Eburulo 7:10 - Sénoufo Nyarafolo

¹⁰ Nɛ́ ki cɛ́n a ki cɛ́nì nyaa Levii wiì cé fìɛ sii wèʔ, wi yé puu wi tuu Birayima céri nī dè lɛ̀lɛ líì nī Mɛlikisedɛki wi 'Birayima kpàli wè.

Eburulo 7:10 Iomraidhean Croise

Sélimɛ 35:11

A Kulocɛliɛ ń'nɛ̀ wi yɛ: «Mi wī Ŋɔri Ti Mìɛni Kulocɛliɛ wè. Ma sii ma niʔɛ ma kò kùpolo láà, ma puu siɛnfeliniʔɛyɛ. Kùlofɔlilɔ bé yiri muɔ nī.

Sélimɛ 46:26

Siɛnnɛ bálì ní Yakuba 'kɔ́n Kanaa kùlo mɛ́ lè nɛ̀ pɛn Ezipiti kùlo mɛ́ lè, peli bálì pe yé puu Yakuba sìsiɛn tíimɛ gè, pe mìɛni bìnɛ wi 'puu siɛnnɛ togotaanri nɛ́ kɔlini. Piyè yé wi jaala cɛlilɛ tɔ́ri bèleʔ.

Eburulo 5:6

Bɛ̀ míɛni wi 'ki juu tiʔɛ káà nī nɛ́ jo: Muɔ yē kacuɔnriwɔ lɛ̀lɛ ó lɛ̀lɛ nī, Mɛlikisedɛki felige gè .

Eburulo 7:11

Leviiyé kacuɔnrigɔlɔ keli ke 'puu Misa Fànʔa Siɛnrɛ nyùgo gè, dàa Isirayɛli siɛnnɛ pe yé taa dè. Nɛ̀ sí ki yaʔa, a Leviiyé kacuɔnrilɔ pe yé jáa nɛ̀ ki nyuɔ nɛ̀ fori gè gàa ki 'yɛli bè kpíʔile gè, nyùgo sí cî ní puu ki nɛ̄ Kulocɛliɛ ní kacuɔnriwɔ wáà yige Mɛlikisedɛki felige gè, bé sí Arawɔn tùlugo yaʔa gè.

Eburulo 7:5

Ki 'nyaa, Misa fànʔa kajuudiɛlɛ láà yē nɛ kɛnmɛ kanʔa Leviiyé mɛ́ bèle, bàli bīɛlɛ pe yē kacuɔnrilɔ bèle, peri kiɛkiɛwuʔulo láʔala gèle Isirayɛli siɛnnɛ mɛ́ bèle, kire 'jo pe siinyɛninɛ mɛ́ bèle. Nɛ̀ ki yaʔa peli míɛni yē Birayima siimɛ.

Eburulo 7:9

Levii ŋáà wiī nɛ kiɛkiɛwuʔulo suu gèle bɛ̀ wi siimɛ piī nɛ ki baara kúu dè, kiī majo Levii wire tíimɛ nyɛ́nì kiɛkiɛwuʔulo sàri gèle Mɛlikisedɛki mɛ́ wè, bà wi tuuliʔɛ Birayima wi cé ki kpíʔile gè.