Eburulo 9:2 - Sénoufo Nyarafolo

² Kpátaʔa káà yé kpíʔile. Ki saapelige nī gè, kpátaʔa ki laamɛ nī bè, pe ki yeri tiɛcɛ̀ngɛ wàlidɛngɛgɛ gè, fètindaʔagɛlɛ tiige ní gè ki nī, nɛ́ tabali ní wè nɛ́ búru kpɔbilɔ wàlidɛngɛlɛ ní bèle.

Eburulo 9:2 Iomraidhean Croise

Yirile 25:23

«Gàa muɔ bé ní kpíʔile gè, ma tabali kpíʔile nɛ́ akasiya tiire ní. Wi tɔnigɛnmɛ pi bé puu kabuunyiʔɛnɛ siin, wi píɛlɛgɛnmɛ pi bé puu kabuunyɛni nigbe, wi kpàʔalagɛnmɛ pi bé puu kabuunyɛni nigbe nɛ́ tílaga.

Yirile 25:30

Búru kpɔbilɔ bálì pe 'kɛn pe ní tɛ́ngɛlɛ mi yiʔɛ mɛ́ gè, muɔ béri pe líi cɛngɛ ó cɛngɛ bèri pe tɛ́ngi baa tabali nɛ̄ wè, mi yiʔɛ mɛ́ gè.»

Yirile 25:31

«Muɔ bé tiɛ cɛ̀nwɛ líɛ wè bè wi kpúɔn bè fètindaʔagɛlɛ tiige kpíʔile gè, nɛ́ ki táanmɛ nyùgo ní gè, nɛ́ ki sunʔɔmɔ tiige ní gè bè ki sìɛn céwu, nɛ́ ki nɛ̀joyo ní yè bɛ̀ tiige fiɛnrɛ tíɛlɛ, nɛ́ fiɛnrɛ ti nadanʔana nɛ́ ti wɛgɛlɛ ní gèle. Ti mìɛni bìnɛ wi bé puu nigbe nɛ́ fètindaʔagɛlɛ tiige ní gè.

Yirile 26:1

A Yewe ń'nɛ̀ jo: «Muɔ bé Kòridiʔɛ kire tíimɛ kpíʔile nɛ́ fɛ̀niwɛyɛ kiɛ ní yè. Muɔ bé fɛ̀ninɛ tìin bèle nɛ́ jèsii ní ŋàa wī gàri céri dè, nɛ́ ŋàa wī kábebe céri dè, nɛ́ ŋàa wī nyìɛwɛ kpólokpolo wè, nɛ́ lɛn lagbɛnrɛ jèsii pìniwe ní. Ma ki juu kpìɛndiinnɛ mɛ́ bèle, pe- seribɛnnɛ jènyigele sɔ́migɔ gèle pe kpíʔile fɛ̀ninɛ nɛ̄ bèle.

Yirile 26:33

«Muɔ bé gunbɔli fɛ̀ni tùɔn wè yatunʔɔnɔ nɛ̄ gèle. Kire tiʔɛ nī gè, gunbɔli fɛ̀ni kàduʔu mɛ́ gè, muɔ bé nyakungɛngɛ finʔɛgɛ tɛ́ngɛ gè baa. Gunbɔli fɛ̀ni wire wi bé tiɛcɛ̀ngɛ wàlidɛngɛgɛ wàli gè bè láʔa tiɛcɛ̀njɛngɛ wàlidɛngɛgɛ nɛ̄ gè.

Yirile 26:35

Muɔ bé tabali líɛ wè bè tɛ́ngɛ gunbɔli fɛ̀ni yiʔɛ mɛ́ gè, Kòridiʔɛ ki cɛngɛnyɛnifolimɛ sɔrigɔ nī gè, kàmɛgɛ kɔli mɛ́. Muɔ bé fètindaʔagɛlɛ tiige líɛ gè bè ki tɛ́ngɛ tabali wi yiʔɛ mɛ́ gè, Kòridiʔɛ ki cɛngɛnyɛnifolimɛ sɔrigɔ nī gè, kàliige kɔli mɛ́.

Yirile 29:1

A Yewe ń'nɛ̀ jo: «Ki n'gɛ gàa muɔ bé kpíʔile bè Arawɔn nɛ́ wi jaala wàli bèle bè tɛ́ngɛ wè kire ga buu peri kacuɔnrilɔ baara kúu dè mi mɛ́ wè. «Muɔ bé kpɔlidiɛlɛfun nɛ̀piɛyɛlilɛ láà cò nɛ́ kpɔlidiɛlɛfun sìnbapɔlilɔ siin ní.

Yirile 29:35

«Bà muɔ bé ki kpíʔile Arawɔn nɛ́ wi jaala mɛ́ bèle, bè yɛli nɛ́ dàa ní mi 'juu nɛ̀ gbɛ̀ngɛ muɔ mɛ́ dè. Muɔ bé siɛntɛngɛ kakuɔrɔ kúɔ dè cɛnyɛ kɔlisiin sunʔɔmɔ nī.

Yirile 40:2

«Yebelige ki cɛnbelige nɛ̄ gè, muɔ 'yɛli bè mi Kòridiʔɛ cɔ́ri gè bè yérige, kire gáà gī mi Kpàlidiʔɛ Kpátaʔa gè.

Yirile 40:4

Muɔ bé tabali líɛ wè bè tɛ́ngɛ bé sí yɛrɛ taʔa dè wi nɛ̄ dàa ti 'yɛli bè puu wi nɛ̄ dè. Muɔ bé fètindaʔagɛlɛ tiige líɛ gè bè nyɔ́gɔ baa, bé sí fètingele líɛ gèle bè taʔa ki nɛ̄.

Matiye 12:4

A pe sɛ́nì jíin Kulocɛliɛ Kòridiʔɛ nī gè, nɛ̀ búru líɛ wè, ŋàa wi 'puu wàlidɛngɛwɛ Kulocɛliɛ mɛ́ wè, nɛ̀ wi káa, wire nɛ́ wi pínɛnyɛninɛ ní bèle. Nɛ̀ sí ki taa wiì cé yɛli bè wi káaʔ, nɛ̀ yiri kacuɔnrilɔ peli yákuɔ nī bèleʔ.

Matiye 5:15

Pe nɛ̌ fètinnɛ mù lè bé yalege cúbulo ni nɛ̄ʔ; pe cî ni mù níɛ̀ ni taʔa fètindaʔaga naamɛ wī, ni nɛ̂ kpìɛnmɛ cáan siɛnnɛ pe mìɛni mɛ́ bàli bīɛlɛ baa saʔa nī gè.

Eburulo 9:25

Wiì jíin nyìʔɛnɛ nī lè bè kakuɔrɔ baara kúɔ dè yiɛlɛ ó yiɛlɛʔ kɛnmɛ bíì nɛ̄ kacuɔnrilɔ kàfɔli wi nɛ̂ ki kpíʔile náʔa dàala nɛ̄ lèʔ, wire ŋáà wi jíin nɛ́ yajuuro sìsiɛn ní saawalidɛngɛgɛ nī gè, wire tíimɛ sìsiɛn bɛ̀ʔ.