Eburulo 7:1 - Sénoufo Nyarafolo

¹ Kire Mɛlikisedɛki wi 'puu Salɛmi kùlofɔli, nɛ́ ní kacuɔnriwɔ Kulocɛliɛ mɛ́, Kulocɛliɛ ŋáà wī Duniya wi Mìɛni Nyùgo nɛ̄ gè. A wi 'kɛ́ nɛ̀ sɛ́nì Birayima|Birayima|Birayima kpàli wè lɛ̀lɛ líì nī Birayima yé kɔ́n kapiɛnnɛ kpúɔndiʔɛ nī gè nɛ́ kùlofɔlilɔ jáa bèle. A Mɛlikisedɛki wi 'diba kpíʔile wè Birayima mɛ́ wè.

Eburulo 7:1 Iomraidhean Croise

Ŋúnuyɔ 57:2

Kulocɛliɛ yo, ‑nyinimɛ taa mi nɛ̄ ! Ma nyinimɛ taa mi nɛ̄ ! Nɛ́ ki cɛ́n muɔ nī mi bé líʔire jó dè. Mi nyɛ́nì líʔire jó muɔ fíkɛnyɛ láara yè, fúɔ bè taa wuʔɔgɔ ki‑ pa tóri.

Ŋúnuyɔ 76:2

Kulocɛliɛ wiī cɛ́nwɛ Zuda kùlo nī lè; wi míʔɛ ki 'kpúʔɔ Isirayɛli kùlo nī lè.

Ŋúnuyɔ 78:35

A pe 'sɔ̀ngi nɛ̀ taa nɛ̀ ki cɛ́n Kulocɛliɛ wī peli kàdɛnigbaala lè, wire wī, Kulocɛliɛ ŋáà wī Duniya wi Mìɛni Nyùgo nɛ̄ gè, wi pe 'fùgu nɛ̀ suɔ wè.

Ŋúnuyɔ 78:56

Kire nɛ́ ki mìɛni a pe 'Kulocɛliɛ puu wè nɛ̀ wéli, wire ŋàa wī Duniya wi Mìɛni Nyùgo nɛ̄ gè. ʔaan, je pe sí cíi wi nɛ̄ wī, piyè wi nyakungɛngɛ siɛnrɛ cò dèʔ.

Mariki 5:7

nɛ́ fali nɛ̀ kòkuugbuɔlɔ wáa sɛni, nɛ́ wi yɛ: «Gáa gī muɔ nɛ́ mi sunʔɔmɔ ní bè Zezi, Kulocɛliɛ Jaa, Kulocɛliɛ ŋáà wī Duniya wi Mìɛni Nyùgo nɛ̄ gè  ? -Ki kpíʔile nɛ́ Kulocɛliɛ ní, má fǎga mi wuʔɔʔ.»

Kakpiʔiligele 16:17

A ki cuɔ wi 'líɛ nɛ̀ taʔa weli kúrugu, weli nɛ́ Pɔli ní wè, níɛ nyu kpuʔɔ níɛ wáa: «Siɛnnɛ bálì bèle, Kulocɛliɛ ŋáà wī Duniya wi Mìɛni Nyùgo nɛ̄ gè, wire baakuɔlɔ bīɛlɛ ! Suɔlɔ koligo kire wori piyē nɛ nyu yeli mɛ́ !»

Eburulo 6:20

Zezi wi 'jíin baa weli yiʔɛ nɛ̄, weli kɛnmɛ nɛ̄. Wi nyɛ́nì kò kacuɔnrilɔ kàfɔli lɛ̀lɛ ó lɛ̀lɛ nī, Mɛlikisedɛki felige gè.

Eburulo 7:2

A Birayima sí kiɛkiɛwuʔulo láʔala gèle wi kapiɛngbuɔn yataara ti mìɛni nī nɛ̀ kɛn wi mɛ́. Mɛlikisedɛki míʔɛ ki kɔri wire wī: sínmɛ kùlofɔli. Wi yé puu míɛni Salɛmi kùlofɔli, kire 'jo: yanyige kùlofɔli.

Eburulo 7:3

Kulocɛliɛ siɛnsɛbɛrɛ ti wè nɛ nyu wi tuu wuʔu nɛ̄ʔ, nɛ́ wi yàa wuʔu nɛ̄, nɛ́ míɛni wi tuuliɛyɛ wuʔu nɛ̄ʔ. Ti wè nɛ nyu míɛni lɛ̀lɛ líì nī pe 'wi sii wèʔ, nɛ́ wi kùu lɛ̀lɛ wuʔu nɛ̄ gèʔ. Gìi sí gī baa gè, wi 'kò kacuɔnriwɔ lɛ̀lɛ ó lɛ̀lɛ nī bɛ̀ Kulocɛliɛ Jaa tíɛlɛ wè.

Eburulo 7:6

Mɛlikisedɛki wiì cé puu Levii tùlugo wuuʔ, nɛ̀ ki yaʔa a wi 'kiɛkiɛwuʔulo suɔ gèle Birayima mɛ́ wè nɛ́ diba kpíʔile wè Birayima mɛ́ wè, wire ŋáà wi cé Kulocɛliɛ nyafɛniyɛ taa yè.