Eburulo 8:5 - Sénoufo Nyarafolo

⁵ Tiʔɛ gáà nī piyē nɛ pe baara kúu dè, kire yē fìɛ nɛ saawalidɛngɛgɛ kɛnmɛ tìí bè gàa gī baa nyìʔɛnɛ nī lè. Lɛ̀lɛ líì nī Misa yé je Kòridiʔɛ kpíʔile gè, a Kulocɛliɛ 'ki juu nɛ̀ yaʔa wi mɛ́ nɛ́ jo: Ma mìɛ cò ma baara dáà kúɔ dè ma yɛli nɛ́ fìɛlɛ bálì ní bèle mi 'tìɛ muɔ nɛ̄ náʔa nyagurugo naamɛ gè.

Eburulo 8:5 Iomraidhean Croise

Yirile 25:40

«Muɔ Misa wè, ma mìɛ cò ma baara dáà kúɔ dè ma yɛli nɛ́ fìɛlɛ bálì ní bèle mi 'tìɛ muɔ nɛ̄ náʔa nyagurugo naamɛ gè.»

Yirile 25:9

M'bé mi Kòridiʔɛ ki kpíʔilegɛnmɛ tìɛ bè muɔ nɛ̄, nɛ́ míɛni yɛrɛ dáà ti mìɛni ti 'yɛli bè jíin ki nī gè. Yeli bé ki mìɛni kpíʔile bè yɛli nɛ́ kpíʔilegɛnmɛ ní bè bàa mi 'tìɛ yeli nɛ̄ bè.»

Yirile 26:30

Bà muɔ bé Kòridiʔɛ cɔ́ri gè bè yérige bè yɛli nɛ́ fìɛlɛ bálì ní mi 'tìɛ muɔ nɛ̄ náʔa nyagurugo naamɛ gè.»

Yirile 27:8

Kire gbùʔɔrɔdiʔɛ gáà ki 'kpíʔile nɛ́ tiitɛnkpɔbiyɔ ní yè, ki laamɛ pi bé puu waʔanɛ bè yɛli nɛ́ fìɛlɛ bálì ní mi 'tìɛ muɔ nɛ̄ nyagurugo naamɛ gè.»

Tɔ́rilɔ 8:4

Fètindaʔagɛlɛ tiige ki yé kpíʔile nɛ́ tiɛ ní wè ŋàa pe 'kpúɔn wè. Fúɔ nɛ̀ ki séli táanmɛ nyùgo nɛ̄ gè nɛ̀ sɛ́nì nɔ̀ ki fiɛnrɛ nɛ̀joyo nɛ̄ yè, ki yé puu nɛ́ tiɛ ní wè ŋàa pe 'kpúɔn wè. Misa yé fètindaʔagɛlɛ tiige kpíʔile gè nɛ̀ yɛli nɛ́ kɛnmɛ báà ní Yewe wi yé tìɛ wi nɛ̄ wè.

Matiye 2:12

A Kulocɛliɛ wi 'juu nɛ́ pe ní ŋɔ́nigɔ nɛ̄ nɛ́ pe yɛ pe fǎga ní koli baa Erodi tiʔɛ nī gèʔ. A pe sí koligo káà kiiyɛ líɛ nɛ̀ kɛ́ pe kùlo mɛ́ lè.

Kakpiʔiligele 7:44

«Kpátaʔa gíì nī nyakungɛngɛ siɛnrɛ sɛbɛ wi 'puu wè, ki kpátaʔa ki 'puu baa weli tuuliɛyɛ mɛ́ yè waama kùlo nī lè; Misa cé ki kpíʔile nɛ̀ yɛli nɛ́ Kulocɛliɛ tìɛgɛnmɛ ní bè. Wi cé wi yɛ wi- ki kpíʔile ki- puu bɛ̀ gìi tíɛlɛ wi cé nyaa gè.

Kolɔsiyé 2:17

Tire dáà ti mìɛni dè, kele kálì kɛnmɛ tiī nɛ tìí, kele gílì ke báan nɛ tíin gèle. Kirisi wire sí wī ti kányiʔɛ gè.

Eburulo 10:1

Misa Fànʔa Siɛnrɛ dè, tiī fìɛ yákuɔ wī bè weli nyuɔmɔ tìɛ bè bàa pi 'puu nɛ báan bè. Ti tíimɛ sì puu kányiʔɛ woriʔ. Kire nɛ̄, tiì jáa nɛ̀ siɛn nyuɔ nɛ̀ forigoʔ bè ki yaʔa siɛn- gbɛ̀ sìʔɛrɛ kpɔni bè Kulocɛliɛ gbùʔɔrɔ wèʔ, kakuɔrɔ wenuro dáà tire kɛnmɛ nɛ̄ bèʔ, dàa ti 'puu nɛ kpínʔini yiɛlɛ ó yiɛlɛ láʔala fùn wè.

Eburulo 11:7

Tɛ́ngɛlɛ kɛnmɛ nɛ̄ bè, a Nɔwe 'kɔ́rikpuʔɔ kpíʔile gè nɛ̀ wi narigɛ suɔ gè. Wi yé Kulocɛliɛ kajuuyaʔala sɔ́migɔ lè nɛ̀ lúʔu, kele wuʔu nɛ̄ gè gàli ke cî kpíʔile gèle, gàli siɛn sì cé fìɛ nyaa wèʔ. Wi tɛ́ngɛlɛ kɛnmɛ nɛ̄ bè, a Nɔwe 'kàyuʔu juu duniya siɛnnɛ nɛ̄ bèle, a Kulocɛliɛ sí wi tɔ́ri siɛnsinwɛ.

Eburulo 12:25

Yeri yìye ciʔige díɛʔ ! Ye fǎga cíiʔ bè lúʔu ŋàa mɛ́ wi nyu nɛ́ yeli ní wèʔ ! Náʔa dàala nɛ̄ lè, Isirayɛliyé pe yé Kulocɛliɛ nyasiɛnrɛ lúʔu dè dàa ti 'puu nɛ nyu nɛ tìí pe nɛ̄ dè, a pe 'cíi ti nɛ̄ dè. Kire nɛ̄ piyè suɔ wuʔɔgɔ mɛ́ gèʔ. Bɛ̀ sí ki yē a weli 'cíi, weli sì lúʔuʔ ŋàa mɛ́ wi nyu nɛ weli yɛri wè nɛ̀ ki líɛ baa nyìʔɛnɛ nī lè, kányiʔɛ nɛ̄, weli sǐ gbɛ̀ suɔ wuʔɔgɔ mɛ́ gèʔ.

Eburulo 13:10

Kacuɔnrilɔ bálì piyē nɛ baara Zuufulo saawalidɛngɛgɛ nī gè, peli sì yɛli bè liɛlɛ taaʔ nàa ni 'kɔ́n weli gbùʔɔrɔdiʔɛ yafanʔa mɛ́ gèʔ, kakuɔrɔ wuʔu gèʔ.

Eburulo 9:9

Kire yé buu fìɛ bè weli lɛ̀lɛ náà tìɛ lè. Gìi sí gī baa gè, kpuʔɔrɔ nɛ́ kakuɔrɔ yajuuro dáà kacuɔnrilɔ pe kanʔa dè, kire kàa fáala sì cî gbɛ̀ jáa bè siɛnnɛ funyɔ jíge yè yi mùnuʔ, bàli pe 'pɛn nɛ́ kakuɔrɔ yajuuro ní dè bè Kulocɛliɛ gbùʔɔrɔ wèʔ.

Tìɛlɛ 15:5

Bà tire 'tóri dè, a mi 'ki nyaa Kpàlidiʔɛ Kpátaʔa gáà gī baa Kulocɛliɛ Gbùʔɔrɔsaʔa nī gè a ki 'múgu baa nyìʔɛnɛ nī lè.