Eburulo 7:3 - Sénoufo Nyarafolo

³ Kulocɛliɛ siɛnsɛbɛrɛ ti wè nɛ nyu wi tuu wuʔu nɛ̄ʔ, nɛ́ wi yàa wuʔu nɛ̄, nɛ́ míɛni wi tuuliɛyɛ wuʔu nɛ̄ʔ. Ti wè nɛ nyu míɛni lɛ̀lɛ líì nī pe 'wi sii wèʔ, nɛ́ wi kùu lɛ̀lɛ wuʔu nɛ̄ gèʔ. Gìi sí gī baa gè, wi 'kò kacuɔnriwɔ lɛ̀lɛ ó lɛ̀lɛ nī bɛ̀ Kulocɛliɛ Jaa tíɛlɛ wè.

Eburulo 7:3 Iomraidhean Croise

Yirile 6:18

Keyati jaala peli bīɛlɛ bàli bèle: Amirami, Yisekari, Eburɔn nɛ́ Uziyɛli. A Keyati sìi yiʔɛlɛ ke mìɛni bìnɛ wi 'nyaa yiʔɛlɛ tekɔlini nɛ́ kpɔrigɔ nɛ́ taanri (133).

Tɔ́rilɔ 1:18

Kire cɛnbelige nɛ̄ gè, yeye siinwuʔu nɛ̄ gè, a pe 'Isirayɛli tògo siɛnnɛ pe mìɛni yeri bèle nɛ̀ gbuʔulo nɛ̀ yɛli nɛ́ pe nariyɛ ní yè nɛ́ pe tobilo kpáaya ní yè. A pe 'nàguɔlɔ pe mìɛni nigbe nigbe míɛyɛ sɛbɛ yè, nàguɔ ó nàguɔ ŋáà wī yiʔɛlɛ togo taa nɛ́ ŋàa wi 'kàa taʔa wè.

Matiye 4:3

A Setɛni wi 'pɛn wi kúrugu bè pa wi puu wéli, nɛ̀ pɛ́nì wi yɛ: «A ki yē muɔ yē Kulocɛliɛ Jaa wè, ma juu nɛ́ sìndɛniyɛ nyáà ní yè, yi- kò búru wêli.»

Eburulo 4:14

Kire nɛ̄, bɛ̀ kacuɔnrilɔ kàfɔli yē weli mɛ́ ŋàa wi 'kpúʔɔ wè nɛ́ sùuri nyìʔɛnɛ nī lè, Zezi wè, Kulocɛliɛ Jaa wè, we- weli tɛ́ngɛlɛ sɔ́migɔ lè we cò kpuʔɔ.

Eburulo 7:1

Kire Mɛlikisedɛki wi 'puu Salɛmi kùlofɔli, nɛ́ ní kacuɔnriwɔ Kulocɛliɛ mɛ́, Kulocɛliɛ ŋáà wī Duniya wi Mìɛni Nyùgo nɛ̄ gè. A wi 'kɛ́ nɛ̀ sɛ́nì Birayima|Birayima|Birayima kpàli wè lɛ̀lɛ líì nī Birayima yé kɔ́n kapiɛnnɛ kpúɔndiʔɛ nī gè nɛ́ kùlofɔlilɔ jáa bèle. A Mɛlikisedɛki wi 'diba kpíʔile wè Birayima mɛ́ wè.

Eburulo 7:17

Nɛ́ ki cɛ́n Kulocɛliɛ siɛnsɛbɛrɛ ti 'ki juu nɛ̀ láʔa nɛ́ jo: Muɔ yē kacuɔnriwɔ lɛ̀lɛ ó lɛ̀lɛ nī, Mɛlikisedɛki felige gè .

Eburulo 7:2

A Birayima sí kiɛkiɛwuʔulo láʔala gèle wi kapiɛngbuɔn yataara ti mìɛni nī nɛ̀ kɛn wi mɛ́. Mɛlikisedɛki míʔɛ ki kɔri wire wī: sínmɛ kùlofɔli. Wi yé puu míɛni Salɛmi kùlofɔli, kire 'jo: yanyige kùlofɔli.

Eburulo 7:6

Mɛlikisedɛki wiì cé puu Levii tùlugo wuuʔ, nɛ̀ ki yaʔa a wi 'kiɛkiɛwuʔulo suɔ gèle Birayima mɛ́ wè nɛ́ diba kpíʔile wè Birayima mɛ́ wè, wire ŋáà wi cé Kulocɛliɛ nyafɛniyɛ taa yè.