Eburulo 6:10 - Sénoufo Nyarafolo

¹⁰ Kulocɛliɛ wi wè koliwoʔ. Wiǐ ga tíi fìʔɛ nɛ́ yeli baara ní dèʔ dàa yeli nɛ kúu bɛ̀ wi woli ni 'kpúʔɔ yeli mɛ́ wè, bɛ̀ yeli nyɛ́ni wi wuulo sári bèle, níɛ ki kpínʔini nɛ tíin ŋɔ̀ wè.

Eburulo 6:10 Iomraidhean Croise

Ŋúnuyɔ 20:3

Bè wi yaʔa baa wi saawalidɛngɛgɛ nī gè, Siyɔn kàʔa nī gè, wi‑ wi kɔli sáʔa gè wi‑ muɔ suɔ bè muɔ kpɔni.

Yirile 1:20

A Kulocɛliɛ wi 'kacɛ̀ngɛ kpíʔile cesiijobilo mɛ́ bèle. A Eburulo siɛnnɛ pe 'kò nɛ niʔɛgi nɛ waa, fúɔ nɛ̀ pɛ́nì kò siɛnniʔɛbobo.

Matiye 10:42

M'bé ki juu yeli mɛ́ kányiʔɛ nɛ̄, a siɛn ŋíì 'lanyige yakuunyɛni kɛn mi pìtɛnmɛwɛ wáà mɛ́ ŋàa wi 'cɛ́ri pe mìɛni nī bèle, bɛ̀ wiī mi pìtɛnmɛwɛ wè, siɛn wiǐ fɔ̀n wi tɔ̀ni nī wèʔ.»

Matiye 20:7

«A pe 'wi yɛ: ‹Siɛn sì weli líɛ baara nīʔ.› «A wi sí pe yɛ: ‹Yeli míɛni bèle yeri waa baa mi siʔi mɛ́ gè.›

Matiye 25:17

Ŋìi wi cé taa tiɛ kpègele sirakeli (200) gèle, a wire míɛni sɛ́nì baara nɛ̀ kàli sirakeli taa nɛ̀ fàri ke nɛ̄.

Mariki 9:41

M'bé ki juu yeli mɛ́, a siɛn ŋíì 'luʔɔ kɛn yeli wàa mɛ́ a wi 'gbuɔ bɛ̀ yeli yē Kirisi wuulo bèle, kányiʔɛ nɛ̄, siɛn wiǐ sa fɔ̀n wi tɔ̀ni nī wèʔ.

Zezi Kirisi Kataanna Siɛnrɛ dè Zan juumɔ nɛ̄ bè 13:20

M'bé ki juu yeli mɛ́ kányiʔɛ nɛ̄, a siɛn ŋíì 'mi tundunwɔ cò wè cɛ̀ngɛ wè, mi siɛn wi 'cò cɛ̀ngɛ. A ŋìi sí mi cò cɛ̀ngɛ wè, Ŋàa wi 'mi tun wè, wire siɛn wi 'cò cɛ̀ngɛ.»

Kakpiʔiligele 10:31

A wi 'jo: ‹Kɔrinɛyi, muɔ náarigɛ ki nyɛ́nì cò, nɛ̀ pínɛ Kulocɛliɛ wi 'sɔ̀ngi nɛ̀ taa nɛ́ muɔ kpuʔɔrɔ ní dè, dàa muɔ nɛ kanʔa fuunmɔfɔlilɔ mɛ́ bèle.

Kakpiʔiligele 10:4

A Kɔrinɛyi wi 'yiʔɛ le gè wi nī nɛ̀ wi wéli, fíɛrɛ ní dè wi nī, nɛ́ wi yɛ: «Ma 'jo gáa, mi kàfɔli ?» A nyìʔɛnɛ tundunwɔ wi 'wi yɛ: «Kulocɛliɛ wi 'sɔ̀ngi nɛ̀ taa nɛ́ muɔ náariyɛ ní yè, nɛ́ muɔ kpuʔɔrɔ ní dè dàa muɔ sî nɛ kanʔa fuunmɔfɔlilɔ mɛ́ bèle.

Kakpiʔiligele 11:29

A pìtɛnmɛnɛ pe sí bìɛ ki nɛ̄ nɛ̀ jo dí a ŋìi 'gìi taa wi- ki kɛn, pe- ki tórigo Zude tɛ́nimɛ tɛ́ngɛfɔlilɔ mɛ́ bèle bè pe sáʔa.

Wurɔmiyé 12:13

Yeli tɛ́ngɛfɔnyɛninɛ bèle, a wàa màakuu yē yakaa nɛ̄, ye- wi kɛn. Ye- puu nɛ́ nabɔndirige funyɔ ní kpuʔɔ.

Korɛntiyé 2 9:1

Píra ŋáà nī wè, gìi ki kpuʔɔrɔ wori kúɔ dè, dàa ti 'yɛli bè tórigo Kulocɛliɛ wuulo mɛ́ bèle, mi 'ki nyaa nyùgo ní wè ki nɛ̄ʔ mi ní de yakaa nyu yeli mɛ́ tire nɛ̄ dèʔ.

Galasiyé 5:13

Yeli bèle, mi siinyɛninɛ, Kulocɛliɛ wi 'yeli líɛ ye- puu yìyemɛ wī; ye fǎga sí ki yaʔa bɛ̀ yeli yē yìye mɛ́ bèle, kire 'kpíʔile kaala dí yeli de céri kanɛdanʔana kúuʔ. Gìi ki 'pɔ́ri gè, yeri màama kúu yìye mɛ́ yeli dɛ́nigɛ kire kɛnmɛ nɛ̄ bè.

Galasiyé 5:6

Ki 'nyaa a siɛn yē Zezi Kirisi nī wè, ma kɛnɛkɛnɛ yo, miɛ̀ nɛ́ kɛnɛkɛnɛ yoʔ, kire kàa wuʔu sì kpúʔɔʔ. Gìi wuʔu ki 'kpúʔɔ gè, ma puu nɛ́ tɛ́ngɛlɛ ní, tɛ́ngɛlɛ náà ni nyɛ́ni ki tìí siɛnnɛ pe 'muɔ dɛ́ni wè, muɔ kakpiʔiligele nī gèle.

Galasiyé 6:10

Kire nɛ̄, bɛ̀ ki larigɛ yē we nɛ̄ bèle, ye- puu weri kacɛ̀ngɛ kpínʔini siɛnnɛ pe mìɛni nɛ̄. We cɛri kacɛ̀ngɛ kpínʔini gè kpuʔɔ we siinyɛninɛ tɛ́ngɛfɔlilɔ nɛ̄ bèle.

Fànʔa Kajuʔulo 32:4

Yewe, wiī kàdɛnigbaala, wi yē weli nyúmɔ; wi baara ti tìí yɛligɛ, wi kakpiʔiligele ke mìɛni 'sín. Kulocɛliɛ wiī sìɛnwɛ, kolimɔ fùn; wire wi 'sín, nɛ́ ní kányiʔɛfɔli wè.

Kolɔsiyé 3:17

A yeli nɛ kaala ó kaala kúu, nyasiɛnrɛ dī yo, kakpiʔilile nī yo, yeri ni kpínʔini Kàfɔli Zezi wire kɛnmɛ nɛ̄, ye kpuʔɔrɔ taʔa weli Tuu Kulocɛliɛ nɛ̄ wè nɛ́ Zezi wire míʔɛ ní gè.

Tesalonikiyé 1 1:3

Tɛ́ngɛlɛ kakpiʔiligele gálì yeli nɛ kúu gèle, nɛ́ baara dáà yeli 'kúɔ dɛ́nigɛ kɛnmɛ nɛ̄ bè, nɛ̀ pínɛ bɛ̀ yeli 'lèbaanna le nɛ̀ yeli sɔ̀ngirɔ taʔa dè kpuʔɔ Kàfɔli Zezi Kirisi nɛ̄ wè, weli nɛ sɔ̀ngí nɛ tari nɛ́ kire gáà ki mìɛni ní gè lɛ̀lɛ ó lɛ̀lɛ weli Tuu Kulocɛliɛ yiʔɛ mɛ́ gè.

Timote 1 6:18

Peri kacɛ̀ngɛ kpínʔini, pe- puu lɔrifɔlilɔ kakpiʔilijɛ̀ngɛlɛ kɔli mɛ́ gè, peri tàán, peri siɛnnɛ kanʔa bèle.

Timote 2 4:8

Gàa ki 'kò m'mɛ́ gè, kire gī kàsɛnigɛ ki tɔ̀ni wè, gàa Kàfɔli wi 'tɛ́ngɛ m'mɛ́ gè, kpuʔɔrɔ ndɔ̀ngɔ gáà gī sínnɛ wuʔu gè. Wire ŋáà wi kàyuʔu nyu gè nɛ síngi wè, wire wi bé ki kɛn m'mɛ́ kire cɛngɛ gè, kiì sí nyaa majo mi yákuɔ wīʔ; bàli pe mìɛni bīɛlɛ Kirisi wi pɛn woli ni 'kpúʔɔ pe mɛ́ wè.

Eburulo 10:32

Ye- sɔ̀ngi ye taa kɛnmɛ bíì nɛ̄ ki yé puu yeli mɛ́ ki sélimɛ nɛ̄ bè, bà yeli yé Kulocɛliɛ kpìɛnmɛ taa bè, a yeli sɔ́migɔ nɛ̀ yéri cáanra nɛ̄ dè dàa ti 'kpúʔɔ dè, nɛ́ wuʔɔniʔɛyɛ taa yè.

Eburulo 13:16

Ye fǎga fìʔɛ bèri kacɛ̀ngɛ kpínʔiniʔ, bé míɛni de ki liile gàa yeli nɛ taʔa gè. Nɛ́ ki cɛ́n kire kakuɔrɔ yakɔnrɔ dè, ti nyɛ́nì Kulocɛliɛ dɛ́ni.

Zan 1 1:9

Nɛ̀ ki yaʔa a weli 'weli kapiʔile juu gèle nɛ̀ tìɛ wi nɛ̄ wè, wi yē tɛ́ngɛmɛ siɛn nɛ́ ní sínwɛ bè weli kapiʔile láʔa gèle bè weli cìile weli kolimɔ pi mìɛni nɛ̄.