Eburulo 6:8 - Sénoufo Nyarafolo

⁸ Nɛ̀ ki yaʔa, a ki sí nyaa wíire nɛ́ káliwaʔa ki fíin baa kire dàala nɛ̄ lè, tɔ̀ni wè ni nɛ̄ʔ. Kiǐ mɔgɔʔ Kulocɛliɛ bé dɛ́ngɛ taʔa wè kire dàala nɛ̄ lè; pe bé ni sórigo.

Eburulo 6:8 Iomraidhean Croise

Sélimɛ 4:11

Bà sí muɔ 'muɔ cɔni kpúu wè, a sìsiɛn ki 'wo dàala nɛ̄ lè a dàala ni sí sìsiɛn gbuɔ gè, píra ŋáà nī wè mi bé dɛ́ngɛ taʔa wè muɔ nɛ̄ bè muɔ cìra bè líili dàala nɛ̄ lè.

Sélimɛ 5:29

nɛ́ ni míʔɛ le gè nɛ wi yeri Nɔwe, ki kɔri wire wī: ŋàa wire wi bé we kɛn ŋɔ́daala ní weli baagbɛnrɛ nɛ̄ dè nɛ́ weli wuʔɔyɔ ní yè, nyàa yī weli nɛ̄ yè, nyàa weli 'taa yè, bɛ̀ Yewe cé dàala cúʔɔ lè.

Ŋúnuyɔ 107:34

Wiī nɛ dàataanna yiʔi lè ni nɛ̂ kò yasuʔɔgɔ dàala ki tiʔɛ siɛnnɛ pe kapiʔile kɛnmɛ nɛ̄ bè.

Matiye 25:41

«Píra ŋáà nī wè dí kùlofɔli wi sí kàmɛgɛ wuulo yɛ bèle: ‹Ye- sìʔɛrɛ mi táanni yeli bèle, yeli woli ni 'cúʔɔ wī, ye- sa jíin bànguɔ kàsun nī gè; gbòdolilo kàfɔli wire míʔɛ ní ki cé kpíʔile wire nɛ́ wi tundunminɔ ní bèle.

Matiye 3:10

«Kágbaʔa nyuɔ kiī kɛ́ngɛ nɛ̀ kúɔ tiiye nìre nɛ̄ dè. Tiige ó tiige ki wè nɛ yasɛnrɛ sɛngi cɛ̀nrɛ dèʔ, ki tiige ki bé ceri bè wáa kàsun nī wī.

Matiye 7:19

Tiige ó tiige ki sí wè nɛ yasɛnrɛ sɛngiʔ cɛ̀nrɛ dè, pe nɛ̂ ki ceri nɛ̀ wáa kàsun nī.

Mariki 11:14

A wi 'jo: «Siɛn sǐ ní muɔ yasɛngɛ káa bè nyaa púloʔ.» A wi pìtɛnmɛnɛ pe 'ki siɛnrɛ lúʔu dè.

Mariki 11:21

A Piɛri 'sɔ̀ngi nɛ̀ taa nɛ̀ jo: «Tɛnmɛfɔli, nyaa, tiige gíì muɔ cé dɛngɛ gè, ki 'waʔa.»

Zezi Kirisi Kataanna Siɛnrɛ dè Zan juumɔ nɛ̄ bè 15:6

«A siɛn ŋíì wè mi nī kòriwo wèʔ, pe bé wi cìra bè yige kpànʔanɛ, majo fètirige gíì pe sî ceri nɛ̀ wáa gè. Ki bé waʔa dí pe sí ga ti fàa bè wáa kàsun nī bè ti sórigo.

Fànʔa Kajuʔulo 29:28

«Kalarigɛlɛ ke mìɛni yē Yewe weli Kulocɛliɛ wuʔulo. Gàli sí ke 'tìɛ weli nɛ̄ gèle, keli yē weli wuʔulo nɛ́ weli pìile ní bèle, lɛ̀lɛ ó lɛ̀lɛ nī, kire ga buu weli de Fànʔa Siɛnrɛ dáà ti mìɛni lúru bèri ti kpínʔini.»

Eburulo 10:27

Gìi ki 'kò gè, kire gī: béri Kulocɛliɛ kàyuʔujuuro siri dè nɛ́ fíɛgbuɔrɔ ní, nɛ́ kàsunkpuʔɔ ní gàa ki bé ba wi leguulo sórigo bèle.

Eburulo 12:17

Yeli nyɛ́nì ki cɛ́n, kàduʔumɛ gè wi 'puu nɛ ki caa wi tuu wi- diba siɛnrɛ juu dè bè taʔa wire nɛ̄, nɛ̀ ki yaʔa wi tuu wiì yéri ki nɛ̄ʔ. A wi 'ki ŋàʔana nɛ́ yéturo ní bè kele yiʔɛ gèle, kire nɛ́ ki mìɛni kiì nyuɔ wi nɛ̄ʔ.

Tìɛlɛ 20:15

A siɛn ŋíì míʔɛ sì cé nyaa baa sìi sɛbɛ nī wèʔ, pe nɛ̂ cé wi wáa baa kàsunkpuʔɔ nī gè.