Eburulo 8:4 - Sénoufo Nyarafolo

⁴ A wi yé puu náʔa dàala nɛ̄ lè, wiǐ cî puu kacuɔnriwɔʔ. Nɛ́ ki cɛ́n bàli bīɛlɛ náʔa nɛ̀ kúɔ bèle, peli nɛ kpuʔɔrɔ kanʔa dè nɛ kúu majo bɛ̀ Misa Fànʔa Siɛnrɛ ti 'ki juu dè.

Eburulo 8:4 Iomraidhean Croise

Tɔ́rilɔ 18:5

«Yeli tíimɛ ye béri saawalidɛngɛgɛ baara kúu dè nɛ́ ki gbùʔɔrɔdiʔɛ yafanʔa wori ní dè, kire ga buu mi funyɛrigbuʔɔ ki fǎga tuu Isirayɛliyé nɛ̄ bèleʔ.

Eburulo 10:11

Cɛngɛ ó cɛngɛ, kacuɔnriwɔ ó kacuɔnriwɔ wi nɛ̂ yéri nɛ̀ wi baara kúɔ dè, nyakungɛngɛ liʔɛ wori dè. Wi nìɛ kakuɔrɔ wenuro kúu dè nɛ taʔala, tire dáà tiǐ cî gbɛ̀ jáa bè kapiʔile láʔa gèle púloʔ.

Eburulo 11:4

Tɛ́ngɛlɛ kɛnmɛ nɛ̄ bè, a Abɛli 'kakuɔrɔ yakɔnrɔ kɛn dè Kulocɛliɛ mɛ́ wè dàa ti 'nyuɔ nɛ̀ tóri Kayɛn wori nɛ̄ dè. Wi tɛ́ngɛlɛ lire kɛnmɛ nɛ̄ bè a Kulocɛliɛ 'ki juu nɛ́ jo wi nyɛ́nì sín, nɛ̀ wi míɛtanʔa yeri gè wi yakɔnrɔ kɛnmɛ nɛ̄ bè. Abɛli wi 'kùu, nɛ̀ ki yaʔa wi kakpiʔiligele kiyē nɛ nyu nɛ tíin wi tɛ́ngɛlɛ kɛnmɛ nɛ̄ bè.

Eburulo 5:1

Ki 'nyaa kacuɔnrilɔ kàfɔli ó kàfɔli, pe nɛ̂ wi nyíɛnɛ nɛ̀ kɔ̀n siɛnnɛ sunʔɔmɔ nī, níɛ̀ wi tɛ́ngɛ wi- puu siɛnnɛ pe kàsuluwo Kulocɛliɛ yiʔɛ mɛ́ gè bèri pe kpuʔɔrɔ nɛ́ pe kakuɔrɔ yɛrɛ kɔ̀ngí dè, kapiʔile wori dè.

Eburulo 7:27

Wi wè bɛ̀ʔ kacuɔnrilɔ kàfɔlisɛnminɛ tíɛlɛ bèleʔ; wi màakuu wè bèri kakuɔrɔ yajuuro kɔ̀ngíʔ cɛngɛ ó cɛngɛʔ, bè séli wi tíimɛ kapiʔile wuʔu nɛ̄ gèʔ, kire kàduʔumɛ gè, nɛ́ siɛnnɛ wuʔulo ní gèleʔ. Wi nyɛ́nì ki kakuɔrɔ kúɔ dè tɔligɔ nigbe nɛ̄, bà wi yé wìi tíimɛ kɛn wè.

Eburulo 8:3

Kacuɔnrilɔ kàfɔlilɔ piyē tɛ́ngɛlɛ bèri kpuʔɔrɔ nɛ́ kakuɔrɔ kɔ̀ngí dè Kulocɛliɛ mɛ́ wè. Weli kacuɔnrilɔ kàfɔli míɛni wi 'yɛli de yakaa taʔa de kanʔa wi mɛ́.

Eburulo 9:9

Kire yé buu fìɛ bè weli lɛ̀lɛ náà tìɛ lè. Gìi sí gī baa gè, kpuʔɔrɔ nɛ́ kakuɔrɔ yajuuro dáà kacuɔnrilɔ pe kanʔa dè, kire kàa fáala sì cî gbɛ̀ jáa bè siɛnnɛ funyɔ jíge yè yi mùnuʔ, bàli pe 'pɛn nɛ́ kakuɔrɔ yajuuro ní dè bè Kulocɛliɛ gbùʔɔrɔ wèʔ.