Eburulo 9:1 - Sénoufo Nyarafolo

¹ Ki tiʔɛ gáà nī gè, fànʔa kele ke 'puu nyakungɛngɛ pélige nī gè nɛ Kulocɛliɛ gbùʔɔrɔgɛnmɛ tìí bé, nɛ́ saawalidɛngɛgɛ míɛni ní gè náʔa dàala nɛ̄ lé.

Eburulo 9:1 Iomraidhean Croise

Yirile 25:8

Yeli bé ti mìɛni líɛ bè saawalidɛngɛgɛ káà kpíʔile m'mɛ́ kire ga buu mi- gbɛ̀ kò yeli sunʔɔmɔ nī bè.

Leviiyé 18:30

«Yeli 'yɛli bè mi kajuugbɛngɛlɛ cò gèle, kire ga buu yeli fǎga kafunnɔ láà fáala kpíʔileʔ, gàli siɛnnɛ pe yé kpíʔile sɛ́ni yeli 'jíin baa kùlo nī lè. Bɛ̀ ki bé puu yeli sǐ ga tíi yìye núʔɔʔ. Mi yē Yewe, yeli Kulocɛliɛ wè.»

Leviiyé 22:9

«Kacuɔnrilɔ pe 'yɛli bè mi kajuugbɛngɛlɛ cò gèle, kire ga buu pe fǎga kùu pe kolimɔ kɛnmɛ nɛ̄ bèʔ bà pe 'yakɔnrɔ wàlidɛngɛrɛ núʔɔ dèʔ. Mi yē Yewe ŋáà wiī nɛ pe wàlí nɛ tɛ́ngi bèle mìɛ mɛ́.

Tɔ́rilɔ 9:12

Piyě ga tíi tàa yaʔa ti- suɔnʔ; pe sì yɛli bè kaara ti kácege káà kpúɔn gaaʔ. Peli bé ki kpíʔile bè yɛli nɛ́ Torimakiyaʔa fànʔa kele ke mìɛni ní.

Luku 1:6

Pe mìɛni siin pe 'puu siɛnsinminɛ Kulocɛliɛ yiʔɛ mɛ́ gè, nɛ Kàfɔli wi kajuʔulo nɛ́ wi sínmɛ kakpiʔiligele ke mìɛni koliyo tári yè kolimɔ fùn.

Wurɔmiyé 9:4

Peli bálì bīɛlɛ Isirayɛli wuulo bèle, Kulocɛliɛ wi 'pe líɛ nɛ̀ pe kpíʔile wi pìile bèle, á pe ní kpuɔmɔ nī bè, nɛ́ ní Kulocɛliɛ nyakungɛngɛ wuulo bèle, peli mɛ́ Kulocɛliɛ wi 'Fànʔa Siɛnrɛ kɛn dè, Kulocɛliɛ wi 'wi gbùʔɔrɔgɛnnɛ tìɛ lè pe nɛ̄ʔ, Kulocɛliɛ wi cé nyafɛnigɛ líɛ pe mɛ́.

Kolɔsiyé 2:8

Ye- yìye cò, yeli wáà fáala fǎga tí bé wìi yaʔa pe- wi kɔ́ri bè le kobuunnigo nīʔ nɛ́ kacɛ́nminɛ siɛnjuuro ní dèʔ; tiī nɛ siɛn fáanni, ti wè kaala nyuʔɔʔ. Kire tɛnmɛgɛlɛ gálì gèle, kiyē nɛ kɔ́ngi siɛnnɛ pe kaliʔɛlɛ nī wī, nɛ́ duniya yasunro ti fànʔa ní gè, Kirisi mɛ́ bɛ̀ʔ tire nɛ kɔ́ngiʔ.

Eburulo 8:13

Bà Kulocɛliɛ 'nyakungɛngɛ fɔngɔ wuʔu juu gè, kire 'jo liʔɛ gè, bɛ̀ ki 'liɛ nɛ̀ kúɔ gè, a ki fànʔa ki 'kúɔ. Kire bága yiri baa wī.

Eburulo 8:2

Wiī nɛ wi baara kúu dè saawalidɛngɛgɛ nī gè, kire 'jo Kòridiʔɛ kányiʔɛ wuʔu nī gè, kire gáà Kàfɔli wi yé kpíʔile nɛ̀ yérige gè; siɛn bɛ̀ʔ wi 'ki kpíʔileʔ.

Eburulo 8:7

Gìi sí gī baa gè, a ki yē nyakungɛngɛ pélige ki cé puu pùunnidiɛlɛ fùn lè, nyùgo sì cî ní puu ki nɛ̄ bè siinwuʔu caaʔ.

Eburulo 9:24

Nɛ́ ki cɛ́n Kirisi wiì jíinʔ saawalidɛngɛgɛ nī gè gàa siɛnnɛ kiyɛ kpíʔile gèʔ ! Kire yé buu fìɛ yákuɔ wī nɛ kányiʔɛ saawalidɛngɛgɛ tìí gè, gàa nī Kirisi 'jíin wè, baa nyìʔɛnɛ nī lè, kire ga buu wi- wìi tìɛ Kulocɛliɛ yiʔɛ mɛ́ gè bè weli kapiʔile kàsulugo kpíʔile gè.