Eburulo 6:16 - Sénoufo Nyarafolo

¹⁶ Bà siɛnnɛ pe cî nɛ kàlilɛ kpínʔini lè, pe nɛ̂ ki kpíʔile siɛn ŋáà míʔɛ ki 'kpúʔɔ nɛ̀ tóri pe nɛ̄ bèle. Á kàlilɛ ni nɛ̂ ki juu nɛ̀ ceri gàa 'ki juu gè bè kàsii kúɔ wè.

Eburulo 6:16 Iomraidhean Croise

Sélimɛ 14:22

A Birama wi sí jo: «Mi 'mi kɔli yɛ̀gɛ gè naamɛ Yewe mɛ́, Kulocɛliɛ ŋáà wī Duniya wi Mìɛni Nyùgo nɛ̄ gè, wire ŋáà wi yē nyìʔɛnɛ nɛ́ dàala Faanfɔli wè, nɛ́ kàli nɛ́ jo,

Sélimɛ 21:23

Píra ŋáà nī wè, ma kàli m'mɛ́ Kulocɛliɛ míʔɛ nɛ̄ gè náʔa gè, ma jo muɔ sì ga mi fáanniʔ, mi nɛ́ mi pìile ní bèle nɛ́ mi kàduʔumɛ pìile ní bèle, muɔ bága kacɛ̀ngɛ kpíʔile mi nɛ̄, bé ní kacɛ̀ngɛ kpíʔile kùlo mɛ́ lè nàa nī muɔ yē náʔa tɛ́niwɛ wè nɛ́ ní nabɔnwɔ wè, bɛ̀ mi nyɛ́nì kacɛ̀ngɛ kpíʔile muɔ nɛ̄ kɛnmɛ báà nɛ̄ bè.»

Sélimɛ 21:24

A Birayima 'jo: «Mi 'kàli m'bé ki kpíʔile.»

Sélimɛ 31:53

Birayima Kulocɛliɛ wè, nɛ́ míɛni Nakɔri kulocɛliɛ wè, pe tobilo kulocɛlɛlɛ bèle, peli pe bé puu kàyuʔujuufɔlilɔ bèle mi nɛ́ muɔ sunʔɔmɔ ní bè.» A Yakuba wire sí kàli Kulocɛliɛ nɛ̄, ŋàa nɛ̄ wi tuu Siaga 'puu nɛ fìʔɛ́ wè.

Yirile 22:11

A ki sí nyaa pe 'yajuʔu yùu gè wi kpáa mɛ́ gè, wi bé ki sàri ki kàfɔli mɛ́ wè.

Galasiyé 3:15

Mi siinyɛninɛ, ye tí mi kaala nigbe tɔ́nminɔ yeli mɛ́ nɛ́ weli siɛnnɛ kakpiʔilile láà ní. Kiī cɛ́ngɛ, a siɛn 'nyuɔ kún nɛ̀ kɛn kaala láà nī, á nyakungɛngɛ siɛnrɛ ti 'juu nɛ̀ cìile dè, siɛn sǐ gbɛ̀ ti wáa kàduʔu mɛ́ʔ, siɛn míɛni sǐ gbɛ̀ tàa taʔa ti nɛ̄ʔ.

Eburulo 6:13

Lɛ̀lɛ líì nī Kulocɛliɛ wi 'nyuɔ fɛ̀ni Birayima mɛ́ wè, a wi 'ki kàli wi tíimɛ míʔɛ nɛ̄ gè, nɛ̀ ki cɛ́n wàa sì yé ń'nɛ̀ puu baaʔ ŋàa wi 'kpúʔɔ nɛ̀ tóri wire nɛ̄ wèʔ, ŋàa míʔɛ nɛ̄ wi cî kàli wèʔ.