Eburulo 9:9 - Sénoufo Nyarafolo

⁹ Kire yé buu fìɛ bè weli lɛ̀lɛ náà tìɛ lè. Gìi sí gī baa gè, kpuʔɔrɔ nɛ́ kakuɔrɔ yajuuro dáà kacuɔnrilɔ pe kanʔa dè, kire kàa fáala sì cî gbɛ̀ jáa bè siɛnnɛ funyɔ jíge yè yi mùnuʔ, bàli pe 'pɛn nɛ́ kakuɔrɔ yajuuro ní dè bè Kulocɛliɛ gbùʔɔrɔ wèʔ.

Eburulo 9:9 Iomraidhean Croise

Wurɔmiyé 5:14

Nɛ̀ sí ki líɛ Adama lɛ̀lɛ nī lè fúɔ nɛ̀ sɛ́nì nɔ̀ Misa lɛ̀lɛ nɛ̄ lè, kùu wi 'puu nɛ wi fànʔa kpúɔn gè nɛ pínɛ bìli nɛ̄ piyè cé kapiile kpíʔile majo bɛ̀ Adama tíɛlɛ wè wire ŋáà wiì cé yéri nɛ̀ lúʔu Kulocɛliɛ nɛ̄ wèʔ. Siɛn ŋáà wi yé je ga pɛn wè, Adama wire wi 'puu nɛ ki siɛn wi kɛnmɛ tìí bè.

Galasiyé 3:21

Kire sí jo lé Fànʔa Siɛnrɛ tiī nɛ Kulocɛliɛ nyafɛnidɛ túngu dè wī lé ? ʔéʔe díɛ! A ki cé puu majo Fànʔa Siɛnrɛ ti yé je gbɛ̀ sìi kɛn siɛn mɛ́ wè, je siɛn cî gbɛ̀ jáa bè wìi juu bè yige nɛ́ Fànʔa Siɛnrɛ ní dè!

Eburulo 10:11

Cɛngɛ ó cɛngɛ, kacuɔnriwɔ ó kacuɔnriwɔ wi nɛ̂ yéri nɛ̀ wi baara kúɔ dè, nyakungɛngɛ liʔɛ wori dè. Wi nìɛ kakuɔrɔ wenuro kúu dè nɛ taʔala, tire dáà tiǐ cî gbɛ̀ jáa bè kapiʔile láʔa gèle púloʔ.

Eburulo 11:19

Nɛ̀ ki yaʔa Birayima yé ki sɔ̀ngi nɛ̀ tɛ́ngɛ ki nɛ̄ dí Kulocɛliɛ wi bé gbɛ̀ jáa bè wi nyɛ́ yige kúbilo nī bèle. Kire nɛ̄ we bé gbɛ̀ ki juu bé jo kire ki nyɛ́nì kpíʔile.

Eburulo 5:1

Ki 'nyaa kacuɔnrilɔ kàfɔli ó kàfɔli, pe nɛ̂ wi nyíɛnɛ nɛ̀ kɔ̀n siɛnnɛ sunʔɔmɔ nī, níɛ̀ wi tɛ́ngɛ wi- puu siɛnnɛ pe kàsuluwo Kulocɛliɛ yiʔɛ mɛ́ gè bèri pe kpuʔɔrɔ nɛ́ pe kakuɔrɔ yɛrɛ kɔ̀ngí dè, kapiʔile wori dè.

Eburulo 7:11

Leviiyé kacuɔnrigɔlɔ keli ke 'puu Misa Fànʔa Siɛnrɛ nyùgo gè, dàa Isirayɛli siɛnnɛ pe yé taa dè. Nɛ̀ sí ki yaʔa, a Leviiyé kacuɔnrilɔ pe yé jáa nɛ̀ ki nyuɔ nɛ̀ fori gè gàa ki 'yɛli bè kpíʔile gè, nyùgo sí cî ní puu ki nɛ̄ Kulocɛliɛ ní kacuɔnriwɔ wáà yige Mɛlikisedɛki felige gè, bé sí Arawɔn tùlugo yaʔa gè.

Eburulo 8:4

A wi yé puu náʔa dàala nɛ̄ lè, wiǐ cî puu kacuɔnriwɔʔ. Nɛ́ ki cɛ́n bàli bīɛlɛ náʔa nɛ̀ kúɔ bèle, peli nɛ kpuʔɔrɔ kanʔa dè nɛ kúu majo bɛ̀ Misa Fànʔa Siɛnrɛ ti 'ki juu dè.

Eburulo 9:24

Nɛ́ ki cɛ́n Kirisi wiì jíinʔ saawalidɛngɛgɛ nī gè gàa siɛnnɛ kiyɛ kpíʔile gèʔ ! Kire yé buu fìɛ yákuɔ wī nɛ kányiʔɛ saawalidɛngɛgɛ tìí gè, gàa nī Kirisi 'jíin wè, baa nyìʔɛnɛ nī lè, kire ga buu wi- wìi tìɛ Kulocɛliɛ yiʔɛ mɛ́ gè bè weli kapiʔile kàsulugo kpíʔile gè.

Piɛri 1 3:21

Luʔɔ gáà ki yé puu fìɛ nɛ batɛmi kɛnmɛ tìí bè. Batɛmi wi wè nɛ céri núʔɔmɔ láʔala bèʔ, nɛ̀ ki yaʔa wiī nɛ ki tìí siɛn wi 'wìi kɛn nɛ̀ láʔa Kulocɛliɛ mɛ́ nɛ́ funviige ní. Bɛ̀ Zezi Kirisi 'nyɛ́ nɛ̀ yiri wè, batɛmi wi 'kò píra ŋáà nī wè, kaala láà nàa ni ki tìí Kulocɛliɛ nyɛ́nì weli suɔ wè.