'siɛnrɛ líɛ dè nɛ Kulocɛliɛ Kùlofɔligɔ ki wori nyu dè nɛ tìí pe nɛ̄. Nɛ̀ ki líɛ sínbinimɛ táanni bè nɛ̀ sɛ́nì nɔ̀ cɛnguʔɔ gè, wi 'puu nɛ ti nyu nɛ láʔala pe nɛ̄, níɛ Misa Fànʔa Siɛnrɛ nyu dè nɛ́ dàa Kulocɛliɛ siɛnjuuliɛlɛ pe 'sɛbɛ dè, nɛ ki tìí dí káaliyɛ wè Zezi wori nī dèʔ.

Kakpiʔiligele 28:31

Wi 'puu nɛ Kulocɛliɛ Kùlofɔligɔ wori nyu dè nɛ mári, níɛ siɛnnɛ tɛnmɛ bèle Kàfɔli Zezi Kirisi koligo nɛ̄ gè nɛ́ tɛ́ngɛlɛ ní. Wiì puu nɛ fìʔɛ́ yafiɛn nɛ̄ʔ.

Kakpiʔiligele 8:12

Bà sí Filipi wi cé Kulocɛliɛ Kùlofɔligɔ ki Kataanna Siɛnrɛ jáari dè pe mɛ́ nɛ́ Zezi Kirisi wori ní dè, a pe 'jíin tɛ́ngɛlɛ nī lè. A nàguɔlɔ pe 'batɛmi kpíʔile wè nɛ́ cɛlilɛ ní bèle.

Wurɔmiyé 14:17

Nɛ̀ taʔa gíi nɛ̄, Kulocɛliɛ Kùlofɔligɔ gè, yaliimɛ nɛ́ yagbuɔmɔ bɛ̀ʔ; ki 'nyaa sínmɛ, nɛ́ yanyige, nɛ́ fundaanra, tire Kulocɛliɛ Pìle niī nɛ kanʔa.

Fànʔa Kajuʔulo 9:18

«A mi 'fali nɛ̀ tuu nɛ̀ cúbulo Yewe yiʔɛ mɛ́ gè, nɛ̀ kò baa bɛ̀ tabelige tíɛlɛ gè. Miì suro lìiʔ, miì luʔɔ gbuɔʔ fúɔ cɛnyɛ togosiin nɛ́ pìliye togosiin, yeli kapiigbuʔɔ kire kɛnmɛ nɛ̄ gàa yeli 'kpíʔile gè gàa ki 'pii Yewe yiʔɛ mɛ́ gè, kire gáà yeli 'kpíʔile a ki 'wi fungo yɛ̀gɛ gè kpuʔɔ wè.

Fànʔa Kajuʔulo 9:9

Bà mi yé tánʔa nyagurugo naamɛ gè bè sa kàdɛnitɛnyɛ suɔ Yewe mɛ́ wè, kàdɛnitɛnyɛ nyáà yī nyakungɛngɛ woyo yè gàa Yewe yé kpíʔile nɛ́ yeli ní wè, a mi 'kò baa nyagurugo naamɛ gè cɛnyɛ togosiin nɛ́ pìliye togosiin. Mi sì suro lìiʔ, mi míɛni sì luʔɔ gbuɔʔ.

Kolɔsiyé 1:13

Wire wi 'weli suɔ nɛ̀ yige yebilige fànʔa nī gè, nɛ̀ weli nyɔ́gɔ wi Jaa kùlofɔligɔ nī gè, wi Jaa ŋáà wi 'wi dɛ́ni wè.

Tesalonikiyé 1 2:12

Weli 'puu nɛ nyu nɛ yeli yɛrigi, nɛ yeli nàzɔnnɔ tɛ́ngi bèle, níɛ ki nyu nɛ gbɛ̀ngí yeli mɛ́ yeri tári yeri yɛligi mɛni Kulocɛliɛ wiī nɛ ki caa gè. Wire wi 'yeli yéri ye- puu nɛ́ wire ní wi kùlofɔligɔ nī gè, nɛ́ ki kpuɔmɔ nī bè.

Zan 1 1:1

Gàa ki 'puu baa sélimɛ nɛ̄ bè, gàa weli 'lúʔu gè, nɛ́ gàa weli nyapigele ke 'nyaa gèle, nɛ́ gàa weli 'sɔ́migɔ nɛ̀ wéli gè, á weli kiyɛ yi 'cò ki nɛ̄ wè, kire wuʔu weli nɛ jáari, tire dáà dī sìi siɛnrɛ dè.