Eburulo 8:6 - Sénoufo Nyarafolo

⁶ Ki n'gɛ, píra ŋáà nī wè, Zezi wi baara ti 'kpúʔɔ nɛ̀ tóri faʔa kacuɔnrilɔ wori nɛ̄ dè, bɛ̀ wi yē kàsuluwo wè bè nyakungɛngɛ fɔngɔ fori gè, nyakungɛngɛ gáà ki 'kpúʔɔ nɛ̀ tóri nyakungɛngɛ liʔɛ nɛ̄ gè, nɛ́ míɛni ki nyɛ́nì kpíʔile nɛ́ nyafɛniyɛ ní nyáà yi 'nyuɔ nɛ̀ tóri faʔa woyo nɛ̄ yè.

Eburulo 8:6 Iomraidhean Croise

Luku 22:20

Bɛ̀ pe 'lìi nɛ̀ kúɔ wè, a wi 'ki kanugo kpíʔile gè, nɛ̀ yagbuɔlɔ líɛ lè, nɛ́ jo: «Yagbuʔɔ gáà kiī nɛ ki tìí nyakungɛngɛ fɔngɔ gáà Kulocɛliɛ wi 'kpíʔile nɛ́ siɛnnɛ ní bèle mi sìsiɛn kɛnmɛ nɛ̄ bè, mi sìsiɛn gáà kire ki bé wo yeli kɛnmɛ nɛ̄ bè.»

Wurɔmiyé 9:4

Peli bálì bīɛlɛ Isirayɛli wuulo bèle, Kulocɛliɛ wi 'pe líɛ nɛ̀ pe kpíʔile wi pìile bèle, á pe ní kpuɔmɔ nī bè, nɛ́ ní Kulocɛliɛ nyakungɛngɛ wuulo bèle, peli mɛ́ Kulocɛliɛ wi 'Fànʔa Siɛnrɛ kɛn dè, Kulocɛliɛ wi 'wi gbùʔɔrɔgɛnnɛ tìɛ lè pe nɛ̄ʔ, Kulocɛliɛ wi cé nyafɛnigɛ líɛ pe mɛ́.

Efɛziyé 2:12

Ki 'nyaa kire lɛ̀lɛ náà nī lè yeli 'puu Kirisi fùn nɛ ní nabɔnminɔ, yeli sì 'puu nɛ tɔ́ri nɛ nii baa Isirayɛli wuulo nī bèleʔ. Nɛ̀ pínɛ bɛ̀ Kulocɛliɛ wi cé nyuɔ kún nɛ̀ kɛn tɔliyɔ nìʔɛyɛ wè, nɛ́ nyuɔ fɛ̀ni wè, yeli liɛlɛ sì cé puu baa ti nīʔ. Sɔ̀ngirɔ taʔadiʔɛ sì 'puu yeli mɛ́ʔ, nɛ̀ pínɛ yeli sì cé Kulocɛliɛ cɛ́n duniya nī wèʔ.

Timote 1 2:5

Gìi sí gī baa gè, Kulocɛliɛ nigbe wī bile, nɛ́ kàsuluwo nigbe yē Kulocɛliɛ nɛ́ siɛnnɛ sunʔɔmɔ nī bè. Wire wī Zezi Kirisi wè, wire ŋáà wī siɛn wè.

Tiiti 1:2

Kire bé ki yaʔa pe sɔ̀ngirɔ taʔadiʔɛ taa, bànguɔ sìi wuʔu nɛ̄ gè. Kulocɛliɛ wi wè nɛ finɛnɛʔ; wi yé nyuɔ fɛ̀ni weli mɛ́ kire sìi wi wori nɛ̄ dè nɛ̀ ki yaʔa duniya wiì cé fìɛ faanʔ.

Eburulo 12:24

Nɛ́ míɛni yeli nyɛ́nì sìʔɛrɛ nɛ̀ kpɔni Zezi nɛ̄ wè, nyakungɛngɛ fɔngɔ kàsuluwo wè, nɛ́ wi sìsiɛn ní gè gàa ki 'nyɛri nyɛri gè, a kiī nɛ sɔ́migi nɛ nyu nɛ tóri Abɛli wuʔu nɛ̄ gè.

Eburulo 7:22

Kire nɛ̄, Zezi wire wi 'Kulocɛliɛ nyakungɛngɛ fɔngɔ fori gè, nyakungɛngɛ gáà ki 'nyuɔ nɛ̀ tóri faʔa wuʔu nɛ̄ gè.

Piɛri 2 1:4

Bɛ̀ ki yē a wi 'lagbɛnrɛ kpuʔɔniʔɛrɛ kɛn dè weli mɛ́ dàa nɛ̄ wi yé nyuɔ fɛ̀ni gè, kire ga buu a yeli 'ti taa dè, yeli gbɛ̀ yìye píle bè suɔ duniya kanɛdanʔana mɛ́ gèle gálì ke 'pii gèle, kire ga buu weli kɛnmɛ pi 'yiʔɛ bè puu Kulocɛliɛ kɛnmɛ tíɛlɛ bè.