Eburulo 7:18 - Sénoufo Nyarafolo

¹⁸ Kayɔbigɔ káà nɛ̄, fànʔa kajuudiɛlɛ láà nyɛ́nì yaʔa kàsɛngɛ nɛ̄, nɛ́ ki cɛ́n ni fànʔa ki yé cɛ́ri nɛ́ ní kanyuɔnɔ fùn.

Eburulo 7:18 Iomraidhean Croise

Kakpiʔiligele 13:39

Wire nyúmɔ nī bè, siɛn ó siɛn wi 'tɛ́ngɛ wè, Kulocɛliɛ nɛ wi tɔ́ri siɛnsinwɛ.

Wurɔmiyé 3:31

Kire sí jo lé tɛ́ngɛlɛ kɛnmɛ nɛ̄ bè, wiyē nɛ Fànʔa Siɛnrɛ tɔ́ngi dè wī lé ? ʔéʔe díɛ ! Weli cɛni ŋɔri kanʔa ti mɛ́ wī !

Wurɔmiyé 8:3

Nɛ̀ taʔa gíi nɛ̄, kaala níì Misa Fànʔa Siɛnrɛ tiǐ cî gbɛ̀ kpíʔile wèʔ, bɛ̀ ki 'nyaa céri ti fànʔa ki 'cɛ́ri wè, a Kulocɛliɛ wi sí wi Jaa tíimɛ tórigo wè wi ní céri ní bɛ̀ kapiile céri tíɛlɛ. A kire 'kpíʔile a Kulocɛliɛ wi 'kàyuʔu juu kapiile nɛ̄ lè siɛn céri nī dè.

Galasiyé 3:15

Mi siinyɛninɛ, ye tí mi kaala nigbe tɔ́nminɔ yeli mɛ́ nɛ́ weli siɛnnɛ kakpiʔilile láà ní. Kiī cɛ́ngɛ, a siɛn 'nyuɔ kún nɛ̀ kɛn kaala láà nī, á nyakungɛngɛ siɛnrɛ ti 'juu nɛ̀ cìile dè, siɛn sǐ gbɛ̀ ti wáa kàduʔu mɛ́ʔ, siɛn míɛni sǐ gbɛ̀ tàa taʔa ti nɛ̄ʔ.

Galasiyé 3:17

A mi sí jo, a ki yē Kulocɛliɛ wire tíimɛ sí wi 'ŋɔri kɛn nyakungɛngɛ ki siɛnrɛ mɛ́ dè, Fànʔa Siɛnrɛ tire dáà ti kɛ́nì pɛn kàduʔumɛ gè yiʔɛlɛ sirasiin togo nɛ́ kpɔrigɔ (430) kàduʔumɛ gè, keli bé ní gbɛ̀ nyakungɛngɛ ki siɛnrɛ jáa dè lé, bè ti tɔ́n lé ?

Galasiyé 3:21

Kire sí jo lé Fànʔa Siɛnrɛ tiī nɛ Kulocɛliɛ nyafɛnidɛ túngu dè wī lé ? ʔéʔe díɛ! A ki cé puu majo Fànʔa Siɛnrɛ ti yé je gbɛ̀ sìi kɛn siɛn mɛ́ wè, je siɛn cî gbɛ̀ jáa bè wìi juu bè yige nɛ́ Fànʔa Siɛnrɛ ní dè!

Galasiyé 4:21

Ye- ki juu mi- lúʔu wêli. Yeli 'jo yeli nɛ ki caa Fànʔa Siɛnrɛ ti de yeli kàrigí, gìi sí Fànʔa Siɛnrɛ tiī nɛ nyu dè yeli wè ti lúru lé ?

Galasiyé 4:9

Bɛ̀ sí yeli 'Kulocɛliɛ cɛ́n wè píra ŋáà nī wè, á kire 'laa bɛ̀ yeli wuʔu ki kɛ́nì jíin Kulocɛliɛ nī wè, ki mɛni á ye ní nɛ̀ je koli bàa de sùkulomɔ kúu kaliʔɛlɛ yɛrɛ táà mɛ́ cígini, kanyuɔnɔfun yɛrɛ táà ?

Timote 1 4:8

Céri yaliiye yi káfugo yigele lè, kire nyɛ́nì pɔ́ri bè lɛ̀lɛ láà cɛ̀ri kúɔ wī, nɛ̀ ki yaʔa a siɛn nɛ ŋàʔaná bè wìi puɔ Kulocɛliɛ nɛ̄ wè, kire yē pɔ́rigɔ nɛ̀ tóri kele ke mìɛni nɛ̄, lɛ̀gɛlɛ ke mìɛni nī. Nɛ́ ki cɛ́n Kulocɛliɛ nyɛ́nì nyuɔ fɛ̀ni nɛ́ jo wi bé sìi kɛn wè kire siɛn mɛ́ wè, lɛ̀lɛ náà nī lè nɛ́ duniya ŋáà wi báan wè.

Eburulo 13:9

Ye fǎga ki yaʔa pe- yeli fáanni bè pùunniʔ nɛ́ tɛnmɛgɛlɛ kálì kiiyɛ níʔ. Gìi ki 'pɔ́ri gè, yeli 'yɛli bè ŋɔri taa yeli funyɔ nī yè Kulocɛliɛ kpuʔɔrɔ kɛnmɛ nɛ̄ bè; kiì yɛli ki- puu yaliire kajuʔulo wuʔu nɛ̄ʔ. Nɛ́ ki cɛ́n bàli pe 'taʔa ki kajuʔulo nɛ̄ gèle, piyè gbɛ̀nɛ tɔ̀ni taa ke nīʔ.

Eburulo 7:19

Gìi sí gī baa gè, Fànʔa Siɛnrɛ tiì jáa nɛ̀ yafiɛn nyuɔ nɛ̀ forigoʔ. A sɔ̀ngirɔ taʔadiʔɛ ń'nɛ̀ kɛn weli mɛ́ gàa ki 'kpúʔɔ nɛ̀ tóri gàa nɛ̄ Misa Fànʔa Siɛnrɛ ti 'puu nɛ nyu dè. Kire kɛnmɛ nɛ̄ weli bé gbɛ̀ sìʔɛrɛ kpɔni Kulocɛliɛ nɛ̄ wè.