Eburulo 9:5 - Sénoufo Nyarafolo

⁵ Finʔɛgɛ ki naamɛ gè, seribɛnnɛ bálì pe cé faan bèle, pe fíkɛnyɛ yi yé kàsulugo suɔdiʔɛ tɔ́n gè nɛ Kulocɛliɛ kpuɔmɔ tìí bè. Nɛ̀ ki yaʔa lɛ̀lɛ náà lire nī bɛ̀ʔ we béri tire nyu de fíligiʔ.

Eburulo 9:5 Iomraidhean Croise

Ŋúnuyɔ 80:1

Ŋúnuŋuminɔ yiɛginiwɛ wuʔu gī. Pe 'ki ŋú nɛ́ yékpoli ní nàa ni 'jo: «Luʔɔ kácunʔɔ». Nyakungɛngɛ siɛnrɛ. Asafi ŋúnudanʔa gī gàa pe ŋú nɛ́ yakpuɔnrɔ ní dè.

Ŋúnuyɔ 99:1

Yewe wiī Kùlofɔli! Kùlogolo siɛnfeliye yiī nɛ fún nɛ yàʔará. Wi kùlofɔlilɔ kácunʔɔ kiī seribɛnnɛ naamɛ gè. Dàala niī nɛ cúungu.

Leviiyé 16:13

Bà wi bé wusuna míige wo gè kàsunnɛganʔana nɛ̄ gèle Yewe yiʔɛ mɛ́ gè, kire ga buu wusuna wírige ki bé kàsulugo suɔdiʔɛ tɔ́n gè, gàa gī nyakungɛngɛ finʔɛgɛ nɛ̄ gè, bɛ̀ ki bé kpíʔile wiǐ ga tíi kùuʔ.

Leviiyé 16:2

A Yewe 'wi yɛ: «-Ki juu muɔ luɔ Arawɔn mɛ́ wè wi fǎga de jiinʔ wi nyɛ́ni lɛ̀lɛ nī lè tiɛcɛ̀njɛngɛ wàlidɛngɛgɛ nī gèʔ gàa gī gunbɔli fɛ̀ni kúrugu wè, kàsulugo suɔdiʔɛ yiʔɛ mɛ́ gè gàa gī nyakungɛngɛ finʔɛgɛ naamɛ gè nɛ̀ ki tɔ́n gè. Kire bé ki yaʔa wi fǎga kúuʔ a mi kɛ́nì tìgi kàsadibagɛ nī gè, kàsulugo suɔdiʔɛ naamɛ gè.

Tɔ́rilɔ 7:89

Bà Misa 'puu nɛ jiin Kpàlidiʔɛ Kpátaʔa nī gè bèri nyu nɛ́ Yewe ní wè, wi 'puu nɛ yékpoli lúru lè nàa ni 'puu nɛ nyu nɛ́ wi ní wè; ni 'puu nɛ kɔ́ngi seribɛnnɛ siin sunʔɔmɔ nī bè, kàsulugo suɔdiʔɛ naamɛ gè, gàa ki yé puu nyakungɛngɛ finʔɛgɛ yatɔngɔ gè. Kire kɛnmɛ báà pire nɛ̄ Yewe wi 'puu nɛ nyu nɛ́ Misa ní wè.

Wurɔmiyé 9:4

Peli bálì bīɛlɛ Isirayɛli wuulo bèle, Kulocɛliɛ wi 'pe líɛ nɛ̀ pe kpíʔile wi pìile bèle, á pe ní kpuɔmɔ nī bè, nɛ́ ní Kulocɛliɛ nyakungɛngɛ wuulo bèle, peli mɛ́ Kulocɛliɛ wi 'Fànʔa Siɛnrɛ kɛn dè, Kulocɛliɛ wi 'wi gbùʔɔrɔgɛnnɛ tìɛ lè pe nɛ̄ʔ, Kulocɛliɛ wi cé nyafɛnigɛ líɛ pe mɛ́.

Efɛziyé 3:10

gìi ki bé tí Kàfɔli wi wuulo gboli lire kɛnmɛ nɛ̄ bè, kàfɔligɔ feliye yè nɛ́ fànʔafɔligɔ feliye nyáà yī baa nyìʔɛnɛ nī lè, ti- ki cɛ́n Kulocɛliɛ sícilimɛ koliyo yiī nìʔɛyɛ kátii.

Eburulo 4:16

Kire nɛ̄ weri sìʔɛrɛ́ weri kpɔni Kulocɛliɛ kùlofɔligɔ kácunʔɔ nɛ̄ gè nɛ́ nàzorido ní; kire tiʔɛ nī weli bé nyinimɛ nɛ́ kpuʔɔrɔ taa ti- weli sáʔa lɛ̀lɛ líì nī weli màakuu yē ti nɛ̄ dè.

Piɛri 1 1:12

Kulocɛliɛ 'puu nɛ ki tìí pe nɛ̄ nɛ́ jo kire siɛnrɛ dáà dè tiì puu peli woriʔ, fúɔ yeli wori. Píra ŋáà nī wè, bàli pe Kataanna Siɛnrɛ nyu dè yeli mɛ́ wè, pe 'ki kele gálì juu gèle nɛ̀ kúɔ yeli mɛ́ Kulocɛliɛ Pìle ni fànʔa nɛ̄ gè, nàa Kulocɛliɛ 'tìrige a ni 'kɔ́n nyìʔɛnɛ nī lè. Kele kálì gīɛlɛ nyìʔɛnɛ tundunminɔ tíimɛ pe caa bè ke cɛ́n.