Eburulo 9:11 - Sénoufo Nyarafolo

¹¹ Ki sí nyaa, Kirisi wi pɛ́nì kò kacuɔnrilɔ kàfɔli píra ŋáà nī wè, weli nyuɔmɔ kɛnmɛ nɛ̄ bè. Wi nyɛ́nì jíin kpátaʔa nī gè baa nyìʔɛnɛ nī lè, gàa ki sɔ́migɔ nɛ̀ nyuɔ nɛ̀ tóri dàala kpátaʔa nɛ̄ gè, gàa siɛn kiyɛ sì kpíʔile gèʔ nɛ́ ki wè bile duniya ŋáà nī wè ŋàa Kulocɛliɛ 'faan wèʔ.

Eburulo 9:11 Iomraidhean Croise

Sélimɛ 49:10

Fànʔa kàgbiile niǐ ga tíi yiri Zuda narigɛ nī gèʔ, nɛ̀ pínɛ fànʔa sápile niǐ ga tíi yiri wi kiyɛ nī yèʔ, fúɔ bè taa ni kàfɔli wi ba pɛn, wire ŋáà mɛ́ siɛnfeliye yi béri lúru wè.

Ŋúnuyɔ 40:7

Kakuɔrɔ yajuuro dè nɛ́ yaliire yakɛnrɛ ní dè, tire yákuɔ bɛ̀ʔ muɔ nɛ caaʔ. ʔmʔm, muɔ nyɛ́nì mi ngbúʔulo múgu gèle kire ga buu mi‑ gbɛ̀ lúʔu: muɔ wè nɛ kakuɔrɔ kaasuʔuro nɛ́ kapiʔile kàsulugo kakuɔrɔ ŋàʔaná dè nɛ caaʔ.

Matiye 11:3

A pe sɛ́nì wi yúgo: «Muɔ wī lé ŋàa wi cé yɛli bága pɛn wè, á kire 'laa weri wàa wiiyɛ siri de tíin lé  ?»

Matiye 2:6

Muɔ wè Betilɛmi wè Zude tɛ́nimɛ nī bè, muɔ bɛ̀ʔ ma 'cɛ́ri nɛ̀ tóri kàliɛyɛ yi mìɛni nɛ̄ yè kùlo nī lèʔ, nɛ̀ taʔa gíi nɛ̄, yiɛginiwɛ wáà bága yɛ̀ baa muɔ tiʔɛ nī gè; wire wi bé mi kùlo nàʔa lè, Isirayɛli kùlo lè .

Mariki 14:58

«Weli cɛ́nì lúʔu wi mɛ́ dí Kulocɛliɛ Gbùʔɔrɔsaʔa gáà gè pe 'faan gàa gè, dí wire bé ki cáan bé koli ki sɔ́migɔ faan cɛnyɛ taanri larigɛ nī, kiǐ cɛ puu siɛnnɛ wofanʔaʔ.»

Zezi Kirisi Kataanna Siɛnrɛ dè Zan juumɔ nɛ̄ bè 1:14

A Siɛnrɛ ti kɛ́nì yiʔɛ nɛ̀ kò siɛn, nɛ̀ pɛ́nì tɛ́ni nɛ́ weli ní. A weli 'wi kpuɔmɔ nyaa bè, kpuɔmɔ báà bī Tuufɔli wi Jaa nigbe kpuɔmɔ bè. Kacɛ̀ngɛ nɛ́ kányiʔɛ 'puu wi mɛ́ kpuʔɔ.

Zezi Kirisi Kataanna Siɛnrɛ dè Zan juumɔ nɛ̄ bè 4:25

A cɛliwɛ wi 'wi yɛ: «Mi 'ki cɛ́n Mesii wi bága pɛn, ŋàa pe ye Kulocɛliɛ Siɛnnyiɛnɛgɔnwɔ wè; a wire kɛ́nì pɛn wè, wi bé pa ti mìɛni yiʔɛ juu bè tìɛ weli nɛ̄.»

Kakpiʔiligele 7:48

«Kire nɛ́ ki mìɛni ní gè, Kulocɛliɛ ŋáà wī Duniya wi Mìɛni Nyùgo nɛ̄ gè, wi wè kòrí saʔa nīʔ siɛnnɛ kiyɛ wofanʔaʔ, majo bɛ̀ Kulocɛliɛ siɛnjuuwo wi 'ki juu gè.

Korɛntiyé 2 4:18

Kele gálì ke nyɛ́ni wéli nɛ nyaʔa nyapile nɛ̄ lè, keli bɛ̀ʔ weli nɛ wéliʔ; gìli ke wè nyaʔa nyapile nɛ̄ lè, keli weli nɛ wéli. Nɛ̀ taʔa gíi nɛ̄, kele gílì ke wéli nɛ nyaʔa nyapile nɛ̄ lè, keli bága kúɔ wī. Nɛ̀ sí ki taa gìli ke wè nyaʔa nyapile nɛ̄ lèʔ, keli yē bànguɔ nī wī.

Korɛntiyé 2 5:1

Ki 'nyaa weli 'ki cɛ́n weli céri dáà dī weli nɛ̄ bɛ̀ bùguro saʔa tíɛlɛ náʔa duniya nī wè, a ki kɛ́nì tuu gè, Kulocɛliɛ saafanʔa káà yē baa weli mɛ́ nyìʔɛnɛ nī lè, kire saʔa gè siɛn kɔli wofanʔa bɛ̀ʔ, kiì je ga tuu bè nyaaʔ.

Kolɔsiyé 2:11

Kirisi wire nī yeli 'kɛnɛkɛnɛ kpíʔile wè, ki kɛnɛkɛnɛ ŋáà wè, siɛn kɔli kaala bɛ̀ʔ, Kirisi wī. Kire kɛnɛkɛnɛ wire wi 'yeli píle nɛ̀ suɔ céri kanɛdanʔana mɛ́ gèle.

Eburulo 10:1

Misa Fànʔa Siɛnrɛ dè, tiī fìɛ yákuɔ wī bè weli nyuɔmɔ tìɛ bè bàa pi 'puu nɛ báan bè. Ti tíimɛ sì puu kányiʔɛ woriʔ. Kire nɛ̄, tiì jáa nɛ̀ siɛn nyuɔ nɛ̀ forigoʔ bè ki yaʔa siɛn- gbɛ̀ sìʔɛrɛ kpɔni bè Kulocɛliɛ gbùʔɔrɔ wèʔ, kakuɔrɔ wenuro dáà tire kɛnmɛ nɛ̄ bèʔ, dàa ti 'puu nɛ kpínʔini yiɛlɛ ó yiɛlɛ láʔala fùn wè.

Eburulo 12:27

Nyasiɛnkɛniyɛ nyáà yè, ki bé ní kpíʔile cígini, kire nɛ̄ ki tìí yɛrɛ dáà ti 'faan dè, ti mìɛni bé cúungo bè tóri, kire ga buu dàa tiǐ gbɛ̀ cúungo dèʔ, tire yákuɔ ti bé kò.

Eburulo 13:14

Nɛ́ ki cɛ́n náʔa dàala nɛ̄ lè, kòridiʔɛ wè weli mɛ́ gàa ki mɔgi gèʔ, nɛ̀ ki yaʔa weli sɔ̀ngirɔ tiī kàkpuʔɔ nɛ̄ gè gàa ki bága pɛn gè.

Eburulo 2:17

Kire kɛnmɛ nɛ̄ wi yé yɛli bè yiʔɛ bè kò wi siinyɛninɛ tíɛlɛ bèle, lewiile bèle, kɛnmɛ pi mìɛni nɛ̄, kire ga buu wi- puu kacuɔnrilɔ kàfɔli ŋáà wī nyinidaaguugo ní gè nɛ́ ní tɛ́ngɛmɛ siɛn Kulocɛliɛ baara nī dè, bè kàsulugosuɔ baara kúɔ dè siɛnnɛ mɛ́ bèle, pe kapiʔile wori nɛ̄ dè.

Eburulo 3:1

Kire nɛ̄, weli siinyɛninɛ, Kulocɛliɛ wuulo bèle, yeli bálì Kulocɛliɛ wi 'yeri ye pa kɛ́ nyìʔɛnɛ nī lè, yeri sɔ̀ngí Zezi wuʔu nɛ̄ gè, wire ŋáà wī Kulocɛliɛ wi tundunwɔ wè nɛ́ ní kacuɔnrilɔ kàfɔli wè, weli tɛ́ngɛlɛ koligo nī gè.

Eburulo 4:15

Nɛ́ ki cɛ́n weli kacuɔnrilɔ kàfɔli wè, kiì nyaa majo wiǐ gbɛ̀ jáa bè nyinimɛ taa weli ŋɔrifun kele nɛ̄ gèleʔ. Kire sì cɛ bɛ̀ʔ; wi yé puuwelige taa kele ke mìɛni nī majo bɛ̀ weli míɛni nɛ puuweliye taʔa yè, nɛ̀ ki yaʔa wiì kapiile kpíʔileʔ.

Eburulo 7:1

Kire Mɛlikisedɛki wi 'puu Salɛmi kùlofɔli, nɛ́ ní kacuɔnriwɔ Kulocɛliɛ mɛ́, Kulocɛliɛ ŋáà wī Duniya wi Mìɛni Nyùgo nɛ̄ gè. A wi 'kɛ́ nɛ̀ sɛ́nì Birayima|Birayima|Birayima kpàli wè lɛ̀lɛ líì nī Birayima yé kɔ́n kapiɛnnɛ kpúɔndiʔɛ nī gè nɛ́ kùlofɔlilɔ jáa bèle. A Mɛlikisedɛki wi 'diba kpíʔile wè Birayima mɛ́ wè.

Zan 1 5:20

Weli nyɛ́nì ki cɛ́n míɛni, Kulocɛliɛ Jaa wi pɛ́nì sícilimɛ kɛn bè weli mɛ́, kire ga buu weli- gbɛ̀ kányiʔɛ Kulocɛliɛ cɛ́n wè. Weli sí yē pínɛnɛ nɛ́ wi ní ŋàa wi yē kányiʔɛ Kulocɛliɛ wè, bɛ̀ weli yē pínɛnɛ nɛ́ wi Jaa Zezi Kirisi ní wè. Zezi wire yē kányiʔɛ Kulocɛliɛ, wire wī bànguɔ sìi wè.

Zan 2 1:7

Mi 'tire juu wī nɛ́ ki cɛ́n káfinɛvinɛnɛ sáamɛ nyɛ́nì cɛrigɛ nɛ̀ màʔa duniya nī wè, bàli bīɛlɛ pe 'cíi, piyè yéri ki nɛ̄ nɛ̀ jo Zezi Kirisi wi nyɛ́nì pɛn siɛn céri nī dèʔ. A siɛn ó siɛn 'nyaa pe tíɛlɛ wè, kire siɛn wi yē káfinɛvinɛwɛ wī nɛ́ ní Kirisi leguuwo.