Eburulo 9:7 - Sénoufo Nyarafolo

⁷ Nɛ̀ ki yaʔa kacuɔnrilɔ kàfɔli wire yákuɔ wi cî gbɛ̀ jíin saasiinwuʔu nī gè, tiɛcɛ̀njɛngɛ wàlidɛngɛgɛ gè. Nɛ̀ pínɛ wiǐ gbɛ̀ jíinʔ yajuʔu sìsiɛn fùnʔ gàa wiī nɛ kanʔa Kulocɛliɛ mɛ́ wè, wire kɛnmɛ nɛ̄ bè nɛ́ siɛnnɛ pe kɛnmɛ nɛ̄ bè, a ki yé pe 'kolimɔ kele kpíʔile, piyè sí ki kɔ̀rirɔ wèʔ. Kire 'puu nɛ kpínʔini tɔligɔ nigbe yákuɔ wī yiɛlɛ nī lè.

Eburulo 9:7 Iomraidhean Croise

Ŋúnuyɔ 19:12

Yewe yo, muɔ siɛnrɛ tiī nɛ mi sɔ̀mí, mi ŋáà wī muɔ baakuɔwɔ wè. Ŋàa wi tári nɛ yɛligi nɛ́ ti ní dè, wiī nɛ tɔ̀ni taʔa ti nī.

Ŋúnuyɔ 95:10

Fúɔ nɛ̀ taa yiʔɛlɛ togosiin a kire kɛ̀nnɛ náà siɛnnɛ pe 'kò m'mɛ́ laabiri yɛgɛ, a mi sí ki juu nɛ́ jo: «Siɛnnɛ pálì bīɛlɛ, pe funyɔ yi nyɛ́nì pùunni; pe sì mi koligo cɛ́n gèʔ.»

Yirile 30:10

Arawɔn bé jíin tɔligɔ nigbe yiɛlɛ nī lè bè kàsulugosuɔ baara kúɔ dè, nɛ́ kapiʔile kàsulugo kaara sìsiɛn ní gè, bè ki taʔa sórigodiʔɛ nyɛgɛlɛ nɛ̄ gèle. Tɔligɔ nigbe yiɛlɛ nī lè, wi bé kàsulugosuɔ baara kúɔ dè sórigodiʔɛ nɛ̄ gè, kɛ̀ngɛlɛ ke mìɛni nī. Nɛ́ ki cɛ́n ki bè kò sórigodiʔɛ cɛ̀njɛngɛ wàlidɛngɛgɛ Yewe mɛ́.»

Leviiyé 16:34

«Tire yē fànʔa kaala lɛ̀lɛ ó lɛ̀lɛ nī: tɔligɔ nigbe yiɛlɛ nī lè, kàsulugosuɔ baara ti 'yɛli bè kúɔ Isirayɛli siɛnnɛ pe kapiʔile wuʔu nɛ̄ gè.» A Arawɔn 'ki kpíʔile dàa ti mìɛni Yewe yé juu nɛ̀ gbɛ̀ngɛ Misa mɛ́ wè.

Leviiyé 5:18

«Wi bé pɛn nɛ́ sìnbapɔli ní wè, kpɔlidiɛlɛ fùn, bè wi kɛn kacuɔnriwɔ mɛ́ wè. Wi bé wi nyíɛnɛ gɔ̀n wi sìnbatogo nī gè, sìnbapɔli ŋáà lɔri ti juu nɛ̀ yɛli nɛ́ nyuɔ gáà ní pe 'tɛ́ngɛ kolimɔ kakuɔrɔ wuʔu nɛ̄ gè. Kacuɔnriwɔ wi bé sí kàsulugosuɔ baara kúɔ dè wi mɛ́ kaala náà wi 'kpíʔile lè a wi 'tánʔa nɛ̀ pùunni, wiì sí ki kɔ̀rirɔ wèʔ. Bà siɛn wi kapiʔile kàsulugo ki bé suɔ.

Tɔ́rilɔ 15:25

Kacuɔnriwɔ wi bé kàsulugosuɔ baara kúɔ dè Isirayɛli tògo siɛnnɛ pe mìɛni mɛ́, bà pe kapiʔile kàsulugo ki bé suɔ nɛ́ ki cɛ́n piyè ki kɔ̀rirɔ wī nɛ̀ kapiile kpíʔile lèʔ, nɛ́ míɛni pe nyɛ́nì pɛn nɛ́ pe kpuʔɔrɔ ní dè, yakɔnrɔ dáà kàsun ki sórigi dè Yewe yiʔɛ mɛ́ gè, nɛ́ kapiʔile kàsulugo kakuɔrɔ dè Yewe yiʔɛ mɛ́ gè, pe kapiile kɛnmɛ nɛ̄ bè nàa piyè ki kɔ̀rirɔ nɛ̀ ni kpíʔile lèʔ.

Efɛziyé 4:18

Piyē yebilige nī pe sɔ̀ngirɔ ti kiyɛ nī yè; sìi ŋáà Kulocɛliɛ wiī nɛ kanʔa wè, pe liɛlɛ wè baa wi nīʔ pe katiire tire kɛnmɛ nɛ̄ bè nɛ́ pe fungbɛnyɛ ní yè.

Eburulo 10:3

Ki sí nyaa kakuɔrɔ dáà tire ti 'siɛnnɛ yaʔa bèle pe sɔ̀ngí nɛ taʔa nɛ́ pe kapiʔile ní gèle yiɛlɛ ó yiɛlɛ.

Eburulo 6:19

Kire sɔ̀ngirɔ taʔadiʔɛ ki 'weli funyɔ sɔ́migɔ yè nɛ̀ lìri. Kiī nɛ waa fúɔ nɛ̀ sɛ́nì jíin nɛ̀ sùuri gunbɔli fɛ̀ni nī wè, nɛ̀ jíin tiɛcɛ̀njɛngɛ wàlidɛngɛgɛ nī gè.

Eburulo 7:27

Wi wè bɛ̀ʔ kacuɔnrilɔ kàfɔlisɛnminɛ tíɛlɛ bèleʔ; wi màakuu wè bèri kakuɔrɔ yajuuro kɔ̀ngíʔ cɛngɛ ó cɛngɛʔ, bè séli wi tíimɛ kapiʔile wuʔu nɛ̄ gèʔ, kire kàduʔumɛ gè, nɛ́ siɛnnɛ wuʔulo ní gèleʔ. Wi nyɛ́nì ki kakuɔrɔ kúɔ dè tɔligɔ nigbe nɛ̄, bà wi yé wìi tíimɛ kɛn wè.

Eburulo 9:3

Tiɛcɛ̀njɛngɛ wàlidɛngɛgɛ ki 'puu gunbɔli fɛ̀ni kúrugu wè.