Eburulo 6:1 - Sénoufo Nyarafolo

¹ Kire nɛ̄ weri liʔi weri waa yiʔɛmɛ tɛ́ngɛlɛ nī lè sɛ́ni we- kò weri kanugulo nyu gèle súuri gàli gīɛlɛ tɛ́ngɛlɛ sélimɛ wuʔulo gèle, Kirisi wuʔu nɛ̄ gè. Weli sǐ ní séli de nyu kire kele nɛ̄ gèleʔ, kire 'jo: bè kàduʔu wáa tɔ̀nifun kapiikpiʔigele mɛ́ gèle, nɛ́ míɛni bè tɛ́ngɛ Kulocɛliɛ nɛ̄ wè.

Eburulo 6:1 Iomraidhean Croise

Matiye 21:29

«A jaafɔli wi 'jo wire sǐ kɛ́ baaʔ; kàduʔumɛ a ki kɛ́nì wi biɛn, a wi 'líɛ nɛ̀ kɛ́ tunduro mɛ́ dè.

Matiye 21:32

Nɛ̀ taʔa gíi nɛ̄, Zan wi 'pɛn yeli mɛ́ nɛ ní siɛnsinwɛ Kulocɛliɛ yiʔɛ mɛ́; kire nɛ́ ki mìɛni, yeli sì tɛ́ngɛ wi siɛnrɛ nɛ̄ dèʔ, a lanbosuɔlɔ nɛ́ nàjaacɛlilɛ pe bèli nɛ̀ tɛ́ngɛ wi nɛ̄. Yeli nyɛ́nì wi nyaa, kire nɛ́ ki mìɛni yeli funyɔ yiì yeli túnʔ a yeli 'tɛ́ngɛ wi nɛ̄ʔ.»

Matiye 3:2

Wi 'puu nɛ ki nyu nɛ́ jo: «Ye- yiʔɛ yeli funyɔ nī yè, nɛ̀ taʔa gíi nɛ̄, Nyìʔɛnɛ Kùlofɔligɔ ki 'sìʔɛrɛ nɛ̀ kpɔni we nɛ̄.»

Matiye 4:17

Kire lɛ̀lɛ nī lè a Zezi wi séli nɛ Kulocɛliɛ siɛnrɛ jáari dè nɛ́ jo: «Ye- yiʔɛ yeli funyɔ nī yè, nɛ̀ taʔa gíi nɛ̄, Nyìʔɛnɛ Kùlofɔligɔ ki 'sìʔɛrɛ nɛ̀ kpɔni yeli nɛ̄.»

Matiye 5:48

Yeli bèle, ye- puu tiɛlɛ fùn bɛ̀ yeli Tuu tíɛlɛ wè ŋàa wī baa nyìʔɛnɛ nī lè, mɛni wiī tiɛlɛ fùn wè.»

Matiye 7:25

A kàsaʔa ki 'tuu, a luɔyɔ yi 'fúu nɛ̀ pɛn, a káfaligɛ ki 'wáa, a ti pɛ́nì tìi pínɛ saʔa gáà nɛ̄ gè; kire nɛ́ ki míɛni kiì tuuʔ, bɛ̀ ki 'nyaa pe yé saʔa ki kàkpuɔn túgu wè sìndɛnigɛ nɛ̄ gè.

Mariki 1:1

Kulocɛliɛ Jaa wè Zezi Kirisi wè, wi Kataanna Siɛnrɛ ti sélidiʔɛ n'gɛ.

Mariki 6:12

A pìtɛnmɛnɛ pe 'kɛ́ nɛ̀ sɛ́ni Kulocɛliɛ siɛnrɛ jáari dè nɛ mári siɛnnɛ mɛ́ bèle, níɛ ki nyu nɛ́ jo ki 'yɛli pe- pe funyɔ yiʔɛ yè, pé tɛ́ngɛ Kulocɛliɛ nɛ̄.

Luku 6:48

Ki siɛn wiī siɛn wáà tíɛlɛ wi 'tuu nɛ saʔa faanri, a wi 'saʔa kàkpuɔn túgu wè nɛ̀ cùugo nɛ̀ sɛ́nì nɔ̀ sìndɛnigɛ nɛ̄. A kàsakpuʔɔ káà kɛ́nì tuu, a lakoligo ki 'fúu nɛ̀ kɛ́ saʔa gáà mɛ́ gè, kiì jáa nɛ̀ ki ŋɔrigɔ nɛ̀ cáanʔ, bɛ̀ ki 'nyaa saʔa ki cé sɔ́migɔ nɛ̀ faan gè.

Zezi Kirisi Kataanna Siɛnrɛ dè Zan juumɔ nɛ̄ bè 12:44

A Zezi wi sí juu kpuʔɔ nɛ́ jo: «Siɛn ŋíì wi 'tɛ́ngɛ mi nɛ̄ wè, mi nɛ̄ bɛ̀ʔ wi 'tɛ́ngɛʔ; ŋàa wi 'mi tun wè, wire nɛ̄ siɛn wi 'tɛ́ngɛ.

Zezi Kirisi Kataanna Siɛnrɛ dè Zan juumɔ nɛ̄ bè 14:1

A Zezi wi 'jo: «Ye fǎga yeli funyɔ yaʔa yè yi de curuguʔ. Ye- tɛ́ngɛ Kulocɛliɛ nɛ̄ wè, ye míɛni ye tɛ́ngɛ mi nɛ̄.

Zezi Kirisi Kataanna Siɛnrɛ dè Zan juumɔ nɛ̄ bè 5:24

M'bé ki juu yeli mɛ́ kányiʔɛ nɛ̄, siɛn ŋíì wi nyɛ́ni mi siɛnrɛ lúru dè nɛ́ tɛ́ngɛ ŋàa nɛ̄ wi 'mi tun wè, ki siɛn wi 'bànguɔ sìi taa wè. Kàyuʔu sì je sa juu wi nɛ̄ʔ, ki 'nyaa kire siɛn wi 'yiri kùu nī wè, nɛ̀ jíin sìi nī wè wī.

Kakpiʔiligele 11:18

Bà pe 'siɛnrɛ dáà lúʔu dè a siɛnrɛ ti 'kúɔ pe nyuɔyɔ nī yè, a pe 'yɛ̀ nɛ kpuʔɔrɔ tari Kulocɛliɛ nɛ̄ wè níɛ wáa: «ʔé, bɛ̀ ki yē lé, Kulocɛliɛ wi 'ki kpíʔile nɛ̀ pínɛ a kùlogolo kálì siɛnnɛ pe 'pe funyɔ yiʔɛ yè nɛ̀ jíin bànguɔ sìi koligo nī gè lé !»

Kakpiʔiligele 17:30

Ki sí n'gɛ, Kulocɛliɛ wiì siɛnnɛ pe katiire tɔ́ri dèʔ, dàa ti 'tóri faʔa gèʔ. Píra ŋáà nī wè wiī nɛ ki nyu nɛ gbɛ̀ngí nɛ́ jo siɛnnɛ pe mìɛni bèle, tiʔɛ ó tiʔɛ nī, pe- pe funyɔ yiʔɛ yè pé láʔa pe kapiʔile nɛ̄ gèle.

Kakpiʔiligele 2:38

A Piɛri wi sí pe yɛ: «Ye- yeli funyɔ yiʔɛ yè yé láʔa yeli kapiʔile nɛ̄ gèle, yé sí pa batɛmi kpíʔile wè ye mìɛni nigbe nigbe bèle Zezi Kirisi míʔɛ nɛ̄ gè, bà Kulocɛliɛ wi bé yeli kapiʔile kàsulugo suɔ gè. Bà yeli bé Kulocɛliɛ Pìle taa lè kpuʔɔrɔ.

Kakpiʔiligele 20:21

Mi 'puu nɛ ki nyu nɛ yigi Zuufulo mɛ́ bèle nɛ́ Girɛkilɛ ní bèle, nɛ́ pe yɛ pe- pe funyɔ yiʔɛ yè pe taʔa Kulocɛliɛ nɛ̄ wè, pé tɛ́ngɛ Kàfɔli Zezi nɛ̄ wè.

Kakpiʔiligele 26:20

A mi sí ki séli gbínʔɛnɛ Damasi kàʔa nī, nɛ̀ sɛ́nì fali Zerizalɛmi kàʔa mɛ́, nɛ́ Zude tɛ́nimɛ tiɛrɛ ti mìɛni ní dè, nɛ̀ sɛ́nì fali kùlogolo kálì mɛ́. Mi 'puu nɛ ki nyu siɛnnɛ mɛ́ bèle dí pe- pe funyɔ yiʔɛ yè pé láʔa pe kapiʔile nɛ̄ gèle, pe- taʔa Kulocɛliɛ nɛ̄, péri kakpiʔiligele kúu, kakpiʔiligele gílì ke bé ki tìɛ dí pe nyɛ́nì làa yiʔɛ pe funyɔ nī yè.

Kakpiʔiligele 3:19

Kire nɛ̄, ye- yeli funyɔ yiʔɛ yè yé láʔa yeli kapiʔile nɛ̄ gèle, yé sí koli ye pɛn Kulocɛliɛ mɛ́ wè, bà wi bé yeli kapiʔile láʔa gèle yeli nɛ̄.

Korɛntiyé 1 13:10

Nɛ̀ sí ki taa gìi ki 'nyuɔ nɛ̀ fori gè, a kire kɛ́nì nɔ̀ gè, dàa we 'paʔa nɛ̀ cɛ́n dè, tire bé tɔ́n.

Korɛntiyé 1 2:6

Nɛ̀ sí ki taa bìli pe 'liɛ nɛ̀ láʔa tɛ́ngɛlɛ nī lè, weli nɛ nyu nɛ́ peli ní sícilimɛ siɛnrɛ nī, duniya ŋáà wi sícilimɛ pire bɛ̀ʔ, duniya ŋáà wi kàfɔlilɔ sícilimɛ bɛ̀ʔ nɛ̀ pínɛʔ peli bálì pe waa cúʔɔgoligo nī gèʔ.

Korɛntiyé 2 7:1

Mi siinyɛninɛ, yeli bálì ye mi dɛ́ni bèle, bɛ̀ kire nyafɛnigɛ ki siɛnrɛ dáà ti sí juu weli mɛ́ dè, ye tí we- wìye cìile we céri fuɔnrɔ ti mìɛni láʔa dè nɛ́ dìi dī pìle wori dè, we- ti láʔa wìye nɛ̄, wé sí wìye wàli we tɛ́ngɛ we láʔa, we- Kulocɛliɛ fíɛrɛ yaʔa ti- puu weli nī.

Korɛntiyé 2 7:10

Nɛ́ ki cɛ́n funbiɛnrɛ dáà ti 'yɛ̀ Kulocɛliɛ mɛ́ wè, tire yē nɛ baara nɛ siɛn fungo yiʔi wī, dí wi sí suɔlɔ taa lè; siɛn wi fǎri ki yáaʔ. Nɛ̀ sí ki taa funbiɛnrɛ díì ti sî puu siɛn nī duniya wire kɛnmɛ nɛ̄ bè, kire funbiɛnrɛ tiī nɛ báan nɛ́ kùu ní wī.

Efɛziyé 2:1

Ki 'nyaa yeli 'puu kúbilo yeli kakolido nɛ́ yeli kapiʔile kiyɛ nī yè wī.

Efɛziyé 2:5

Kire nɛ̄, bɛ̀ ki 'nyaa weli cé puu kúbilo weli kakolido ti kɛnmɛ nɛ̄ bè, a wi 'weli kpíʔile a weli 'wúɔ nɛ̀ kò sìi nɛ̄ nɛ́ Kirisi ní wè. Kulocɛliɛ kpuʔɔrɔ tire ti 'tí a yeli 'suɔ.

Efɛziyé 4:12

Wi 'kire gáà kpíʔile gè gìi ki bé tí pe- Kulocɛliɛ wuulo gbòbori bèle pe yaʔa Kulocɛliɛ baara ti kɛnmɛ nɛ̄ bè, dí Kirisi wi cetinnɛ ni sí ŋɔri taa,

Kolɔsiyé 1:28

Wire wori tire weli nɛ nyu nɛ ti jàarí, níɛ nyu nɛ siɛnnɛ pe mìɛni yɛrigi bèle, nɛ pe mìɛni tɛnmɛ nɛ́ sícilimɛ felibe pi mìɛni ní, gìi ki bé tí siɛn ó siɛn wi- liɛ wi láʔa Kirisi nī wè.

Kolɔsiyé 3:14

Kire gáà ki mìɛni nī gè, ye- dɛ́nigɛ yaʔa ki- puu kele ke mìɛni nī, kire gī bìɛni wi mìɛni tiibe bè.

Kolɔsiyé 4:12

Epafirasi wè yeli wuu wè, wiī nɛ yeli síɛri, Zezi Kirisi wi baakuɔwɔ wáà wī. Wi 'lèbaanna le nɛ náari súuri yeli mɛ́, gìi ki bé tí ye- liɛ ye láʔa, yé sí nyuɔ ye láʔa Kulocɛliɛ nyɛ́ni kele ke mìɛni nī gèle.

Timote 1 3:16

ʔaan, káaliyɛ wè ti nīʔ, weli tɛ́ngɛlɛ ni kalarilɛ ni 'kpúʔɔ, nàa nī tɛ́ngɛlɛ ni nyùgo gè: Wi nyɛ́nì wìi tìɛ siɛn céri nī, a Kulocɛliɛ Pìle ni 'ki juu nɛ̀ láʔa nɛ́ jo wi 'sín, a nyìʔɛnɛ tundunminɔ pe 'wi nyaa. A siɛnnɛ pe 'wi wuʔu jáari gè kùlogolo siɛnnɛ mɛ́ bèle, a siɛnniʔɛnɛ 'tɛ́ngɛ wi nɛ̄ duniya nī wè, a Kulocɛliɛ wi 'wi yɛ̀gɛ wi kpuɔmɔ nī bè.

Timote 1 6:19

A kire 'kpíʔile gè, pe bé lɔriniʔɛrɛ gbuʔulo pìye yiʔɛ mɛ́ nyìʔɛnɛ nī lè, gìi ki bé tí pe- kányiʔɛ sìi taa wè, mbànʔa ŋáà wi báan wè.

Timote 2 2:19

Nɛ̀ sí ki yaʔa, kàkpuɔn ŋáà Kulocɛliɛ sɔ́migɔ nɛ̀ tɛ́ngɛ wè, wiī baa lìriwe súuri, a siɛnrɛ ti 'sɛbɛ wi nɛ̄ nɛ̀ kò fìɛ nɛ́ jo: Kàfɔli wi 'pe cɛ́n bàli bīɛlɛ wire wuulo bèle. A ki sí ń'nɛ̀ jo: Ŋàa wi 'jo wire yē Kàfɔli wuu wè, ki 'yɛli wi de líili kapiʔi nɛ̄ gè.

Eburulo 11:6

A tɛ́ngɛlɛ sí wè siɛn ŋíì mɛ́ wèʔ, Kulocɛliɛ sǐ gbɛ̀ fɔ̀li wi nɛ̄ʔ. A siɛn je sìʔɛrɛ bè kpɔni Kulocɛliɛ nɛ̄ wè, wi 'yɛli bè tɛ́ngɛ ki nɛ̄ Kulocɛliɛ wiī baa, dí wiī nɛ tɔ̀ni kanʔa wi caavɔlilɔ mɛ́ bèle.

Eburulo 12:13

Ye- yeli tɔliyɔ yaʔa yè yi- koziɛnyɛ líɛ yè, kire ga buu tɔligɔ gáà ki sìʔí gè ki fǎga ní kùru bè kɛ́ yiʔɛmɛʔ, dí ki sí puʔɔ bè puu nɛ́ ŋɔri ní.

Eburulo 7:11

Leviiyé kacuɔnrigɔlɔ keli ke 'puu Misa Fànʔa Siɛnrɛ nyùgo gè, dàa Isirayɛli siɛnnɛ pe yé taa dè. Nɛ̀ sí ki yaʔa, a Leviiyé kacuɔnrilɔ pe yé jáa nɛ̀ ki nyuɔ nɛ̀ fori gè gàa ki 'yɛli bè kpíʔile gè, nyùgo sí cî ní puu ki nɛ̄ Kulocɛliɛ ní kacuɔnriwɔ wáà yige Mɛlikisedɛki felige gè, bé sí Arawɔn tùlugo yaʔa gè.

Eburulo 9:14

Nɛ̀ ki yaʔa bànguɔ Kulocɛliɛ Pìle kɛnmɛ nɛ̄ bè, a Kirisi wi 'wìi tíimɛ kɛn tiɛlɛfun kakuɔrɔ Kulocɛliɛ mɛ́. Bà ki yē, Kirisi sìsiɛn ki sí yē nɛ́ ŋɔri ní bè weli funyɔ cìile yè tɔ̀nifun kapiigbiʔiligele nɛ̄ gèle, kire ga buu weli gbɛ̀ri Kulocɛliɛ wewiiwe gbùʔɔrilɔ baara kúu dè.

Zaki 1:4

Ki sí yɛli yeli- lèbaanna le fúɔ bè sa nɔ̀ láʔala nɛ̄ lè, dí yeli sí nyuɔ bè fori bé sí puu tiɛlɛfun kele ke mìɛni nī; a kire 'kpíʔile gè, yakaa sǐ yeli laaʔ.

Piɛri 1 1:21

Kirisi wire wi 'ki yaʔa a yeli 'tɛ́ngɛ Kulocɛliɛ nɛ̄ wè, wire ŋáà wi 'Kirisi nyɛ́ wè nɛ̀ yige kúbilo nī bèle nɛ́ kpuɔmɔ kɛn bè wi mɛ́ wè, kire ga buu yeri yeli tɛ́ngɛlɛ nɛ́ yeli sɔ̀ngirɔ tari dè Kulocɛliɛ nɛ̄ wè.

Piɛri 1 5:10

Bà yeli 'wuʔɔ lɛ̀lɛ láà cɛ̀ri nī wè, Kulocɛliɛ ŋáà wī kacɛ̀ngɛ ki mìɛni fɔ́li wè, wire ŋáà wi 'yeli yeri wi kúɔmɔfun kpuɔmɔ nī bè, bɛ̀ yeli yē pínɛnɛ nɛ́ Zezi Kirisi ní wè, wire tíimɛ wi bé yeli yɛ̀gɛ bè yérige, bè yeli cò, bè yeli kpíʔile ŋɔrifɔlilɔ, yeli sǐ gbɛ̀ tuuʔ.

Zan 1 4:12

Siɛn fìɛ Kulocɛliɛ nyaa wè púloʔ. Nɛ̀ sí ki yaʔa a weli 'wìye dɛ́ni wè, Kulocɛliɛ wiī kòriwo weli nī, á wi dɛ́nigɛ ki sɔ́migɔ nɛ̀ fori weli nī.