Eburulo 7:16 - Sénoufo Nyarafolo

¹⁶ Wiì kò kacuɔnriwɔ nɛ̀ yɛli nɛ́ fànʔa kajuulo láà ní nàa ni nyu saʔa tùlugo wuʔu nɛ̄ gèʔ. Kire 'kpíʔile nɛ̀ yɛli nɛ́ wi sìi fànʔa ní gè, gàa yafiɛn sì cî gbɛ̀ jáa bè cúʔɔ gèʔ.

Eburulo 7:16 Iomraidhean Croise

Wurɔmiyé 7:14

Weli 'ki cɛ́n Fànʔa Siɛnrɛ dè, Kulocɛliɛ Pìle mɛ́ ti 'kɔ́n. Nɛ̀ sí ki taa mi wè, mi yē céri wī, nɛ ní wáayaʔawa bɛ̀ sùkulowo tíɛlɛ kapiile mɛ́ lè.

Galasiyé 4:3

Bà sí weli 'puu kire felige, bà pìire 'puu nɛ tíin weli nī bèle. Weli 'puu duniya kaliʔɛlɛ màama nī bè, nɛ ní ti sùkulolo.

Galasiyé 4:9

Bɛ̀ sí yeli 'Kulocɛliɛ cɛ́n wè píra ŋáà nī wè, á kire 'laa bɛ̀ yeli wuʔu ki kɛ́nì jíin Kulocɛliɛ nī wè, ki mɛni á ye ní nɛ̀ je koli bàa de sùkulomɔ kúu kaliʔɛlɛ yɛrɛ táà mɛ́ cígini, kanyuɔnɔfun yɛrɛ táà ?

Kolɔsiyé 2:14

Kajuudiʔɛlɛ gílì ke 'puu nɛ weli cɔ̀rí gèle, níɛ weli túngu wè, wi 'ti kurugo nɛ̀ láʔa, nɛ̀ ti kóri nɛ̀ tárigɛ tiiparigɛ nɛ̄ gè nɛ̀ yige baa.

Kolɔsiyé 2:20

Bɛ̀ yeli 'kùu nɛ́ Kirisi ní wè duniya kaliʔɛlɛ kɔli mɛ́ gè, gáa nɛ̄ ye bé ní de yeli sìi tári wè bè puu cɔ̀rilɔ duniya wi kiyɛ nī yè ?

Eburulo 10:1

Misa Fànʔa Siɛnrɛ dè, tiī fìɛ yákuɔ wī bè weli nyuɔmɔ tìɛ bè bàa pi 'puu nɛ báan bè. Ti tíimɛ sì puu kányiʔɛ woriʔ. Kire nɛ̄, tiì jáa nɛ̀ siɛn nyuɔ nɛ̀ forigoʔ bè ki yaʔa siɛn- gbɛ̀ sìʔɛrɛ kpɔni bè Kulocɛliɛ gbùʔɔrɔ wèʔ, kakuɔrɔ wenuro dáà tire kɛnmɛ nɛ̄ bèʔ, dàa ti 'puu nɛ kpínʔini yiɛlɛ ó yiɛlɛ láʔala fùn wè.

Eburulo 7:15

Kire ń'nɛ̀ koli nɛ̀ ki fílige bà kacuɔnriwɔ wáà 'yiri ŋàa wī Mɛlikisedɛki felige gè.

Eburulo 7:17

Nɛ́ ki cɛ́n Kulocɛliɛ siɛnsɛbɛrɛ ti 'ki juu nɛ̀ láʔa nɛ́ jo: Muɔ yē kacuɔnriwɔ lɛ̀lɛ ó lɛ̀lɛ nī, Mɛlikisedɛki felige gè .

Eburulo 7:21

Nɛ̀ sí ki yaʔa Zezi wè, wi nyɛ́nì kò kacuɔnriwɔ nɛ́ kàlilɛ ní, a Kulocɛliɛ wi 'ki juu wi mɛ́ nɛ́ jo: Yewe 'ki kàli, wiǐ ní sùnʔɔrɔ ti nī púloʔ: «Muɔ yē kacuɔnriwɔ lɛ̀lɛ ó lɛ̀lɛ nī .»

Eburulo 7:28

Siɛnnɛ bálì Misa Fànʔa Siɛnrɛ ti 'tɛ́ngɛ kacuɔnrilɔ kàfɔlilɔ bèle, piyè nyuɔ nɛ̀ foriʔ. Nɛ̀ ki yaʔa Kulocɛliɛ kàlilɛ siɛnrɛ, dàa wi 'juu Fànʔa Siɛnrɛ ti kàduʔumɛ gè, tire 'wi Jaa tɛ́ngɛ wè kacuɔnrilɔ kàfɔli ŋáà wi 'nyuɔ nɛ̀ fori lɛ̀lɛ ó lɛ̀lɛ nī lè.

Eburulo 7:3

Kulocɛliɛ siɛnsɛbɛrɛ ti wè nɛ nyu wi tuu wuʔu nɛ̄ʔ, nɛ́ wi yàa wuʔu nɛ̄, nɛ́ míɛni wi tuuliɛyɛ wuʔu nɛ̄ʔ. Ti wè nɛ nyu míɛni lɛ̀lɛ líì nī pe 'wi sii wèʔ, nɛ́ wi kùu lɛ̀lɛ wuʔu nɛ̄ gèʔ. Gìi sí gī baa gè, wi 'kò kacuɔnriwɔ lɛ̀lɛ ó lɛ̀lɛ nī bɛ̀ Kulocɛliɛ Jaa tíɛlɛ wè.

Eburulo 9:14

Nɛ̀ ki yaʔa bànguɔ Kulocɛliɛ Pìle kɛnmɛ nɛ̄ bè, a Kirisi wi 'wìi tíimɛ kɛn tiɛlɛfun kakuɔrɔ Kulocɛliɛ mɛ́. Bà ki yē, Kirisi sìsiɛn ki sí yē nɛ́ ŋɔri ní bè weli funyɔ cìile yè tɔ̀nifun kapiigbiʔiligele nɛ̄ gèle, kire ga buu weli gbɛ̀ri Kulocɛliɛ wewiiwe gbùʔɔrilɔ baara kúu dè.

Tìɛlɛ 1:18

Mi yē sìi nɛ̄. Mi cé kùu, ki sí n'gɛ, mi yē sìi nɛ̄ súuri kúɔmɔ fùn, nɛ̀ pínɛ kùu kɔ̀rikaanna lè nɛ́ kusiʔi kɔ̀rikaanna ní lè, mi mɛ́ ke yē.