Biblia Todo Logo
Bìoball air-loidhne

- Sanasan -




Eburulo 9:12 - Sénoufo Nyarafolo

12 Wi tíimɛ sìsiɛn ní wi 'jíin kányiʔɛ tiɛcɛ̀njɛngɛ wàlidɛngɛgɛ nī gè, tɔligɔ nigbe péʔ ! Síkapɛngɛlɛ nɛ́ nɛ̀naaya sìsiɛn ní bɛ̀ʔ wi 'jíinʔ ! Bɛ̀ sí ki 'kpíʔile a weli 'bànguɔ suɔlɔ taa lè.

Faic an caibideil Dèan lethbhreac




Eburulo 9:12
32 Iomraidhean Croise  

«Bà wi bé síkapɔli kɔni wè, siɛnnɛ pe kapiʔile kàsulugo wuu wè, bé sìsiɛn líɛ gè bè jíin gunbɔli fɛ̀ni kúrugu wè. Bà wi bé ki kpíʔile míɛni nɛ́ sìsiɛn ní gè majo bɛ̀ wi 'ki kpíʔile nɛ̀piɛyɛlilɛ sìsiɛn ní gè: wi bé ki nyɛri nyɛri kàsulugo suɔdiʔɛ nɛ̄ gè nɛ́ kàsulugo suɔdiʔɛ yiʔɛ mɛ́ gè.


«A ki 'nyaa kacuɔnriwɔ ŋáà nɛ̄ pe 'sùnmɔ wo bè, wi 'kapiile kpíʔile lè, a ki 'nyaa wire kɛnmɛ nɛ̄ siɛnnɛ pe 'kolimɔ taa bè, wi 'yɛli bè pɛn nɛ́ nɛ̀piɛyɛlilɛ ní, kpɔlidiɛlɛ fùn, bè pa ni tɛ́ngɛ Yewe yiʔɛ mɛ́ gè. Ni bé puu kapiʔile kàsulugo kakuɔrɔ woli, kapiile náà wi 'kpíʔile lè lire kɛnmɛ nɛ̄.


«Ma Arawɔn nɛ́ wi jaala kɔ́ri bèle, ma pe burudo líɛ dè, nɛ́ siɛnnyiɛnɛgɔn sùnmɔ ní bè, nɛ́ kapiʔile kàsulugo kakuɔrɔ nɛ̀piɛyɛlilɛ ní lè, nɛ́ sìnbapɔlilɔ siin, nɛ́ sìnvarifun búrulo danʔa ní gè.


Kire kàduʔumɛ a wi 'pɛn nɛ́ kpuʔɔrɔ ní dè, siɛnnɛ wori dè. A wi 'síkapɔli cò wè, siɛnnɛ kapiʔile kàsulugo wuu wè, nɛ́ wi kɔni kàsulugosuɔ kakuɔrɔ wuu, kanumɔ nɛ̄ wi 'ki kpíʔile nɛ́ kakuɔrɔ pélide wori ní dè.


A siɛn ŋíì sí siɛncuʔɔrɔ juu nɛ̀ wáa Kulocɛliɛ Pìle kɔli mɛ́ gè, kire kapiile náà niǐ ga sa yaʔa siɛn nɛ̄ wèʔ, fúɔ bè pa taa lɛ̀gɛlɛ ke mìɛni nī; nɛ̀ taʔa gíi nɛ̄, ki siɛn wi 'wìi le kapiile láà nī nàa kàsulugo kiǐ ga dí suɔ bè nyaa gèʔ.»


«Kpuʔɔrɔ yē Kàfɔli nɛ̄ wè, Isirayɛli Kulocɛliɛ wè, bɛ̀ wi pɛ́nì wi kùlo wuulo wéli bèle nɛ́ pe suɔ nɛ̀ yige ki nī bèle.


«Ye- yìye cò cɛ̀ngɛ yeli tíimɛ bèle, yé míɛni ye- sí de Kulocɛliɛ tɛ́ngɛfɔlilɔ gboli sɔ́migi lè yeri wéli, nàa nī Kulocɛliɛ sìnbatogo gè. Kulocɛliɛ Pìle ni 'yeli tɛ́ngɛ ti nɛ̄ ye- puu ti nàʔavɔlilɔ yeri ti nári. Kire sìnbatogo kire Kulocɛliɛ wi 'tɛ́ngɛ wìi mɛ́ nɛ́ wi tíimɛ sìsiɛn ní gè.


Wire sìsiɛn fànʔa nɛ̄ gè, a weli 'suɔ nɛ̀ yiri ki nī, a weli kapiʔile ke 'láʔa. Kire 'kpíʔile nɛ̀ yɛli nɛ́ Kulocɛliɛ wi kpuʔɔrɔ ní dè.


Wire fànʔa nɛ̄ Kulocɛliɛ wi 'weli suɔ nɛ̀ yige, nɛ̀ weli kapiʔile kàsulugo suɔ gè nɛ̀ pínɛ.


Yeli nɛ wi Jaa siri wè, ŋàa wi je ga kɔ́n baa nyìʔɛnɛ nī lè. Kulocɛliɛ wi 'Zezi nyɛ́ wè nɛ̀ yige kúbilo sunʔɔmɔ nī bè, wire ŋáà wi 'weli suɔ Kulocɛliɛ funyɛrigɛ mɛ́ gè, gàa ki báan gè.


Wi 'wìi kɛn wire tíimɛ wè weli kɛnmɛ nɛ̄ bè bè weli suɔ kolimɔ pi mìɛni mɛ́, bè weli cìile kire ga buu weli- kò wi tíimɛ siɛnfelige bèri ŋàʔaná de kacɛ̀ngɛlɛ kpínʔini gèle.


Jaafɔli wiī nɛ nyíʔɛnɛ nɛ Kulocɛliɛ cɛ̀nmɛ nɛ́ wi kpuɔmɔ tìí bè. Wiī nɛ Kulocɛliɛ kɛnmɛ tìí bè kányiʔɛ nɛ̄, nɛ́ yɛrɛ ti mìɛni cò nɛ̀ yérige nɛ́ wi siɛnrɛ ní dè, dàa dī nɛ́ ŋɔri ní dè. Lɛ̀lɛ líì nī wi yé siɛnnɛ cìile bèle nɛ̀ kapiʔile láʔa gèle, a wi 'tɛ́ni Kpuɔmɔ Kulocɛliɛ wi kàliige mɛ́ gè, baa nyìʔɛnɛ nī lè.


Weli siinyɛninɛ, kire nɛ̄ weli bé gbɛ̀ jíin tiɛcɛ̀njɛngɛ wàlidɛngɛgɛ nī gè káaliyɛ fùn, Zezi Kirisi sìsiɛn kɛnmɛ nɛ̄ bè.


Nɛ́ ki cɛ́n nɛ̀piʔɛlɛ nɛ́ síkapɛngɛlɛ sìsiɛn gè, kire káà fáala sǐ cî gbɛ̀ jáa bè kapiʔile láʔa gèleʔ.


Kire nɛ̄ Zezi míɛni wi 'kùu kàʔa kàduʔu mɛ́ gè kire ga buu bè siɛnnɛ wàli bèle bè tɛ́ngɛ Kulocɛliɛ mɛ́ wi tíimɛ sìsiɛn kɛnmɛ nɛ̄ bè.


Bɛ̀ sí wi yé sɔ́migɔ nɛ̀ gbòbori nɛ̀ tɛ́ngɛ wi baara nɛ̄ dè, a wi 'kò wire ŋáà wi bànguɔ suɔlɔ kanʔa lè bàli pe mìɛni mɛ́ pe lúru wi mɛ́ wè.


Wi wè bɛ̀ʔ kacuɔnrilɔ kàfɔlisɛnminɛ tíɛlɛ bèleʔ; wi màakuu wè bèri kakuɔrɔ yajuuro kɔ̀ngíʔ cɛngɛ ó cɛngɛʔ, bè séli wi tíimɛ kapiʔile wuʔu nɛ̄ gèʔ, kire kàduʔumɛ gè, nɛ́ siɛnnɛ wuʔulo ní gèleʔ. Wi nyɛ́nì ki kakuɔrɔ kúɔ dè tɔligɔ nigbe nɛ̄, bà wi yé wìi tíimɛ kɛn wè.


Nyakungɛngɛ liʔɛ tìɛgɛnmɛ nɛ̄ bè, síkapɛngɛlɛ nɛ́ nɛ̀piɛyɛlilɛ sìsiɛn nɛ́ nɛ̀pori cúnʔɔ ní gè, a pe cé tire nyɛri nyɛri dè siɛnnɛ nɛ̄ bèle, bàli pe cé núʔɔ bèle, tire ti nɛ̂ cé siɛn céri cìile dè nɛ̀ núʔɔmɔ láʔa bè ti nɛ̄.


Nɛ̀ ki yaʔa bànguɔ Kulocɛliɛ Pìle kɛnmɛ nɛ̄ bè, a Kirisi wi 'wìi tíimɛ kɛn tiɛlɛfun kakuɔrɔ Kulocɛliɛ mɛ́. Bà ki yē, Kirisi sìsiɛn ki sí yē nɛ́ ŋɔri ní bè weli funyɔ cìile yè tɔ̀nifun kapiigbiʔiligele nɛ̄ gèle, kire ga buu weli gbɛ̀ri Kulocɛliɛ wewiiwe gbùʔɔrilɔ baara kúu dè.


Ki sí n'gɛ wire wī kàsuluwo wè, nyakungɛngɛ fɔngɔ wuu wè, kire ga buu bàli Kulocɛliɛ 'yeri bèle, pe- bànguɔ kɔrigɔ taa gè gàa nyuɔ wi yé fɛ̀ni gè. Nɛ́ ki cɛ́n wi kùu wi nyɛ́nì kpíʔile bè weli kapiʔile fuʔɔ tɔ́n gè bé sí siɛnnɛ suɔ bèle pe kacuʔɔgɔlɔ mɛ́ gèle, gàli pe yé kpíʔile gèle nyakungɛngɛ liʔɛ lɛ̀lɛ nī lè.


Bɛ̀ sí ki 'puu bà Misa wi cé fànʔa kajuʔulo ke mìɛni juu gèle nɛ̀ kúɔ siɛnnɛ pe mìɛni mɛ́ bèle nɛ̀ yɛli nɛ́ Fànʔa Siɛnrɛ ní dè, a wi 'nɛ̀naaya nɛ́ síkapɛngɛlɛ sìsiɛn le gè luʔɔ nī, níɛ̀ jèsii líɛ wè ŋàa wī nyìɛwɛ kpólokpolo wè nɛ́ isɔpi wɛrɛ ní dè nɛ̀ sìsiɛn nyɛri nyɛri gè nyakungɛngɛ siɛnrɛ sɛbɛ nɛ̄ wè nɛ́ siɛnnɛ nɛ̄ bèle.


bɛ̀ míɛni Kirisi wi 'wìi kɛn kakuɔrɔ tɔligɔ nigbe péʔ bè siɛnniʔɛmɛ kapiʔile láʔala gèle. Wi bé ní ga koli bɛn cígini taziinwuʔu nɛ̄ gè; kire sí wè bè kapiʔile láʔala gèle wī díɛʔ ! Kire bé puu bè suɔlɔ kɛn lè bàli mɛ́ piyē nɛ wi siri wè.


Nɛ̀ ki yaʔa kacuɔnrilɔ kàfɔli wire yákuɔ wi cî gbɛ̀ jíin saasiinwuʔu nī gè, tiɛcɛ̀njɛngɛ wàlidɛngɛgɛ gè. Nɛ̀ pínɛ wiǐ gbɛ̀ jíinʔ yajuʔu sìsiɛn fùnʔ gàa wiī nɛ kanʔa Kulocɛliɛ mɛ́ wè, wire kɛnmɛ nɛ̄ bè nɛ́ siɛnnɛ pe kɛnmɛ nɛ̄ bè, a ki yé pe 'kolimɔ kele kpíʔile, piyè sí ki kɔ̀rirɔ wèʔ. Kire 'puu nɛ kpínʔini tɔligɔ nigbe yákuɔ wī yiɛlɛ nī lè.


A pe 'yɛ̀ nɛ̀ ŋúnugo káà le nɛ ŋú ŋúnuvɔngɔ ki 'puu, níɛ waa: «Muɔ wī ma 'nyuɔ nɛ̀ yɛli bè gbɛ̀ sɛbɛ suɔ wè bé sí wi yasuʔɔgɔlɔ múgolo gèle. Nɛ̀ taʔa gíi nɛ̄, muɔ cé kùu, a kire 'ki kɛn muɔ sìsiɛn kire fànʔa nɛ̄ gè a muɔ 'siɛnnɛ suɔ nɛ̀ kɛn Kulocɛliɛ mɛ́ wè, siɛnnɛ feliye yi mìɛni yè, siɛnrɛ felide ti mìɛni wuulo bèle, nɛ́ kùlogolo ke mìɛni ní gèle, nɛ́ duniya siɛnfeliye yi mìɛni ní yè.


Lean sinn:

Sanasan


Sanasan