Eburulo 7:25 - Sénoufo Nyarafolo

²⁵ Kire nɛ̄ wi bé gbɛ̀ pe 'suɔ bè forigo bàli pe 'sìʔɛrɛ nɛ̀ kpɔni Kulocɛliɛ nɛ̄ wè wi kɛnmɛ nɛ̄ bè, nɛ́ ki cɛ́n wiī wiiwe súuri bèri kàsulugo kpínʔini pe wuʔu nɛ̄ gè.

Eburulo 7:25 Iomraidhean Croise

Zezi Kirisi Kataanna Siɛnrɛ dè Zan juumɔ nɛ̄ bè 14:13

Nɛ̀ pínɛ a yeli 'yɛgɛ náari mi míʔɛ nɛ̄ gè, m'bé ki kpíʔile, gìi ki bé tí Tuufɔli wi- kpuʔɔrɔ taa Jaafɔli nī wè.

Zezi Kirisi Kataanna Siɛnrɛ dè Zan juumɔ nɛ̄ bè 14:16

Mi míɛni wè, m'bé Tuufɔli náari wè wi- Sáʔafɔli wáà kɛn yeli mɛ́, wi- puu nɛ́ yeli ní súuri.

Zezi Kirisi Kataanna Siɛnrɛ dè Zan juumɔ nɛ̄ bè 14:6

A Zezi wi 'wi yɛ: «Mi wī koligo gè, nɛ́ kányiʔɛ gè, nɛ́ sìi wè. Siɛn wè waa Tuufɔli tiʔɛ nī gèʔ ka laa wiì tóri mi mɛ́ʔ.

Wurɔmiyé 5:10

Ki 'nyaa weli 'puu Kulocɛliɛ leguulo wī, á wi sí weli juu nɛ̀ taʔala wìi nɛ̄ bɛ̀ wi Jaa wi 'kùu weli kɛnmɛ nɛ̄ bè. Bɛ̀ sí wi 'weli juu nɛ̀ taʔala wìi nɛ̄ wè, káaliyɛ wè ki nīʔ, weli bága suɔ bɛ̀ wiī sìi nɛ̄ wè !

Wurɔmiyé 5:2

Wire nyúmɔ nī bè nɛ́ tɛ́ngɛlɛ kɛnmɛ bè, weli 'Kulocɛliɛ kpuʔɔrɔ taa dè. Nɛ̀ pínɛ weli nɛ fundaanra kpínʔini nɛ̀ taʔa gíi nɛ̄, sɔ̀ngirɔ taʔadiʔɛ yē weli mɛ́, weli bága Kulocɛliɛ wi kpuɔmɔ nyaa bè.

Wurɔmiyé 8:34

Ŋáasiɛn wi bága kàyuʔu cáan pe nɛ̄ ? Nɛ́ ki cɛ́n Kirisi wi 'kùu, kiì cɛ́nì yéri kire yákuɔ nɛ̄ʔ, wi ń'nɛ̀ nyɛ́ nɛ̀ yiri kúbilo nī bèle, wiī tɛ́niwɛ Kulocɛliɛ kàliige mɛ́ gè, níɛ Kulocɛliɛ náari wè nɛ wi fiɛn weli kɛnmɛ nɛ̄.

Korɛntiyé 1 1:21

Bɛ̀ sí ki 'nyaa duniya wuulo bèle nɛ́ pe sìnjilige ki mìɛni ní gè, piyè Kulocɛliɛ cɛ́n wèʔ wi sìnjilige kakpiʔiligele nī gèle wè, a ki sí Kulocɛliɛ dɛ́ni wè wi- tɛ́ngɛfɔlilɔ suɔ bèle wi siɛnrɛ tire kɛnmɛ nɛ̄ bè, dàa pe 'jo tiī kàalafɔlilɔ siɛnrɛ dè.

Efɛziyé 2:18

Ki 'nyaa wire kɛnmɛ nɛ̄ weli we mìɛni bèle, weli bálì bīɛlɛ Zuufulo bèle nɛ́ bìli pe wè Zuufulo bèleʔ, a weli 'jáa nɛ̀ jíindiʔɛ taa bè gbɛ̀ nɔ̀ Tuufɔli nɛ̄ wè, Kulocɛliɛ Pìle lire nigbe nyúmɔ nī bè.

Efɛziyé 3:12

Bɛ̀ weli yē pínɛnɛ nɛ́ Zezi Kirisi ní wè nɛ́ tɛ́ngɛ wi nɛ̄ wè, fíɛrɛ wè weli nīʔ, weli bé gbɛ̀ jáa bè nɔ̀ Kulocɛliɛ nɛ̄ wè.

Efɛziyé 3:20

Kulocɛliɛ ŋáà wi bé gbɛ̀ kele ke mìɛni kpíʔile gèle, bè cɛ tóri bè fáala gìi weli bé gbɛ̀ náari wi mɛ́ gè, nɛ́ gìi weli bé gbɛ̀ sɔ̀ngi gè, nɛ̀ yɛli nɛ́ fànʔa gáà ki nyɛ́ni baara weli nī bèle,

Filipiyé 3:21

Wire wi bága weli céri yiʔɛ dè, céri dáà ti 'máama dè, ti- kò nuro nɛ́ kpuɔmɔ céri ní dè, wire wori dè. Kire bé kpíʔile bɛ̀ ki fànʔa kiī wi mɛ́ wi- gbɛ̀ jáa bè yɛrɛ ti mìɛni cáan wi fànʔa láara gè.

Timote 1 2:5

Gìi sí gī baa gè, Kulocɛliɛ nigbe wī bile, nɛ́ kàsuluwo nigbe yē Kulocɛliɛ nɛ́ siɛnnɛ sunʔɔmɔ nī bè. Wire wī Zezi Kirisi wè, wire ŋáà wī siɛn wè.

Timote 2 1:12

Kire kɛnmɛ nɛ̄ míɛni mi yē nɛ wuʔɔ kele gálì nɛ̄ gèle. Nɛ̀ sí ki yaʔa ki wè mi nɛ̄ fìɛrɛʔ, gìi sí gī baa gè, mi 'ki cɛ́n ŋàa nɛ̄ mi 'tɛ́ngɛ wè. Mi 'ki sɔ́migɔ nɛ̀ cɛ́n, fànʔa yē wi mɛ́ bèri ki wéli gàa wi 'kɛn m'mɛ́ gè fúɔ bè pa nɔ̀ cɛnzɛngɛ nɛ̄ gè.

Eburulo 11:6

A tɛ́ngɛlɛ sí wè siɛn ŋíì mɛ́ wèʔ, Kulocɛliɛ sǐ gbɛ̀ fɔ̀li wi nɛ̄ʔ. A siɛn je sìʔɛrɛ bè kpɔni Kulocɛliɛ nɛ̄ wè, wi 'yɛli bè tɛ́ngɛ ki nɛ̄ Kulocɛliɛ wiī baa, dí wiī nɛ tɔ̀ni kanʔa wi caavɔlilɔ mɛ́ bèle.

Eburulo 13:15

Kire nɛ̄ weri gbùʔɔrilɔ kakuɔrɔ kanʔa dè Kulocɛliɛ mɛ́ lɛ̀lɛ ó lɛ̀lɛ nī Zezi kɛnmɛ nɛ̄ bè, kire 'jo bèri wi míʔɛ gbùʔɔrɔ́ gè nɛ́ weli nyuɔyɔ ní yè.

Eburulo 2:18

Nɛ́ ki cɛ́n bɛ̀ wire tíimɛ 'wuʔɔ a puuwelige 'tuu wi nɛ̄ wè, wi bé gbɛ̀ pe sáʔa, bàli nɛ̄ puuwelige ki nɔ̀gí gè.

Eburulo 2:9

Gìi gī baa gè, weli nɛ ki nyaʔa Kulocɛliɛ wi 'Zezi cɛ́rigɛ wè cɛ̀ nyìʔɛnɛ tundunminɔ nɛ̄ bèle bè lɛ̀lɛ láà kúɔ, kire ga buu wi ga kùu siɛnnɛ pe mìɛni wuʔu nɛ̄ gè Kulocɛliɛ kpuʔɔrɔ kɛnmɛ nɛ̄ bè. Bɛ̀ wi 'wuʔɔ nɛ́ kùu wè, a wi kùlofɔlilɔ ndɔ̀ngɔ taa, gàa ki wi kpuɔmɔ nɛ́ wi kpuʔɔrɔ tìí dè.

Eburulo 5:7

Bè Zezi yaʔa wè céri nī dè náʔa dàala nɛ̄ lè, a wi 'Kulocɛliɛ náari wè nɛ́ wi fiɛn nɛ́ yékpogbuɔlɔ ní nɛ́ yéturo ní, nɛ́ ki cɛ́n Kulocɛliɛ wire wi cî gbɛ̀ wi suɔ kùu mɛ́ wè. A Kulocɛliɛ wi 'lúʔu wi mɛ́, bɛ̀ wi yé wìi cɛ́rigɛ wire mɛ́ wè.

Eburulo 7:16

Wiì kò kacuɔnriwɔ nɛ̀ yɛli nɛ́ fànʔa kajuulo láà ní nàa ni nyu saʔa tùlugo wuʔu nɛ̄ gèʔ. Kire 'kpíʔile nɛ̀ yɛli nɛ́ wi sìi fànʔa ní gè, gàa yafiɛn sì cî gbɛ̀ jáa bè cúʔɔ gèʔ.

Eburulo 7:19

Gìi sí gī baa gè, Fànʔa Siɛnrɛ tiì jáa nɛ̀ yafiɛn nyuɔ nɛ̀ forigoʔ. A sɔ̀ngirɔ taʔadiʔɛ ń'nɛ̀ kɛn weli mɛ́ gàa ki 'kpúʔɔ nɛ̀ tóri gàa nɛ̄ Misa Fànʔa Siɛnrɛ ti 'puu nɛ nyu dè. Kire kɛnmɛ nɛ̄ weli bé gbɛ̀ sìʔɛrɛ kpɔni Kulocɛliɛ nɛ̄ wè.

Eburulo 7:24

Nɛ̀ ki yaʔa, Zezi wè, wire yē sìi nɛ̄ súuri. Kire nɛ̄ wiī nɛ waa yiʔɛmɛ wi kacuɔnrilɔ baara nī dè lɛ̀lɛ ó lɛ̀lɛ nī.

Eburulo 7:8

Bɛ̀ sí ki yē kacuɔnrilɔ kɔli mɛ́ gè, Leviiyé bèle, piyē siɛnnɛ nɛ́ ní yakuʔulo, a pe sí nɛ kiɛkiɛwuʔulo suu gèle. Gàa sí ki 'Mɛlikisedɛki wuʔu kúɔ gè, Kulocɛliɛ siɛnsɛbɛrɛ ti wè nɛ nyu wi kùu wuʔu nɛ̄ʔ; wire yē sìi nɛ̄ súuri.

Eburulo 9:24

Nɛ́ ki cɛ́n Kirisi wiì jíinʔ saawalidɛngɛgɛ nī gè gàa siɛnnɛ kiyɛ kpíʔile gèʔ ! Kire yé buu fìɛ yákuɔ wī nɛ kányiʔɛ saawalidɛngɛgɛ tìí gè, gàa nī Kirisi 'jíin wè, baa nyìʔɛnɛ nī lè, kire ga buu wi- wìi tìɛ Kulocɛliɛ yiʔɛ mɛ́ gè bè weli kapiʔile kàsulugo kpíʔile gè.

Zudi 1:24

Kpuʔɔrɔ ti 'yɛli Kulocɛliɛ nɛ̄, wire ŋáà mɛ́ fànʔa ki yē gè bè yeli cò yérige wè yeli fǎga tuuʔ wè, bè ki yaʔa yeli sa yéri wi kpuɔmɔ yiʔɛ mɛ́ gè, tiɛlɛ fùn nɛ́ fundaangbuɔrɔ ní.