Eburulo 8:3 - Sénoufo Nyarafolo

³ Kacuɔnrilɔ kàfɔlilɔ piyē tɛ́ngɛlɛ bèri kpuʔɔrɔ nɛ́ kakuɔrɔ kɔ̀ngí dè Kulocɛliɛ mɛ́ wè. Weli kacuɔnrilɔ kàfɔli míɛni wi 'yɛli de yakaa taʔa de kanʔa wi mɛ́.

Eburulo 8:3 Iomraidhean Croise

Zezi Kirisi Kataanna Siɛnrɛ dè Zan juumɔ nɛ̄ bè 6:51

Mi yaliire dè dàa nī sìi wi yē wè, ti 'kɔ́n nyìʔɛnɛ nī nɛ̀ tìgi; a siɛn ki yaliire dáà lìi dè, siɛn wi bé kò sìi nɛ̄ súuri. Yaliire dáà sí mi je kɛn wè, mi céri tire dī, mi 'ti kɛn duniya siɛnnɛ pe sìitaakoligo nī gè.»

Wurɔmiyé 4:25

Kulocɛliɛ wi cé Zezi kɛn wè kùu mɛ́ wè weli kakolido tire kɛnmɛ nɛ̄, nɛ́ sí ń'nɛ̀ koli nɛ̀ wi nyɛ́ nɛ̀ yige kúbilo nī bèle, gìi ki bé tí wi- weli kpíʔile weli- puu sínminɛ Kulocɛliɛ yiʔɛ mɛ́ gè.

Wurɔmiyé 5:6

Ki 'nyaa bà weli 'puu nɛ tíin ŋɔri fùn wè, a ki 'nyaa lɛ̀lɛ níì Kulocɛliɛ wi cé tìɛ lè, a Kirisi wi 'kùu bàli pe wè fìʔɛ́ Kulocɛliɛ nɛ̄ wèʔ peli kɛnmɛ nɛ̄.

Wurɔmiyé 5:8

Nɛ̀ sí ki taa Kulocɛliɛ wi 'ki tìɛ weli nɛ̄ mɛni weli woli ni 'kpúʔɔ wire mɛ́ wè: ki 'nyaa bà weli 'puu nɛ tíin kapiigbiʔilile bèle, a Kirisi wi 'kùu weli kɛnmɛ nɛ̄.

Galasiyé 2:20

Mi yē sìi nɛ̄; kiì sí kò majo mi tíimɛ sìi wīʔ. Kirisi wī nyɛ́ni wi sìi tári wè mi nī. Sìi ŋáà mi nɛ tári píra ŋáà nī wè, tɛ́ngɛlɛ fànʔa nɛ̄ mi nɛ ki sìi ŋáà tári wè, Kulocɛliɛ Jaa wire fànʔa nɛ̄. Wire mɛ́ ki 'yɛ̀, á mi woli ni 'kpúʔɔ wi mɛ́, a wi 'wìi kɛn nɛ̀ mi kùu suɔ nɛ̀ kùu.

Efɛziyé 5:2

Yeri tári dɛ́nigɛ nī gè majo mɛni weli 'Kirisi dɛ́ni wè, á wi 'wìi kɛn Kulocɛliɛ mɛ́ wè kakuɔrɔ yakɛngɛ nùdaanna wuʔu weli kɛnmɛ nɛ̄ bè.

Tiiti 2:14

Wi 'wìi kɛn wire tíimɛ wè weli kɛnmɛ nɛ̄ bè bè weli suɔ kolimɔ pi mìɛni mɛ́, bè weli cìile kire ga buu weli- kò wi tíimɛ siɛnfelige bèri ŋàʔaná de kacɛ̀ngɛlɛ kpínʔini gèle.

Eburulo 2:17

Kire kɛnmɛ nɛ̄ wi yé yɛli bè yiʔɛ bè kò wi siinyɛninɛ tíɛlɛ bèle, lewiile bèle, kɛnmɛ pi mìɛni nɛ̄, kire ga buu wi- puu kacuɔnrilɔ kàfɔli ŋáà wī nyinidaaguugo ní gè nɛ́ ní tɛ́ngɛmɛ siɛn Kulocɛliɛ baara nī dè, bè kàsulugosuɔ baara kúɔ dè siɛnnɛ mɛ́ bèle, pe kapiʔile wori nɛ̄ dè.

Eburulo 3:1

Kire nɛ̄, weli siinyɛninɛ, Kulocɛliɛ wuulo bèle, yeli bálì Kulocɛliɛ wi 'yeri ye pa kɛ́ nyìʔɛnɛ nī lè, yeri sɔ̀ngí Zezi wuʔu nɛ̄ gè, wire ŋáà wī Kulocɛliɛ wi tundunwɔ wè nɛ́ ní kacuɔnrilɔ kàfɔli wè, weli tɛ́ngɛlɛ koligo nī gè.

Eburulo 5:1

Ki 'nyaa kacuɔnrilɔ kàfɔli ó kàfɔli, pe nɛ̂ wi nyíɛnɛ nɛ̀ kɔ̀n siɛnnɛ sunʔɔmɔ nī, níɛ̀ wi tɛ́ngɛ wi- puu siɛnnɛ pe kàsuluwo Kulocɛliɛ yiʔɛ mɛ́ gè bèri pe kpuʔɔrɔ nɛ́ pe kakuɔrɔ yɛrɛ kɔ̀ngí dè, kapiʔile wori dè.

Eburulo 7:27

Wi wè bɛ̀ʔ kacuɔnrilɔ kàfɔlisɛnminɛ tíɛlɛ bèleʔ; wi màakuu wè bèri kakuɔrɔ yajuuro kɔ̀ngíʔ cɛngɛ ó cɛngɛʔ, bè séli wi tíimɛ kapiʔile wuʔu nɛ̄ gèʔ, kire kàduʔumɛ gè, nɛ́ siɛnnɛ wuʔulo ní gèleʔ. Wi nyɛ́nì ki kakuɔrɔ kúɔ dè tɔligɔ nigbe nɛ̄, bà wi yé wìi tíimɛ kɛn wè.

Eburulo 8:4

A wi yé puu náʔa dàala nɛ̄ lè, wiǐ cî puu kacuɔnriwɔʔ. Nɛ́ ki cɛ́n bàli bīɛlɛ náʔa nɛ̀ kúɔ bèle, peli nɛ kpuʔɔrɔ kanʔa dè nɛ kúu majo bɛ̀ Misa Fànʔa Siɛnrɛ ti 'ki juu dè.

Eburulo 9:14

Nɛ̀ ki yaʔa bànguɔ Kulocɛliɛ Pìle kɛnmɛ nɛ̄ bè, a Kirisi wi 'wìi tíimɛ kɛn tiɛlɛfun kakuɔrɔ Kulocɛliɛ mɛ́. Bà ki yē, Kirisi sìsiɛn ki sí yē nɛ́ ŋɔri ní bè weli funyɔ cìile yè tɔ̀nifun kapiigbiʔiligele nɛ̄ gèle, kire ga buu weli gbɛ̀ri Kulocɛliɛ wewiiwe gbùʔɔrilɔ baara kúu dè.