Eburulo 8:10 - Sénoufo Nyarafolo

¹⁰ Nyakungɛngɛ ki n'gɛ gàa mi bé kpíʔile nɛ́ Isirayɛli saʔa wuulo ní bèle cɛnyɛ nyáà kàduʔumɛ gè. Kàfɔli wi 'jo bɛ̀. M'bé mi Fànʔa Siɛnrɛ nyɔ́gɔ dè pe sícilige nī gè, m'bé ke sɛbɛ míɛni pe funyɔ nī yè. M'bé puu pe Kulocɛliɛ; pe bé kò mi wuulo.

Eburulo 8:10 Iomraidhean Croise

Yirile 24:4

A Misa sí Yewe siɛnrɛ ti mìɛni sɛbɛ. Ki kpìɛnduu gè, a wi 'yɛ̀ sínbiniwuuro nī dè, nɛ̀ Yewe gbùʔɔrɔdiʔɛ káà faan nyagurugo táanni gè, nɛ́ kàdɛniyɛ kiɛ nɛ́ siin líɛ nɛ̀ yi cɔ́ri nɛ̀ yérige gbùʔɔrɔdiʔɛ táanni gè, bè Isirayɛliyé saaya tùluyo kiɛ nɛ́ siin tìɛ yè.

Yirile 24:7

A wi 'nyakungɛngɛ siɛnsɛbɛrɛ líɛ dè nɛ̀ ti wéli nɛ̀ kɛ́ yékpogbuɔlɔ ní, a siɛnnɛ pe 'ti lúʔu. A Isirayɛli siɛnnɛ pe mìɛni 'ki juu nɛ́ jo: «Weli bé ki kpíʔile dàa ti mìɛni Yewe 'juu dè; weli béri lúru wi siɛnrɛ mɛ́ dè.»

Yirile 34:1

A Yewe wi ń'nɛ̀ ki juu Misa mɛ́ wè nɛ́ jo: «Koli ma kàdɛniyɛ yáà siin tɛn, bɛ̀ péliye tíɛlɛ yè. M'bé ní mi siɛnrɛ sɛbɛ dè yi nɛ̄ dàa ti yé kíni nɛ̀ puu péliye nɛ̄ yè, nyàa muɔ 'jabari yè.

Yirile 34:27

A Yewe ń'nɛ̀ ki juu Misa mɛ́ nɛ́ jo: «-Siɛnrɛ dáà sɛbɛ dè. Nɛ́ ki cɛ́n nyakungɛngɛ gáà mi 'kpíʔile nɛ́ muɔ ní nɛ́ Isirayɛli siɛnnɛ ní bèle, mi 'ki kpíʔile nɛ̀ yɛli nɛ́ siɛnrɛ dáà ní dè.»

Matiye 22:32

Mi wī Birayima Kulocɛliɛ wè, nɛ ní Siaga Kulocɛliɛ wè, nɛ ní Yakuba Kulocɛliɛ wè. «Kúbilo wuu bɛ̀ʔ Kulocɛliɛ wèʔ; wiile wuu wī.»

Wurɔmiyé 11:27

Tire dī mi nyakungɛngɛ ki siɛnrɛ dè , a mi kɛ́nì pe kapiʔile láʔala gèle .

Korɛntiyé 1 6:16

A kire 'laa, yeli sì cɛ́n léʔ siɛn ŋíì wi 'sínɛ nɛ́ nàjaacuɔ ní wè, wi 'kò cetinnɛ nigbe nɛ́ wi ní wī lé ? Nɛ́ ki cɛ́n Kulocɛliɛ siɛnsɛbɛrɛ ti 'ki juu nɛ́ jo «pe siin pe bé kò cetinnɛ nigbe.»

Korɛntiyé 2 3:3

Yeli wuʔu kiī cɛ́ngɛ, nɛ̀ taʔa gíi nɛ̄, yeli bīɛlɛ Kirisi sɛbɛ wè; weli we 'baara nɛ̀ yeli kɛn. Yeli wè sɛbɛlɛ nɛ́ tùnmu luʔɔ ní wīʔ. ʔéʔe, ki 'nyaa Kulocɛliɛ wewiiwe wire Pìle lire ní wi 'yeli sɛbɛ, wiì yeli sɛbɛ kàdɛnitɛnyɛ nɛ̄ wīʔ. ʔéʔe, ki 'nyaa yeli yē céri yasɛbɛgɛ weli funyɔ nī yè wī.

Fànʔa Kajuʔulo 30:6

«Yewe muɔ Kulocɛliɛ wi bé muɔ fungo yiʔɛ gè muɔ nī muɔ de lúru wi mɛ́, muɔ nɛ́ muɔ siimɛ ní bè, kire ga buu muɔ- Yewe muɔ Kulocɛliɛ woli yaʔa lè ni- muɔ dɛ́ni nɛ́ muɔ fungo ki mìɛni ní, nɛ́ muɔ pìle ni mìɛni ní, dí muɔ sí sìi taa.

Tiiti 2:14

Wi 'wìi kɛn wire tíimɛ wè weli kɛnmɛ nɛ̄ bè bè weli suɔ kolimɔ pi mìɛni mɛ́, bè weli cìile kire ga buu weli- kò wi tíimɛ siɛnfelige bèri ŋàʔaná de kacɛ̀ngɛlɛ kpínʔini gèle.

Eburulo 11:16

Gìi sí gī baa gè, gàa pe 'puu nɛ caa gè, pe 'puu nɛ kùlo láà caa nàa ni 'sɔ́migɔ nɛ̀ nyuɔ baa nyìʔɛnɛ nī lè. Kire nɛ̄ ki wè fìɛrɛʔ Kulocɛliɛ mɛ́ peri wire yeri pe Kulocɛliɛ wèʔ, nɛ́ ki cɛ́n wi nyɛ́nì kàkpuʔɔ káà gbòbori pe mɛ́.

Zaki 1:18

Wire mɛ́ ki 'yɛ̀ á wi 'weli faan nɛ̀ yige nɛ́ wi kányiʔɛ siɛnrɛ tire fànʔa ní gè, gìi ki bé tí we- puu pélile bèle wi yafaanra felide ti mìɛni nī dè.

Zaki 1:21

Kire nɛ̄, ye- láʔa kanuʔɔrɔ felide ti mìɛni nɛ̄ dè, nɛ́ sìpiire felide ti mìɛni ní dè, yé sí yìye cɛ́rigɛ ye- Kulocɛliɛ siɛnrɛ cò dè dàa wi 'le yeli nī bèle, ti bé gbɛ̀ yeli sìi suɔ wè.

Piɛri 1 1:23

Nɛ́ ki cɛ́n yeli nyɛ́nì sìi fɔnwɔ taa wè, sìi ŋáà wi 'kɔ́n yatanʔara mɛ́ dè dàa tiǐ gbɛ̀ cúʔɔ dèʔ, wi wè bɛ̀ yatanʔara tíɛlɛ dàa ti córi dèʔ. Yeli 'kire sìi taa wè Kulocɛliɛ siɛnrɛ kɛnmɛ nɛ̄ bè, dàa dī wiire níɛ mɔgi súuri dè.

Piɛri 1 2:9

Nɛ̀ ki yaʔa yeli bèle, yeli yē siɛnfelige gáà Kulocɛliɛ wi 'nyíɛnɛ nɛ̀ kɔ̀n gè, nɛ́ ní Kùlofɔli wi kacuɔnrilɔ bèle, nɛ́ ní kùlo láà wuulo wàlidɛngɛlɛ wi mɛ́, nɛ́ ní Kulocɛliɛ wi wuulo. Wi 'yeli yeri nɛ̀ yige yebilige nī gè ye- puu kpìɛnmɛ nī bè bàa pi 'nyuɔ nɛ̀ tóri bè, kire ga buu yeli de wi kakpoliyo nyu yè.