Eburulo 9:10 - Sénoufo Nyarafolo

¹⁰ Kire Kulocɛliɛ gbùʔɔrigɛnmɛ fànʔa kele gèle, keli ke 'puu nɛ nyu céri kele yákuɔ nɛ̄ gèle: yaliire nɛ́ yagbuɔrɔ wori nɛ̄ dè nɛ́ jígemununɔ kele feliye wori nɛ̄. Ti yé puu fànʔa kele fúɔ nɛ̀ pɛ́nì nɔ̀ lɛ̀lɛ líì nī ti tìɛgɛnmɛ pi 'yiʔɛ nɛ̀ kò fɔnbɔ bè.

Eburulo 9:10 Iomraidhean Croise

Yirile 29:4

«Muɔ bé Arawɔn nɛ́ wi jaala kɔ́ri bèle bè pɛn Kpàlidiʔɛ Kpátaʔa wìile yiʔɛ mɛ́ gè, bè pa pe gbéli nɛ́ luʔɔ ní.

Yirile 40:12

«Muɔ bé Arawɔn kɔ́ri wè, wire nɛ́ wi jaala ní bèle, bè pa pe yérige Kpàlidiʔɛ Kpátaʔa wìile nɛ̄ lè. Ma pe gbéli nɛ́ luʔɔ ní gè.

Leviiyé 13:58

A ki sí nyaa burugo gè, kire ga laa fɛ̀ni wè, kire ga laa burudiinge gè, á kire bɛ̀ʔ yɛgɛ ó yɛgɛ gáà pe 'kpíʔile nɛ́ sɛ̀ngɛ ní gè, a tiɛlɛ ni 'láʔa yɛgɛ nɛ̄ gè ki jígele kàduʔumɛ gè, pe 'yɛli bè ki jíge taziinwuʔu nɛ̄ gè, bà ki bé kò cìilige.»

Leviiyé 16:24

Wi bé gbéli nɛ́ luʔɔ ní tiɛwalidɛngɛgɛ káà nī, bé wi tíimɛ burudo le dè. Bà wi bé yiri bè kakuɔrɔ kaasuʔuro sórigo dè, wire tíimɛ wori dè, bé sí kakuɔrɔ kaasuʔuro sórigo dè, siɛnnɛ pe wori dè, bè kàsulugosuɔ baara kúɔ dè wire tíimɛ kɛnmɛ nɛ̄ bè nɛ́ siɛnnɛ kɛnmɛ nɛ̄ bè.

Leviiyé 16:4

A wi kɛ́nì wìi gbéli wè nɛ̀ kúɔ nɛ́ luʔɔ ní gè, wi bé buruwalidɛngɛrɛ dáà le dè: lɛn burudɔnigɔ wàlidɛngɛgɛ gè, bé sí lɛn jàdigi le wè, bé sí wìi puɔ bè cò nɛ́ lɛn burugo màʔana ní lè, bé sí lɛn ndɔ̀njɛngɛ tɔ́n gè.

Leviiyé 22:6

Ŋàa wi 'cò nɛ̀ taa kire yɛgɛ gáà ki kàa nɛ̄ gè, wi bé kò núʔɔwɔ fúɔ bè pa nɔ̀ cɛngɛnyɛnijiin lɛ̀lɛ nī lè. Wiǐ ga tíi kire yakɔnrɔ wàlidɛngɛrɛ táà káaʔ, fúɔ wi- gbéli nɛ́ luʔɔ ní.

Tɔ́rilɔ 6:3

wi bè láʔa yɛrɛ dáà nɛ̄ dè: wiì yɛli bè diviɛn gbuɔʔ nɛ́ míɛni bè sungbɛnmɛ gbuɔ bèʔ, wiǐ gbɛ̀ diviɛn luʔɔ gbuɔʔ gàa ki 'tanʔana gèʔ, nɛ́ míɛni sunmɔ páà ní bàa pi bé gbɛ̀ siɛn cáan wèʔ, a ki cɛ́nì nyaa bè ɛrɛzɛn luʔɔ gbuɔʔ. Wiì sí yɛli míɛni bè ɛrɛzɛn yasɛnrɛ káaʔ, dàa dī sìpiride dèʔ nɛ́ dàa ti 'waʔa dèʔ.

Mariki 7:4

Nɛ̀ pínɛ a siɛn wi 'kɔ́n cɛ́ni mɛ́ gè, a wi 'laa wiì wìi jíge nɛ̀ mùnu, wi nɛ̌ gbɛ̀ yakaa káaʔ. Pe kaliʔɛlɛ ke feliye yiī nìʔɛyɛ: yagbuʔɔlɔ jígege yē baa, sikɔntasaala jígege yē baa, kányiɛrɛ kàjuʔɔlɔ jígege yē baa.

Galasiyé 4:9

Bɛ̀ sí yeli 'Kulocɛliɛ cɛ́n wè píra ŋáà nī wè, á kire 'laa bɛ̀ yeli wuʔu ki kɛ́nì jíin Kulocɛliɛ nī wè, ki mɛni á ye ní nɛ̀ je koli bàa de sùkulomɔ kúu kaliʔɛlɛ yɛrɛ táà mɛ́ cígini, kanyuɔnɔfun yɛrɛ táà ?

Efɛziyé 1:10

Ki 'nyaa a ki lɛ̀lɛ ni kɛ́nì nɔ̀ lè, wi bé yɛrɛ ti mìɛni pínɛ bè ti le Kirisi kiyɛ nī, dìi dī baa nyìʔɛnɛ nī lè, nɛ́ dàa dī náʔa dàala nɛ̄ lè.

Efɛziyé 2:15

Wi 'Misa Fànʔa Siɛnrɛ jáa dè nɛ́ ti kajuudiʔɛlɛ ní gèle, a kire 'tí a wi 'siɛnfeliye yi siin kpíʔile yè a yi 'kò nigbe nɛ̀ kò siɛnfelige fɔngɔ nɛ́ wire ní, nɛ̀ yanyige nyɔ́gɔ gè.

Fànʔa Kajuʔulo 21:6

Kire kàʔa ki liɛlɛ bèle, gàa ki 'kpɔni kpúu nɛ̄ wè, pe bé pe kiyɛ jíge yè bè wo nɛ̀pori nɛ̄ wè ŋàa yétiige pe 'ŋáʔana nɛ̀ kaa gè, baa vàʔa nī gè.

Fànʔa Kajuʔulo 23:11

A ki sí nyaa nàguɔ wáà yē yeli sunʔɔmɔ nī bè ŋàa wi 'núʔɔ a ki 'nyaa wi 'ŋɔ́ni nɛ̀ yɛ̀ kpìɛnduumɛ mɛ́ bè nɛ́ nàguɔmɔ luʔɔ nyaa a ki 'yiri wi mɛ́ wè, wi bé yiri bùguro nī dè; wiǐ ní jíin baa ti laamɛ nī bèʔ.

Kolɔsiyé 2:16

Kire kɛnmɛ nɛ̄, ye fǎga tí bé siɛn yaʔa wi- yeli cɔ̀ri yakaʔa kɛnmɛ nɛ̄ʔ, á kire 'laa yagbuʔɔ kɛnmɛ nɛ̄ʔ, kàajaa pùrɔrɔ táà kɛnmɛ nɛ̄ʔ, á kire 'laa yevɔnyɔ cɛnyɛ kɛnmɛ nɛ̄ʔ, bé nɛ́ ga jo cɛndɛniyɛ kɛnmɛ nɛ̄ʔ.

Eburulo 10:22

we- sìʔɛrɛ we kpɔni Kulocɛliɛ nɛ̄ wè nɛ́ funviige ní, nɛ́ tɛ́ngɛjɛ̀nnɛ ní nàa nī káaliyɛ fùn woli lè, nɛ́ funyɔ ní nyàa yī cìiliye yè nɛ́ nyàa yī sɔ̀ngibiire fùn yè, nɛ́ weli céri ní dè dàa 'ti jíge nɛ̀ kúɔ dè nɛ́ laciilige ní gè.

Eburulo 13:9

Ye fǎga ki yaʔa pe- yeli fáanni bè pùunniʔ nɛ́ tɛnmɛgɛlɛ kálì kiiyɛ níʔ. Gìi ki 'pɔ́ri gè, yeli 'yɛli bè ŋɔri taa yeli funyɔ nī yè Kulocɛliɛ kpuʔɔrɔ kɛnmɛ nɛ̄ bè; kiì yɛli ki- puu yaliire kajuʔulo wuʔu nɛ̄ʔ. Nɛ́ ki cɛ́n bàli pe 'taʔa ki kajuʔulo nɛ̄ gèle, piyè gbɛ̀nɛ tɔ̀ni taa ke nīʔ.

Eburulo 2:5

Nɛ̀ taʔa ki nɛ̄, duniya ŋáà wi báan wè, ŋàa wori weli nɛ nyu dè, nyìʔɛnɛ tundunminɔ mɛ́ bɛ̀ʔ Kulocɛliɛ wi 'wi kɛn peri wi kàrigíʔ.

Eburulo 6:2

Yeli màakuu ní wè tíin ki nɛ̄ʔ weri yeli tɛnmɛ batɛmi feliye wori nɛ̄ dèʔ, nɛ́ kɔdaʔara wori nɛ̄ dèʔ, nɛ́ kúbilo nyɛ́yirile wori nɛ̄ dèʔ, nɛ́ Kulocɛliɛ kàyuʔujuumɔ wori nɛ̄ dè gàa ki báan gèʔ, gàa kiǐ je ga kúɔ bè nyaa gèʔ.

Eburulo 6:5

á pe 'Kulocɛliɛ siɛnrɛ tàanma taa bè, nɛ́ míɛni wi kàfɔligɔ kakpoliyo nyaa yè lɛ̀lɛ náà nī lè nàa ni 'séli nɛ waa lè,

Eburulo 7:12

Nɛ́ ki cɛ́n a wàlimɛ 'nyaa kacuɔnrigɔlɔ nī gèle, ki 'yɛli míɛni wàlimɛ- nyaa fànʔa siɛnrɛ nī.

Eburulo 7:16

Wiì kò kacuɔnriwɔ nɛ̀ yɛli nɛ́ fànʔa kajuulo láà ní nàa ni nyu saʔa tùlugo wuʔu nɛ̄ gèʔ. Kire 'kpíʔile nɛ̀ yɛli nɛ́ wi sìi fànʔa ní gè, gàa yafiɛn sì cî gbɛ̀ jáa bè cúʔɔ gèʔ.

Eburulo 9:1

Ki tiʔɛ gáà nī gè, fànʔa kele ke 'puu nyakungɛngɛ pélige nī gè nɛ Kulocɛliɛ gbùʔɔrɔgɛnmɛ tìí bé, nɛ́ saawalidɛngɛgɛ míɛni ní gè náʔa dàala nɛ̄ lé.