Eburulo 6:12 - Sénoufo Nyarafolo

¹² Kire nɛ̄ ye fǎga puu sàliyɛfɔlilɔʔ. Ye- puu bɛ̀ bàli tíɛlɛ pe 'Kulocɛliɛ nyafɛniyɛ taa yè, pe tɛ́ngɛlɛ nɛ́ pe lèbaanna kɛnmɛ nɛ̄ bè.

Eburulo 6:12 Iomraidhean Croise

Matiye 22:32

Mi wī Birayima Kulocɛliɛ wè, nɛ ní Siaga Kulocɛliɛ wè, nɛ ní Yakuba Kulocɛliɛ wè. «Kúbilo wuu bɛ̀ʔ Kulocɛliɛ wèʔ; wiile wuu wī.»

Matiye 25:26

«A wi kàfɔli wi sí siɛnnugoro kɛn dè wi mɛ́ nɛ́ wi yɛ: ‹Baakuɔsipiiwe wī muɔ wè, nɛ́ ní sàliyɛfɔli ! Muɔ cé ki cɛ́n mi nɛ̂ sɛ́nì líɛ tiʔɛ gíì nī mi sì yatanʔara tánʔa dèʔ, nɛ̀ pínɛ mi nɛ̂ sɛ́nì koli tiʔɛ gíì mi sì yaliire cɛri dèʔ !

Luku 16:22

«A fuunmɔfɔli wi kɛ́nì kùu, a nyìʔɛnɛ tundunminɔ pe 'wi líɛ nɛ̀ kɛ́ Birayima kúrugu wè nyìʔɛnɛkaʔa nī gè. A lɔrifɔli míɛni wi kɛ́nì pɛ́nì kùu, a pe sɛ́nì wi tɔ́n.

Luku 8:15

Yatanʔara díì sí ti 'tuu dàacɛnnɛ nī lè, tire yē bìli pe 'Kulocɛliɛ siɛnrɛ cò dè nɛ́ funjɛ̀ngɛ ní, nɛ́ funviige ní, nɛ́ jáa nɛ̀ gbɛ̀nmɛ le nɛ̀ yasɛnrɛ sɛn wè.»

Wurɔmiyé 12:11

Ye- puu sícaʔala, ye fǎga puu sàliyɛfɔlilɔʔ. Yeri Kàfɔli wi baara kúu dè funyaʔa ní.

Wurɔmiyé 2:7

Bìli pe 'lèbaanna le nɛ kacɛ̀ngɛ kpínʔini gè níɛ kpuʔɔrɔ caa dè, nɛ́ míɛtanʔa ní gè, níɛ pe sìi tári wè bè kò sìi nɛ̄ wè, Kulocɛliɛ wi bé bànguɔ sìi kɛn wè pe mɛ́.

Wurɔmiyé 4:12

Bìli pe 'kɛnɛkɛnɛ kpíʔile wè, Birayima wiī pe tuu nɛ̀ pínɛ, kiì sí kò majo bìli nɛ̄ kɛnɛkɛnɛ míʔɛ ki yē gè peli yákuɔlɔʔ. Ki 'nyaa bìli pe nyɛ́ni tɛ́ngɛlɛ koligo tári gè bɛ̀ Birayima tíɛlɛ wè bà wi 'puu nɛ tíin wiì cé fìɛ kɛnɛkɛnɛ kpíʔile wè, peli tuu wī nɛ̀ pínɛ.

Tesalonikiyé 1 1:3

Tɛ́ngɛlɛ kakpiʔiligele gálì yeli nɛ kúu gèle, nɛ́ baara dáà yeli 'kúɔ dɛ́nigɛ kɛnmɛ nɛ̄ bè, nɛ̀ pínɛ bɛ̀ yeli 'lèbaanna le nɛ̀ yeli sɔ̀ngirɔ taʔa dè kpuʔɔ Kàfɔli Zezi Kirisi nɛ̄ wè, weli nɛ sɔ̀ngí nɛ tari nɛ́ kire gáà ki mìɛni ní gè lɛ̀lɛ ó lɛ̀lɛ weli Tuu Kulocɛliɛ yiʔɛ mɛ́ gè.

Tesalonikiyé 2 1:4

A kire sí weli kɛn weli nìɛ nyu nɛ fíkɛnyɛ wúʔuro yeli wori nɛ̄ dè Kulocɛliɛ tɛ́ngɛfɔlilɔ gbuʔulo nī gèle, bɛ̀ ki 'nyaa yeli 'jáa nɛ̀ ki kpàri nɛ̀ cò nɛ́ tɛ́ngɛlɛ cò lè kpuʔɔ yeli wuʔɔyɔ yi mìɛni nī yè nɛ́ fùrɔgɔ gíì pe tari yeli nɛ̄ gè.

Eburulo 1:14

Báli bīɛlɛ nyìʔɛnɛ tundunminɔ bèle ? Nyìʔɛnɛ tundunminɔ piyē pígele, Kulocɛliɛ baakuɔlɔ bīɛlɛ. Kulocɛliɛ 'pe tun pe- siɛnnɛ sáʔa bèle bàli pe bé suɔlɔ taa lè kɔrigɔ gè.

Eburulo 10:36

Píra ŋáà nī wè ki 'yɛli ye- lèbaanna le, kire ga buu yeli de waa yiʔɛmɛ yeri Kulocɛliɛ nyɛ́ni kele kpínʔini gèle. Bà yeli bé ki taa gàa nyuɔ wi 'fɛ̀ni gè.

Eburulo 11:33

Tɛ́ngɛlɛ kɛnmɛ nɛ̄ bè, a pe 'kùlofɔliyɔ jáa yè, nɛ́ kele kpíʔile gèle nɛ̀ yɛli nɛ́ sínmɛ ní. A pe 'ki taa gàa nyuɔ Kulocɛliɛ yé fɛ̀ni gè, nɛ̀ jàriyɛ nyuɔyɔ tɔ́n yè,

Eburulo 12:1

Ki 'nyaa, siɛnnɛ sáa weli màʔa nɛ̀ suʔu nɛ́ pe tɛ́ngɛlɛ tìɛ lè weli nɛ̄. Ki sí n'gɛ, kele gílì kiyē nɛ weli cògí nɛ yérigi tánʔana nɛ̄ lè, we- láʔa ke nɛ̄, we sí wìye yige kapiʔile nī gèle gàli ke nyɛ́ni weli 'puu nɛ cáanri fáari fáari wè, we sí de kàsɛnigɛ fé gè nɛ́ lèbaanna ní, gàa ki 'gbòbori nɛ̀ yaʔa weli mɛ́ gè.

Eburulo 13:7

Yeri sɔ̀ngí yeri taʔa nɛ́ yeli yiɛgininɛ ní bèle, bàli pe cé Kulocɛliɛ siɛnrɛ juu dè yeli mɛ́ bèle. Ye- sɔ̀ngi pe tánʔagɛnjɛ̀nmɛ wuʔu nɛ̄ gè nɛ́ pe sìi kúɔgɛnmɛ ní bè, yeri ŋàʔaná ye puu pe tíɛlɛ yeli tɛ́ngɛlɛ nī lè.

Eburulo 5:11

Siɛnniʔɛrɛ táà nɛ tíin weli mɛ́ dàa weli bé gbɛ̀ juu dè, á ti sí yē gbɛ̀nrɛ bè ti fílige juu. Nɛ́ ki cɛ́n yeli ngbúʔulo ke 'pàanni bè ti lúʔu.

Eburulo 6:15

A Birayima wi 'ki sige nɛ́ funyige ní, a wi 'ki taa gàa nyuɔ Kulocɛliɛ cé fɛ̀ni gè.

Zaki 1:3

Ye- ki cɛ́n a kafurɔgɔlɔ ke 'yeli tɛ́ngɛlɛ siʔɛ lè nɛ̀ wéli lè, lèbaanna bé jíin yeli nī.

Piɛri 2 1:10

Nɛ̀ siinyɛninɛ, gìi sí gī baa gè, yeri ŋàʔaná kpuʔɔ yeri ki tìí yeli tánʔagɛnmɛ nɛ̄ bè dí Kulocɛliɛ nyɛ́nì yeli yeri nɛ̀ yeli nyíɛnɛ nɛ́ kɔ̀n. Nɛ́ ki cɛ́n a yeli nɛ kire kpínʔini gè, yeli sǐ de kúrugi de tun koligo nɛ̄ gè púloʔ.

Zan 1 2:25

Nyafɛnigɛ gáà Jaafɔli wi 'kpíʔile weli mɛ́ gè, kire gī bànguɔ sìi wè.

Tìɛlɛ 13:10

A siɛn ŋíì sìi kɛ́nì nyaa wi 'yɛli pe- wi cò bè kɛ́ wè, pe bé wi cò bè kɛ́ wī; a ŋìi yē ŋɔsii ga wi kpúu wè, ŋɔsii wi bága wi kpúu. Kulocɛliɛ wuulo pe kpàricogo nɛ́ pe tɛ́ngɛlɛ tiɛlɛ lire nī nàa lè.