Eburulo 9:16 - Sénoufo Nyarafolo

¹⁶ Nɛ́ ki cɛ́n a ki 'nyaa siɛnjuuyaʔara yē baa, ki 'yɛli ŋàa wi 'ti juu dè, pe- ki cɛ́n wi nyɛ́nì kùu.

Eburulo 9:16 Iomraidhean Croise

Wurɔmiyé 5:12

Bɛ̀ ki 'nyaa kapiile ni 'jíin duniya nī wè siɛn nigbe kɛnmɛ nɛ̄ bè, á kùu míɛni wi 'jíin kapiile kɛnmɛ nɛ̄ bè, a kire 'ki kɛn a kùu wi 'nɔ̀ siɛnnɛ pe mìɛni nɛ̄, nɛ̀ taʔa gíi nɛ̄, siɛnnɛ pe mìɛni nyɛ́nì kapiile kpíʔile.

Wurɔmiyé 6:23

Nɛ́ ki cɛ́n, kapiile sàri wè, kùu wī; Kulocɛliɛ kpuʔɔrɔ tire nɛ bànguɔ sìi kanʔa siɛn mɛ́, bɛ̀ weli yē pínɛnɛ nɛ́ weli Kàfɔli Zezi Kirisi ní wè.

Korɛntiyé 1 15:22

Bɛ̀ ki 'nyaa siɛnnɛ pe mìɛni 'yiri Adama nī níɛ kúu wè, bɛ̀ míɛni pe mìɛni pe bága koli bè puu sìi nɛ̄ nɛ́ Kirisi ní wè.

Eburulo 1:3

Jaafɔli wiī nɛ nyíʔɛnɛ nɛ Kulocɛliɛ cɛ̀nmɛ nɛ́ wi kpuɔmɔ tìí bè. Wiī nɛ Kulocɛliɛ kɛnmɛ tìí bè kányiʔɛ nɛ̄, nɛ́ yɛrɛ ti mìɛni cò nɛ̀ yérige nɛ́ wi siɛnrɛ ní dè, dàa dī nɛ́ ŋɔri ní dè. Lɛ̀lɛ líì nī wi yé siɛnnɛ cìile bèle nɛ̀ kapiʔile láʔa gèle, a wi 'tɛ́ni Kpuɔmɔ Kulocɛliɛ wi kàliige mɛ́ gè, baa nyìʔɛnɛ nī lè.

Eburulo 13:20

Kulocɛliɛ wire wī yanyige kɛnfɔli wè, nɛ́ wire ŋáà wi 'weli Kàfɔli Zezi Kirisi nyɛ́ wè nɛ̀ yige kúbilo nī bèle wi bànguɔ nyakungɛngɛ sìsiɛn ki fànʔa nɛ̄ gè, Zezi ŋáà wi yē wi sìnbatogo ki nàʔavɔli kpuɔwɔ wè.

Eburulo 9:15

Ki sí n'gɛ wire wī kàsuluwo wè, nyakungɛngɛ fɔngɔ wuu wè, kire ga buu bàli Kulocɛliɛ 'yeri bèle, pe- bànguɔ kɔrigɔ taa gè gàa nyuɔ wi yé fɛ̀ni gè. Nɛ́ ki cɛ́n wi kùu wi nyɛ́nì kpíʔile bè weli kapiʔile fuʔɔ tɔ́n gè bé sí siɛnnɛ suɔ bèle pe kacuʔɔgɔlɔ mɛ́ gèle, gàli pe yé kpíʔile gèle nyakungɛngɛ liʔɛ lɛ̀lɛ nī lè.

Eburulo 9:17

Gìi sí gī baa gè, ŋɔri nɛ̌ puu siɛnjuuyaʔara nī dèʔ ka laa ŋàa wi 'ti juu dè, wiì kùu gbínʔɛnɛ wèʔ. Ŋɔri sí wè ti nīʔ a ti juufɔli wiī nɛ tíin sìi nɛ̄ wèʔ.

Zaki 2:10

Ki 'nyaa a siɛn 'Fànʔa Siɛnrɛ ti mìɛni tánʔa nɛ̀ fori dè, nɛ́ pɛ́nì tuu kajuudiɛlɛ láà nigbe nī lè, wi 'tuu Fànʔa Siɛnrɛ ti mìɛni nī dè wī.