Eburulo 6:11 - Sénoufo Nyarafolo

¹¹ A weli sí nɛ ki caa kányiʔɛ nɛ̄, siɛn ó siɛn yeli nī bèle wi- gbɛ̀nmɛ le kire baara nī dè, wiri waa yiʔɛmɛ bàa nɔ̀ ki kúɔmɔ nɛ̄ bè, kire ga buu gàa nɛ̄ yeli sɔ̀ngirɔ ti yē dè, yeli sa ki taa.

Eburulo 6:11 Iomraidhean Croise

Matiye 24:13

A siɛn ŋíì sí ki kpàri nɛ̀ cò nɛ̀ pɛ́nì paʔa wè, kire siɛn wire wi bága sa suɔ.

Luku 1:1

Kele nìʔɛgɛlɛ gílì ke 'tóri bile we sunʔɔmɔ nī bè, pàli nìʔɛnɛ nyɛ́nì tàa sɛbɛ ki kele nɛ̄ gèle.

Wurɔmiyé 12:8

A ŋìi yē bèri nyu de ŋɔri nyɔ́gi siɛnnɛ nī bèle, wiri kire kpínʔini; a ŋìi liɛlɛ yē bèri tàán wè, wiri siɛnnɛ kanʔa bèle nɛ́ funviige ní; a ŋìi yē nɛ siɛnnɛ yiʔɛ kíni, wiri ki baara kúu dè wi- puu cáʔacaʔa; a ŋìi yē nɛ nyinimɛ tari wè, wiri ki kpínʔini ki- puu nɛ́ funjɛ̀ngɛ ní.

Wurɔmiyé 15:13

Kulocɛliɛ ŋáà wī sɔ̀ngirɔ taʔadiʔɛ gè, wi- yeli funyɔ nyì yè fundaanra nɛ̄, nɛ́ yanyige ní tɛ́ngɛlɛ kɛnmɛ nɛ̄ bè. Gìi ki bé tí kàa de taʔala de waa yeli sɔ̀ngirɔ taʔadiʔɛ nɛ̄ gè Kulocɛliɛ Pìle lire fànʔa nɛ̄ gè.

Korɛntiyé 1 13:13

Píra ŋáà nī wè, yatiɛyɛ taanri nyáà yire yi 'kò, yi n'yɛ: tɛ́ngɛlɛ, sɔ̀ngirɔ taʔadiʔɛ, nɛ́ dɛ́nigɛ. Gìi sí ki 'kpúʔɔ ti mìɛni nɛ̄ dè, dɛ́nigɛ kire gī.

Korɛntiyé 1 15:58

Kire nɛ̄, nɛ siinyɛninɛ, yeli woli ni 'kpúʔɔ mi mɛ́, ye- gbɛ̀nmɛ le yìye nī, ye fǎri sùnʔɔrɔ́ de láʔalaʔ. Yeri baara yeri waa yiʔɛmɛ súuri Kàfɔli mɛ́ wè. Ye- ki cɛ́n yeli fùrɔgɔ ki wè waʔanɛʔ.

Galasiyé 5:5

Weli bèle, sɔ̀ngirɔ taʔadiʔɛ sí yē weli mɛ́ Kulocɛliɛ nī wè, a weli 'ki cɛ́n wi bága sa weli juu bè yige. Kire lɛ̀lɛ lire sí weli nɛ siri Kulocɛliɛ Pìle ni fànʔa nɛ̄ gè nɛ́ tɛ́ngɛlɛ ní.

Galasiyé 6:9

Ye- sí tí weri kacɛ̀ngɛ kpínʔini, we fǎga jo we 'fùrɔʔ. Nɛ̀ taʔa gíi nɛ̄, a ki lɛ̀lɛ ni kɛ́nì pɛ́nì nɔ̀ lè, we bé ki tɔ̀ni taa wè, a we 'laa wiyè fùrɔ nɛ̀ láʔa bèleʔ.

Filipiyé 3:15

Weli bálì sí we 'liɛ nɛ̀ láʔa tɛ́ngɛlɛ nī lè, ye- tí we- kire sɔ̀ngirɔ dáà le dè wìye nī. A ki sí yē sɔ̀ngirɔ táà tiiyɛ yē yeli mɛ́ bèle, Kulocɛliɛ wire wi bé yeli yiɛyɛ múgu yè tire kɔli mɛ́ gè.

Kolɔsiyé 1:23

Gìi gī baa gè, ye- yiʔɛ le tɛ́ngɛlɛ nī lè ni- tɛ́nidiʔɛ kɔ́n yeli nī, yafiɛn fǎga yeli funyɔ láʔa yè yeli sɔ̀ngirɔ taʔadiʔɛ nɛ̄ gèʔ. Yeli 'ki sɔ̀ngirɔ taʔadiʔɛ gáà taa gè bɛ̀ yeli 'Kataanna Siɛnrɛ lúʔu dè dàa ti 'jáari nɛ̀ tóri duniya wi mìɛni nī wè náʔa dàala nɛ̄ lè. Mi Pɔli wè, tire baara mi nɛ kúu.

Kolɔsiyé 1:5

Weli nɛ Kulocɛliɛ síɛri wè, bɛ̀ ki 'nyaa yeli cé kíni nɛ̀ ki lúʔu dí Kulocɛliɛ wi 'sɔ̀ngirɔ taʔadiʔɛ kɛn yeli mɛ́ nyìʔɛnɛkaʔa nī gè. Ki sɔ̀ngirɔ taʔadiʔɛ gáà gè, kire 'taa Kataanna Siɛnrɛ dáà yeli 'lúʔu dè. Kataanna Siɛnrɛ tire dī kányiʔɛ gè.

Kolɔsiyé 2:2

Mi nɛ kire gáà ki mìɛni kpínʔini gè gìi ki bé tí pe- pe nàzɔnnɔ lìri bèle, pe- pe funyɔ pínɛ yè, dɛ́nigɛ- puu pe sunʔɔmɔ nī, pe sìnjilige ki- kpúʔɔ, kaaliyɛ fǎga puu baaʔ. A kire kpíʔile gè, pe bé Kulocɛliɛ kalarilɛ cɛ́n lè; lire nī Kirisi wè.

Tesalonikiyé 1 1:5

Nɛ́ ki cɛ́n Kataanna Siɛnrɛ dáà weli 'juu yeli mɛ́ dè, ti wè nyuɔ nī yákuɔ wīʔ. Ki 'nyaa Kulocɛliɛ Pìle lire fànʔa ní weli 'ti juu, weli sì ti juu nɛ́ káaliyɛ níʔ. Yeli tíimɛ nyɛ́nì ki cɛ́n mɛni weli 'puu yeli sunʔɔmɔ nī bè. Kire gáà ki mìɛni gè, yeli nyuɔmɔ weli 'puu nɛ caa.

Tesalonikiyé 1 4:10

Kire cɛ yeli nɛ kpínʔini nɛ́ siinyɛninɛ pe mìɛni ní bèle Maseduwani kùlo ni mìɛni nī lè. Nɛ siinyɛninɛ, weli nɛ yeli fiɛn, ye- kàa fàri ki nɛ̄.

Tesalonikiyé 2 3:13

Gìi sí ki 'yeli kúɔ bèle, siinyɛninɛ, ye fǎga jo yeli 'fùrɔ kacɛ̀ngɛ kpíʔilige nɛ̄ gèʔ.

Eburulo 10:22

we- sìʔɛrɛ we kpɔni Kulocɛliɛ nɛ̄ wè nɛ́ funviige ní, nɛ́ tɛ́ngɛjɛ̀nnɛ ní nàa nī káaliyɛ fùn woli lè, nɛ́ funyɔ ní nyàa yī cìiliye yè nɛ́ nyàa yī sɔ̀ngibiire fùn yè, nɛ́ weli céri ní dè dàa 'ti jíge nɛ̀ kúɔ dè nɛ́ laciilige ní gè.

Eburulo 3:14

Nɛ́ ki cɛ́n weli nyɛ́nì kò Kirisi wi kodanʔanyɛninɛ wī, a weli 'fɔ̀li nɛ̀ weli tɛ́ngɛlɛ cò lè kpuʔɔ wè nàa ni kíni nɛ̀ puu weli mɛ́ sélimɛ nɛ̄ bè, nɛ̀ pɛ́nì nɔ̀ ki kúɔmɔ nɛ̄ bè.

Eburulo 3:6

Nɛ̀ sí ki yaʔa Kirisi wè, Kulocɛliɛ Siɛnnyiɛnɛgɔnwɔ wè, wi 'puu Jaafɔli, nɛ́ ní tɛ́ngɛmɛ siɛn, ŋàa wī tɛ́niwɛ Kulocɛliɛ saʔa nyùgo nɛ̄ gè. Weli yē wi saʔa wuulo, a weli 'weli tɛ́ngɛlɛ sɔ́migɔ lè nɛ̀ cò kpuʔɔ lè, níɛ wìye nyíɛnɛ nɛ́ weli sɔ̀ngirɔ taʔadiʔɛ wuʔu ní gè.

Piɛri 1 1:21

Kirisi wire wi 'ki yaʔa a yeli 'tɛ́ngɛ Kulocɛliɛ nɛ̄ wè, wire ŋáà wi 'Kirisi nyɛ́ wè nɛ̀ yige kúbilo nī bèle nɛ́ kpuɔmɔ kɛn bè wi mɛ́ wè, kire ga buu yeri yeli tɛ́ngɛlɛ nɛ́ yeli sɔ̀ngirɔ tari dè Kulocɛliɛ nɛ̄ wè.

Piɛri 2 1:10

Nɛ̀ siinyɛninɛ, gìi sí gī baa gè, yeri ŋàʔaná kpuʔɔ yeri ki tìí yeli tánʔagɛnmɛ nɛ̄ bè dí Kulocɛliɛ nyɛ́nì yeli yeri nɛ̀ yeli nyíɛnɛ nɛ́ kɔ̀n. Nɛ́ ki cɛ́n a yeli nɛ kire kpínʔini gè, yeli sǐ de kúrugi de tun koligo nɛ̄ gè púloʔ.

Piɛri 2 3:14

Kire nɛ̄, nɛ siinyɛninɛ, bè yeli yaʔa yeli de tire siri dè, ye- ŋàʔana ye kɛnmɛ pi mìɛni kpíʔile kire ga buu Kulocɛliɛ wi pa yeli nyaa cìilile nɛ́ ní kpɔlidiɛlɛ fùn, nɛ́ ní yanyige nɛ̄ nɛ́ wi ní.

Zan 1 3:14

A weli siinyɛninɛ pe 'weli dɛ́ni bèle, kire nɛ ki tìí weli nyɛ́nì yiri kùu nī wè nɛ̀ jíin sìi nī wè. Siɛn ŋáà mɛ́ dɛ́nigɛ ki wè baa gèʔ, wiī kòriwo kùu nī wī.

Zan 1 3:19

Kire ki bé ki yaʔa dí weli- ki cɛ́n bè jo weli yē kányiʔɛ wuulo nɛ́ míɛni weli funyɔ yi bé nyígi Kulocɛliɛ yiʔɛ mɛ́ gè.

Tìɛlɛ 2:26

« ‹A ŋìi kɛ́nì fànʔa taa nɛ̀ pɛ́nì fori wè, níɛ mi nyɛ́ni kele kúu gèle fúɔ nɛ̀ pɛ́nì nɔ̀ láʔala nɛ̄ lè, m'bé ki fànʔa kɛn gè siɛn mɛ́ wè wi- puu kùlogolo ke nyùgo nɛ̄ gè.