Eburulo 9:4 - Sénoufo Nyarafolo

⁴ Baa wusuna sórigodiʔɛ ki 'puu, tiɛ cɛ̀nwɛ wuʔu gè, nɛ́ nyakungɛngɛ finʔɛgɛ ní gè, gàa ki mìɛni pe yé tɔ́n nɛ́ tiɛ cɛ̀nwɛ ní wè. Mana wi 'puu baa tiɛ cɛ̀nwɛ daanbile nī lè, a pe 'ni tɛ́ngɛ nyakungɛngɛ finʔɛgɛ ki laamɛ nī bè, nɛ́ Arawɔn kàgbiile ní lè nàa ni yé fùn lè, nɛ́ nyakungɛngɛ siɛnrɛ kàdɛnitɛnyɛ ní yè.

Eburulo 9:4 Iomraidhean Croise

Yirile 26:33

«Muɔ bé gunbɔli fɛ̀ni tùɔn wè yatunʔɔnɔ nɛ̄ gèle. Kire tiʔɛ nī gè, gunbɔli fɛ̀ni kàduʔu mɛ́ gè, muɔ bé nyakungɛngɛ finʔɛgɛ tɛ́ngɛ gè baa. Gunbɔli fɛ̀ni wire wi bé tiɛcɛ̀ngɛ wàlidɛngɛgɛ wàli gè bè láʔa tiɛcɛ̀njɛngɛ wàlidɛngɛgɛ nɛ̄ gè.

Yirile 31:18

Bà Yewe 'juu nɛ̀ kúɔ nɛ́ Misa ní wè Sinayii nyagurugo nɛ̄ gè, a wi 'nyakungɛngɛ siɛnrɛ kàdɛnitɛnyɛ siin kɛn yè wi mɛ́. Yi yé puu kàdɛniyɛ siin nyàa pe yé tɛn yè, nyàa nɛ̄ Kulocɛliɛ wire tíimɛ kabiɛlɛ cé sɛbɛ yè.

Yirile 32:15

A Misa 'koli nɛ̀ tìgi nyagurugo nɛ̄ gè nɛ́ nyakungɛngɛ siɛnrɛ kàdɛnitɛnyɛ siin ní yè wi kiyɛ nī yè. Yasɛbɛrɛ ti 'puu kàdɛnitɛnyɛ yi yiɛyɛ siin nɛ̄ yè, tàa kàduʔu mɛ́, tàa yiʔɛ mɛ́.

Yirile 34:29

Bà Misa kɛ́nì tìgi Sinayii nyagurugo nɛ̄ gè, nɛ́ nyakungɛngɛ siɛnrɛ kàdɛnitɛnyɛ siin ní yè wi kiyɛ nī yè, wiì cé ki cɛ́n wire yiʔɛ ki yé kò nɛ̀ nyíʔɛnɛʔ, lɛ̀lɛ líì nī wi 'puu nɛ nyu nɛ́ Yewe ní wèʔ.

Yirile 37:25

A Bɛtisalɛli wi 'wusuna sórigodiʔɛ faan gè nɛ́ akasiya tiire ní dè. Ki tɔnigɛnmɛ pi 'puu kabuunyɛni nigbe, nɛ́ ki píɛlɛgɛnmɛ pi 'puu kabuunyɛni nigbe. Sórigodiʔɛ ki kayɔbiyɔ sicɛri yi mìɛni yi 'puu nuyɔ. Ki kpàʔalagɛnmɛ pi 'puu kabuunyiʔɛnɛ siin. Ki nyɛgɛlɛ ke mìɛni bìnɛ wi 'puu nigbe nɛ́ sórigodiʔɛ ní gè.

Yirile 39:35

nɛ́ nyakungɛngɛ finʔɛgɛ ní gè nɛ́ ki kàgbiʔile gálì ní pe ki líi gè, nɛ́ kàsulugo suɔdiʔɛ ní gè;

Yirile 40:3

Muɔ bé nyakungɛngɛ finʔɛgɛ tɛ́ngɛ gè gunbɔli fɛ̀ni kàduʔu mɛ́ gè, baa siɛn sǐ gbɛ̀ nyaa wèʔ.

Leviiyé 16:12

Wi bé tingbopile líɛ lè bé sí kàsunnɛganʔana kɔ̀n gbùʔɔrɔdiʔɛ yafanʔa nī gè gàa gī Yewe yiʔɛ mɛ́ gè, bè tingbopile nyì lè. Wi bé nùdaanna wusuna míige kagbuunyɛyɛ siin kɔ̀n, bè jíin nɛ́ ki ní gunbɔli fɛ̀ni kúrugu wè.

Tɔ́rilɔ 17:10

«Ye- núgo tògo siɛnnɛ bálì táanni bèle, bà m'bé ní pe cúʔɔ bè núgo baa píra píra ŋáà nī wè !» A Misa nɛ́ Arawɔn 'fali nɛ̀ tuu nɛ̀ yiɛyɛ cúbulo yè dàala nɛ̄ lè.

Tɔ́rilɔ 17:5

Kire nɛ̀gɛvaliyɛ nyáà yi 'puu nɛ Isirayɛli siɛnnɛ sɔ̀ngí bèle nɛ taʔa kele gálì nɛ̄ gèle, majo bɛ̀ Yewe yé tóri Misa mɛ́ wè nɛ́ ki juu gè, nɛ́ jo dí a wire sì siɛn ŋíì nyíɛnɛ nɛ̀ kɔ̀n wèʔ, ŋàa wi wè Arawɔn siimɛ wuu wèʔ, kire siɛn wiì yɛli wi sìʔɛrɛ kpɔni Yewe nɛ̄ wè bèri wusuna sórigi wèʔ, kire ga buu ki siɛn wi fǎga kò bɛ̀ Kore nɛ́ wi gboli siɛnnɛ tíɛlɛ bèleʔ.

Tɔ́rilɔ 17:8

A Misa nɛ́ Arawɔn 'fali nɛ̀ kɛ́ Kpàlidiʔɛ Kpátaʔa yiʔɛ mɛ́ gè.

Fànʔa Kajuʔulo 9:11

«Cɛnyɛ togosiin nɛ́ pìliye togosiin kúɔmɔ nɛ̄ bè, a Yewe 'kàdɛnitɛnyɛ siin kɛn yè m'mɛ́, nyakungɛngɛ siɛnrɛ kàdɛnitɛnyɛ yè.

Fànʔa Kajuʔulo 9:9

Bà mi yé tánʔa nyagurugo naamɛ gè bè sa kàdɛnitɛnyɛ suɔ Yewe mɛ́ wè, kàdɛnitɛnyɛ nyáà yī nyakungɛngɛ woyo yè gàa Yewe yé kpíʔile nɛ́ yeli ní wè, a mi 'kò baa nyagurugo naamɛ gè cɛnyɛ togosiin nɛ́ pìliye togosiin. Mi sì suro lìiʔ, mi míɛni sì luʔɔ gbuɔʔ.

Tìɛlɛ 11:19

A Kulocɛliɛ Gbùʔɔrɔsaʔa ki 'múgu baa nyìʔɛnɛ nī lè, a wi nyakungɛngɛ finʔɛgɛ ki 'múgu baa Gbùʔɔrɔsaʔa nī gè. A nyìʔɛnɛ ni 'nyíʔɛnɛ, a yékpuʔulo kálì 'juu baa, a kàsakpɛnigɛ kpɛ̀ni, a dàala ni 'cúngo, kàsasindari 'puu nɛ tíri kpuʔɔ.

Tìɛlɛ 8:3

A nyìʔɛnɛ tundunwɔ wáà wiiyɛ 'pɛn nɛ̀ pɛ́nì yéri baa gbùʔɔrɔdiʔɛ yafanʔa táanni gè, tiɛ tingbopile 'puu wi mɛ́, á pe 'wi kɛn nɛ́ wusuna ní nìʔɛwɛ, wi- sa wi kɛn bè fàri Kulocɛliɛ wuulo pe mìɛni náariyɛ nɛ̄ yè gbùʔɔrɔdiʔɛ yafanʔa mɛ́ gè tiɛ wuʔu gè, baa kùlofɔlilɔ kácunʔɔ ki yiʔɛ mɛ́ gè.