Eburulo 8:9 - Sénoufo Nyarafolo

⁹ Kiǐ puu nugoʔ nɛ́ nyakungɛngɛ gáà ní mi yé kpíʔile nɛ́ pe tobilo ní bèleʔ cɛngɛ gíì mi 'pe cò kɔli nɛ̄ nɛ̀ yige Ezipiti kùlo nī lèʔ. Peli bèle, piyè yéri ki nɛ̄ʔ nɛ waa yiʔɛmɛ nɛ́ mi nyakungɛngɛ ní gèʔ. Kire nɛ̄ a mi míɛni 'kàduʔu wáa pe mɛ́. Kàfɔli wi 'jo bɛ̀.

Eburulo 8:9 Iomraidhean Croise

Sélimɛ 19:16

A Lɔti 'kò nɛ sùnʔɔsunʔɔ, a nabɔnminɔ pe 'wi cò kɔli nɛ̄, wire nɛ́ wi cuɔ nɛ́ wi pórilo siin ní bèle, nɛ̀ wi píle nɛ̀ yige kàʔa kàduʔu mɛ́ gè, nɛ́ ki cɛ́n Yewe 'nyinimɛ taa wi nɛ̄.

Ŋúnuyɔ 105:43

Bà wi yé wi siɛnnɛ yige bèle, pe 'puu fundaanra nɛ̄, wi siɛnnyiɛnɛgɔnminɔ pe 'puu nɛ fundaanra yékpuʔulo wáari gèle.

Ŋúnuyɔ 77:20

Muɔ 'muɔ koligo kɔ̀n gè kuʔɔjii sunʔɔmɔ nī bè, nɛ́ muɔ kobile ní lè laniʔɛyɛ naamɛ yè, nɛ̀ ki yaʔa muɔ yedanyɔgɔlɔ keli sì nyaa nɛ̀ cɛ́nʔ.

Ŋúnuyɔ 78:57

Pe nyɛ́nì kàduʔu wáa wi mɛ́ nɛ́ cíi, bɛ̀ pe tobilo tíɛlɛ;, pe 'puu bɛ̀ ŋaaya tíɛlɛ nyàa pe 'ŋɔ, yiì sìɛn yèʔ !

Yirile 32:8

Pe nyɛ́nì koligo wáa gè fáari gàa wuʔu mi yé juu nɛ̀ gbɛ̀ngɛ pe mɛ́ gè. Pe nyɛ́nì tiɛ nyɛgɛ wè nɛ̀ nɛ̀piɛyɛlilɛ faan nɛ̀ tuu nɛ̀ cúbulo, nɛ ni sungu, á pe 'ki juu nɛ́ jo: ‹Isirayɛliyé kulocɛliɛ n'ŋɛ, ŋàa wi 'weli yige Ezipiti kùlo nī lè !› »

Yirile 34:10

A Yewe sí wi yɛ: «-Ki wéli, m'bé ní nyakungɛngɛ káà kpíʔile nɛ́ yeli ní. Siɛnnɛ pe mìɛni nyaamɛ nɛ̄, m'bé kakpoliyo kpíʔile fúɔ nyàa siɛnnɛ piyè fìɛ cɛ́nì nyaa nɛ̀ nyaa yèʔ, dàala ni mìɛni nɛ̄ lè nɛ́ kùlogolo nī gèleʔ. Siɛnnɛ bálì pe mìɛni pe 'yeli màʔa nɛ̀ suʔu bèle, pe bé ki nyaa kiī fíɛrɛwuʔu gàa mi nɛ kpínʔini nɛ́ yeli ní bèle.

Mariki 8:23

A wi 'fúɔn cò wè kɔli nɛ̄ nɛ̀ yiri nɛ́ wi ní vògo kúrugu gè, nɛ̀ sɛ́nì tíɛnrɛ sùlugu nɛ̀ kurugo wi mɛ́ nyapigele nɛ̄ gèle, nɛ́ kiyɛ taʔa yè wi nɛ̄ nɛ́ wi yúgo nɛ́ jo: «Muɔ nɛ yakaa nyaʔa lé ?»

Kakpiʔiligele 13:11

Ma sí de nyaʔa píra ŋáà nī wè, Kàfɔli wi bé muɔ kpúɔn; muɔ bé fùn muɔ sǐ ní de cɛngɛ kpìɛnmɛ nyaʔa bèʔ, fúɔ bè pa lɛ̀lɛ láà kúɔ.» Tiɛnugo nī gè a Eliimasi 'fali nɛ̀ ki 'nyaa nàwirile sɛni, a ki 'kò yebilige. A wi 'yɛ̀ nɛ tali nɛ tári, nɛ siɛn caa wi- wire cò.

Kakpiʔiligele 7:36

Kire Misa wire wi cé kakpoliyo kpíʔile nɛ́ fìɛlɛ ní Ezipiti kùlo nī lè, nɛ́ Isirayɛli pìile kɔ́ri bèle nɛ̀ Nyàʔanivɛgɛ Tiire kuʔɔjii jeli wè, nɛ́ waama kùlo tánʔana ní lè nɛ̀ taa yiʔɛlɛ togosiin larigɛ nī gè.

Kakpiʔiligele 9:8

A Sɔli wi 'yɛ̀ nɛ̀ yéri, nyapigele keli 'tɔ̀ni nɛ̀ puu wi nɛ̄ múgugolo, nɛ̀ ki yaʔa wiì puu nɛ yafiɛn nyaʔa ke nīʔ. A pe 'wi cò kɔli nɛ̄ gè nɛ̀ jíin Damasi kàʔa nī gè.

Galasiyé 4:24

Cɛlilɛ bálì pe siin bèle, katɔnmininɔ láà felige nī. Ki 'nyaa pe siin piyē nɛ nyakungɛngɛ tiɛyɛ siin tìí. Sùkulocuɔ Agari wè, wire nɛ Kulocɛliɛ nyakungɛngɛ ki kɛnmɛ tìí bè, gàa Kulocɛliɛ wi cé kpíʔile Sinayii nyagurugo nɛ̄ gè. Wire pìile pe 'sii sùkulomɔ nī.

Fànʔa Kajuʔulo 29:1

A Misa 'Isirayɛliyé pe mìɛni yeri bèle nɛ̀ ki juu pe mɛ́ nɛ́ jo: «Yeli nyɛ́nì ki nyaa yeli tíimɛ bèle gàa Yewe 'kpíʔile yeli nyaamɛ nɛ̄ bè baa Ezipiti kùlo nī lè, Farawɔn nɛ̄ wè, nɛ́ wi baakuɔlɔ ní bèle, nɛ́ wi kùlo ni mìɛni ní lè.

Fànʔa Kajuʔulo 29:12

bè muɔ tɛ́ngɛ pàngɛ gè muɔ- puu wire tíimɛ wuu, muɔ wè Isirayɛli siɛnfelige gè, wi bé sí puu wire tíimɛ wè muɔ Kulocɛliɛ, bɛ̀ wi yé ki juu nɛ́ ki kàli muɔ tobilo mɛ́ bèle, Birayima, nɛ́ Siaga, nɛ́ Yakuba ní wè.

Fànʔa Kajuʔulo 29:25

Pe nyɛ́nì kɛ́ nɛ̀ sɛ́ni káguro cáanri kulocɛlɛlɛ pálì mɛ́ níɛ baara pe mɛ́, kulocɛlɛlɛ bálì piyè yé cɛ́n bèleʔ, Yewe míɛni sì pe kɛn pe mɛ́ bèleʔ.