Eburulo 7:11 - Sénoufo Nyarafolo

¹¹ Leviiyé kacuɔnrigɔlɔ keli ke 'puu Misa Fànʔa Siɛnrɛ nyùgo gè, dàa Isirayɛli siɛnnɛ pe yé taa dè. Nɛ̀ sí ki yaʔa, a Leviiyé kacuɔnrilɔ pe yé jáa nɛ̀ ki nyuɔ nɛ̀ fori gè gàa ki 'yɛli bè kpíʔile gè, nyùgo sí cî ní puu ki nɛ̄ Kulocɛliɛ ní kacuɔnriwɔ wáà yige Mɛlikisedɛki felige gè, bé sí Arawɔn tùlugo yaʔa gè.

Eburulo 7:11 Iomraidhean Croise

Galasiyé 2:21

Miǐ gbɛ̀ Kulocɛliɛ wi kacɛ̀ngɛ cíi gèʔ. Á kire 'laa wè, a ki yē Fànʔa Siɛnrɛ ti bé gbɛ̀ siɛn juu bè yige Kulocɛliɛ yiʔɛ mɛ́ gè, ki bé nyaa píra ŋáà nī wè Kirisi wi 'kùu nyùgo fùn wī.

Galasiyé 4:3

Bà sí weli 'puu kire felige, bà pìire 'puu nɛ tíin weli nī bèle. Weli 'puu duniya kaliʔɛlɛ màama nī bè, nɛ ní ti sùkulolo.

Galasiyé 4:9

Bɛ̀ sí yeli 'Kulocɛliɛ cɛ́n wè píra ŋáà nī wè, á kire 'laa bɛ̀ yeli wuʔu ki kɛ́nì jíin Kulocɛliɛ nī wè, ki mɛni á ye ní nɛ̀ je koli bàa de sùkulomɔ kúu kaliʔɛlɛ yɛrɛ táà mɛ́ cígini, kanyuɔnɔfun yɛrɛ táà ?

Eburulo 5:10

Kulocɛliɛ wire wi 'wi nyíɛnɛ nɛ̀ kɔ̀n kacuɔnrilɔ kàfɔli Mɛlikisedɛki felige gè.

Eburulo 5:6

Bɛ̀ míɛni wi 'ki juu tiʔɛ káà nī nɛ́ jo: Muɔ yē kacuɔnriwɔ lɛ̀lɛ ó lɛ̀lɛ nī, Mɛlikisedɛki felige gè .

Eburulo 6:20

Zezi wi 'jíin baa weli yiʔɛ nɛ̄, weli kɛnmɛ nɛ̄. Wi nyɛ́nì kò kacuɔnrilɔ kàfɔli lɛ̀lɛ ó lɛ̀lɛ nī, Mɛlikisedɛki felige gè.

Eburulo 7:10

Nɛ́ ki cɛ́n a ki cɛ́nì nyaa Levii wiì cé fìɛ sii wèʔ, wi yé puu wi tuu Birayima céri nī dè lɛ̀lɛ líì nī Mɛlikisedɛki wi 'Birayima kpàli wè.

Eburulo 7:12

Nɛ́ ki cɛ́n a wàlimɛ 'nyaa kacuɔnrigɔlɔ nī gèle, ki 'yɛli míɛni wàlimɛ- nyaa fànʔa siɛnrɛ nī.

Eburulo 7:13

Kacuɔnriwɔ ŋáà wuʔu nɛ̄ siɛnrɛ dáà tiī nɛ nyu dè, wire yē saʔa káà tùlugo kiiyɛ wuu, Levii wuʔu bɛ̀ʔ. Siɛn míɛni sì nyaa kire tùlugo nī gèʔ ŋàa wi gbɛ̀ni gbùʔɔrɔdiʔɛ yafanʔa baara kúu dèʔ.

Eburulo 7:15

Kire ń'nɛ̀ koli nɛ̀ ki fílige bà kacuɔnriwɔ wáà 'yiri ŋàa wī Mɛlikisedɛki felige gè.

Eburulo 7:21

Nɛ̀ sí ki yaʔa Zezi wè, wi nyɛ́nì kò kacuɔnriwɔ nɛ́ kàlilɛ ní, a Kulocɛliɛ wi 'ki juu wi mɛ́ nɛ́ jo: Yewe 'ki kàli, wiǐ ní sùnʔɔrɔ ti nī púloʔ: «Muɔ yē kacuɔnriwɔ lɛ̀lɛ ó lɛ̀lɛ nī .»

Eburulo 8:7

Gìi sí gī baa gè, a ki yē nyakungɛngɛ pélige ki cé puu pùunnidiɛlɛ fùn lè, nyùgo sì cî ní puu ki nɛ̄ bè siinwuʔu caaʔ.

Eburulo 9:6

A tire ti mìɛni yé tɛ́ngɛ nɛ̀ kúɔ dè, kacuɔnrilɔ pe nɛ̂ cé jíin cɛngɛ ó cɛngɛ kpátaʔa saapelige nī gè nɛ̀ pe Kulocɛliɛ gbùʔɔrilɔ kele kúɔ gèle.