Eburulo 8:8 - Sénoufo Nyarafolo

⁸ Nɛ̀ ki yaʔa a Kulocɛliɛ wi 'juu wi siɛnnɛ nɛ̄ bèle nɛ́ jo: Ye- ki wéli ! Kàfɔli Kulocɛliɛ wi nyɛ́nì juu nɛ́ jo: Cɛnyɛ yiī nɛ báan nyàa nī m'bé nyakungɛngɛ fɔngɔ kpíʔile gè nɛ́ Isirayɛli saʔa wuulo ní bèle nɛ́ Zuda saʔa wuulo ní bèle.

Eburulo 8:8 Iomraidhean Croise

Matiye 26:28

mi sìsiɛn kire gī, Kulocɛliɛ nyakungɛngɛ sìsiɛn gè, gàa ki 'wo siɛnniʔɛnɛ kɛnmɛ nɛ̄ bè, bè kapiʔile láʔa gèle.

Mariki 14:24

Á wi 'fali nɛ̀ pe yɛ: «Mi sìsiɛn kire gī, Kulocɛliɛ nyakungɛngɛ sìsiɛn gè. Ki bé wo siɛnniʔɛnɛ kɛnmɛ nɛ̄.

Luku 17:22

A wi 'wi pìtɛnmɛnɛ yɛ bèle: «Lɛ̀lɛ láà nɛ báan baa, yeli bága de ki caa bè Siɛn Pùɔ wi cɛngɛ káà nigbe nyaa, yeli sǐ sí ki 'nyaaʔ.

Luku 22:20

Bɛ̀ pe 'lìi nɛ̀ kúɔ wè, a wi 'ki kanugo kpíʔile gè, nɛ̀ yagbuɔlɔ líɛ lè, nɛ́ jo: «Yagbuʔɔ gáà kiī nɛ ki tìí nyakungɛngɛ fɔngɔ gáà Kulocɛliɛ wi 'kpíʔile nɛ́ siɛnnɛ ní bèle mi sìsiɛn kɛnmɛ nɛ̄ bè, mi sìsiɛn gáà kire ki bé wo yeli kɛnmɛ nɛ̄ bè.»

Luku 5:38

«Gìi pe 'yɛli bè kpíʔile gè, ki 'yɛli pe sunvɔnbɔ le bè forivɔnyɔ nī.

Korɛntiyé 1 11:25

Bà pe 'lìi nɛ̀ kúɔ wè, a wi 'ki kanugo kpíʔile gè, nɛ̀ yagbuʔɔ líɛ gè, nɛ́ jo: «Yagbuʔɔ gáà kiī nɛ ki tìí nyakungɛngɛ fɔngɔ gáà Kulocɛliɛ wi 'kpíʔile nɛ́ siɛnnɛ ní bèle bɛ̀ mi sìsiɛn ki 'wo yeli kɛnmɛ nɛ̄ bè. Yeri ki kpínʔini yeri sɔ̀ngí de tari nɛ́ mi ní lɛ̀gɛlɛ ke mìɛni nī, a yeli je ki gbuɔ gè.»

Korɛntiyé 2 3:6

Wire míɛni wi 'weli líɛ nɛ̀ ki kpíʔile a weli 'yɛli nɛ́ ki ní bè gbɛ̀ puu wi nyakungɛngɛ fɔngɔ ki baakuɔlɔ bèle. Ki nàgorigo gè, kiì nyaa majo Misa Fànʔa Siɛnrɛ wori dīʔ; ʔéʔe, ti 'kɔ́n Kulocɛliɛ Pìle mɛ́ wī. Nɛ́ ki cɛ́n Misa Fànʔa siɛnrɛ tiī nɛ siɛn kpúu, Kulocɛliɛ Pìle lire nɛ̂ sí sìi nyɔ́gɔ siɛn nī.

Fànʔa Kajuʔulo 29:14

Mi 'ki kpíʔile nɛ́ yeli ní, yeli bálì bīɛlɛ náʔa pàngɛ gè Yewe weli Kulocɛliɛ yiʔɛ mɛ́ gè, nɛ́ míɛni nɛ́ bàli piyē fìɛ sii wèʔ, yeli siimɛ nī bè.› »

Eburulo 12:24

Nɛ́ míɛni yeli nyɛ́nì sìʔɛrɛ nɛ̀ kpɔni Zezi nɛ̄ wè, nyakungɛngɛ fɔngɔ kàsuluwo wè, nɛ́ wi sìsiɛn ní gè gàa ki 'nyɛri nyɛri gè, a kiī nɛ sɔ́migi nɛ nyu nɛ tóri Abɛli wuʔu nɛ̄ gè.

Eburulo 7:22

Kire nɛ̄, Zezi wire wi 'Kulocɛliɛ nyakungɛngɛ fɔngɔ fori gè, nyakungɛngɛ gáà ki 'nyuɔ nɛ̀ tóri faʔa wuʔu nɛ̄ gè.

Eburulo 8:13

Bà Kulocɛliɛ 'nyakungɛngɛ fɔngɔ wuʔu juu gè, kire 'jo liʔɛ gè, bɛ̀ ki 'liɛ nɛ̀ kúɔ gè, a ki fànʔa ki 'kúɔ. Kire bága yiri baa wī.

Eburulo 8:6

Ki n'gɛ, píra ŋáà nī wè, Zezi wi baara ti 'kpúʔɔ nɛ̀ tóri faʔa kacuɔnrilɔ wori nɛ̄ dè, bɛ̀ wi yē kàsuluwo wè bè nyakungɛngɛ fɔngɔ fori gè, nyakungɛngɛ gáà ki 'kpúʔɔ nɛ̀ tóri nyakungɛngɛ liʔɛ nɛ̄ gè, nɛ́ míɛni ki nyɛ́nì kpíʔile nɛ́ nyafɛniyɛ ní nyáà yi 'nyuɔ nɛ̀ tóri faʔa woyo nɛ̄ yè.

Eburulo 9:15

Ki sí n'gɛ wire wī kàsuluwo wè, nyakungɛngɛ fɔngɔ wuu wè, kire ga buu bàli Kulocɛliɛ 'yeri bèle, pe- bànguɔ kɔrigɔ taa gè gàa nyuɔ wi yé fɛ̀ni gè. Nɛ́ ki cɛ́n wi kùu wi nyɛ́nì kpíʔile bè weli kapiʔile fuʔɔ tɔ́n gè bé sí siɛnnɛ suɔ bèle pe kacuʔɔgɔlɔ mɛ́ gèle, gàli pe yé kpíʔile gèle nyakungɛngɛ liʔɛ lɛ̀lɛ nī lè.