Eburulo 5:9 - Sénoufo Nyarafolo

⁹ Bɛ̀ sí wi yé sɔ́migɔ nɛ̀ gbòbori nɛ̀ tɛ́ngɛ wi baara nɛ̄ dè, a wi 'kò wire ŋáà wi bànguɔ suɔlɔ kanʔa lè bàli pe mìɛni mɛ́ pe lúru wi mɛ́ wè.

Eburulo 5:9 Iomraidhean Croise

Ŋúnuyɔ 45:17

Muɔ jaala pe bé tɛ́ni muɔ tuuliɛyɛ kácunʔɔ nɛ̄ gè; muɔ bé pe tɛ́ngɛ pe‑ puu siɛnkpolilo tiɛyɛ yi mìɛni nī kùlo nī lè.

Ŋúnuyɔ 51:6

Muɔ nɛ̄, muɔ nigbe nɛ̄, mi 'kapiile kpíʔile lè; gàa ki 'pii muɔ yiʔɛ mɛ́ gè, kire mi nyɛ́nì kpíʔile. Kire kɛnmɛ nɛ̄, muɔ yē sínwɛ muɔ siɛnrɛ nī dè, muɔ yē dìgire fùn a muɔ gbɛ́ni muɔ kàyuʔu juu gè.

Ŋúnuyɔ 51:8

Nɛ̀ ki yaʔa, kányiʔɛ nɛ̄, muɔ nɛ ki caa mi‑ puu funviige ní, muɔ nɛ mi tɛnmɛ nɛ́ sícilimɛ ní mi fungo laamɛ nī bè.

Matiye 17:5

Bà Piɛri wi nyu nɛ tíin wè, a kàsadibagɛ káà 'tìgi nɛ̀ pe tɔ́n, ki 'puu nɛ nyíʔɛnɛ. A pe 'juumɔ páà lúʔu baa kàsadibagɛ laamɛ nī bè, a pi 'jo: «Ŋàa wire wī mi Jaa wè, ŋàa wi 'mi dɛ́ni wè; wi woli ni 'tɔ̀ni nɛ̀ kpúʔɔ m'mɛ́. Yeri lúru wi nɛ̄ !»

Luku 13:32

A wi 'pe yɛ: «Yeri waa ye sa ti juu nyáʔapuun ŋáà mɛ́ wè, ye wi yɛ dí mi nɛ gbòdolilo cìrá bèle, nɛ̀ pínɛ m'bé yaala puʔɔ bèle pàngɛ gè nɛ́ mbànʔa ní wè; cɛndaanriwuʔu nɛ̄ gè m'bé kúɔ mi baara nɛ̄ dè.

Zezi Kirisi Kataanna Siɛnrɛ dè Zan juumɔ nɛ̄ bè 19:30

Bà Zezi wi 'ki suɔn gè, a wi 'jo: «Kele ke mìɛni 'fori !» Nɛ́ fali nɛ̀ nyùgo cùungu gè, nɛ̀ kùu.

Kakpiʔiligele 3:15

A kire 'ki kɛn a yeli 'sìi kɛnvɔli kpúu wè. Kulocɛliɛ wi 'wi nyɛ́ nɛ̀ yigɛ kúbilo nī bèle; weli 'bīɛlɛ ti cɛ́nfɔlilɔ bèle.

Kakpiʔiligele 4:12

«Ki 'nyaa suɔlɔ niǐ gbɛ̀ taa siɛn wáà mɛ́ wiiyɛʔ, nɛ̀ yiri Zezi wire nīʔ, nɛ̀ taʔa gíi nɛ̄, míʔɛ káà wè baa duniya nī wèʔ, bè jo Kulocɛliɛ wi 'ki kɛn siɛnnɛ mɛ́ bèle ki- gbɛ̀ weli suɔʔ.»

Kakpiʔiligele 5:32

Weli bèle weli sí yē kele gálì ke nyaafɔlilɔ, weli nɛ́ Kulocɛliɛ Pìle ní lè, nàa Kulocɛliɛ wi 'kɛn tɛ́ngɛfɔlilɔ mɛ́ bèle, bàli pe nyɛ́ni lúru wi nɛ̄ bèle.»

Wurɔmiyé 1:5

Wire nyúmɔ nī weli 'ki kpuʔɔrɔ taa dè weli bèle, nɛ ní tundunminɔ bèle, gìi ki bé tí weli gbɛ̀ kùlogolo siɛnfeliye yi mìɛni kɔ́ri pe- tɛ́ngɛ Zezi Kirisi nɛ̄ wè, pé sí de lúru wi nɛ̄, dí kpuʔɔrɔ sí taʔa wi míʔɛ nɛ̄ gè.

Wurɔmiyé 10:16

Nɛ̀ sí ki taa pe mìɛni sì fɔ̀li nɛ̀ yéri Kataanna Siɛnrɛ ti wori nɛ̄ dèʔ. Tire sí Ezayi cé juu dè, nɛ́ jo: Kàfɔli, ŋáasiɛn wi kɛ́nì tɛ́ngɛ weli kajuulo ni siɛnrɛ nɛ̄ dè  ?

Wurɔmiyé 15:18

Kiì kún mi nīʔ mi de yakaa kiiyɛ nyu, nɛ̀ yiri gìi m'bé gbɛ̀ kpíʔile Kirisi wire fànʔa nɛ̄ gè, bè kùlogolo kálì siɛnnɛ kɛn bèle peri lúru Kulocɛliɛ nɛ̄ wè, Kire 'kpíʔile nɛ́ mi siɛnjuuro ní dè, nɛ́ mi kakpiʔiligele ní gèle.

Wurɔmiyé 2:8

Bìli sí bīɛlɛ siɛnciile bèle, nɛ́ kò pe wè yèrí kányiʔɛ nɛ̄ gèʔ, nɛ́ kò nɛ tári kolimɔ nī bè, Kulocɛliɛ fundanʔanigɛ gè nɛ́ wi funyɛrigɛ kiī pe kúrugu.

Wurɔmiyé 6:17

Ye- puu weri kpuʔɔrɔ tari Kulocɛliɛ nɛ̄, nɛ̀ taʔa gíi nɛ̄, yeli 'puu sùkulolo kapiile ni kiyɛ nī yè, nɛ̀ sí ki taa píra ŋáà nī wè, yeli nyɛ́nì yéri nɛ̀ lúʔu nɛ́ yeli fungo ki mìɛni ní tɛnmɛnɛ náà yeli 'taa lè.

Korɛntiyé 2 10:5

Nɛ̀ pínɛ nàgbuʔɔrɔ sɔ̀ngirɔ dáà ti mìɛni tiì Kulocɛliɛ cɛ́n wèʔ, weli nɛ̂ ti mìɛni cúʔɔ. Weli nɛ̂ sɔ̀ngirɔ felide ti mìɛni yiʔɛ, siɛn wi nɛ̂ fulɔ nɛ̂ yéri Kirisi wori nɛ̄ dè.

Filipiyé 2:12

Kire nɛ̄, nɛ siinyɛninɛ yeli bálì ye 'mi dɛ́ni bèle, bɛ̀ yeli yē ngbóluʔulofɔlilɔ súuri wè, kiì sí nyaa a mi gbɛ̀nɛ yē baa wè kire lɛ̀lɛ yákuɔ nī wèʔ, píra ŋáà nī wè, ye cɛri ki kpínʔini kpuʔɔ de tòrí bà mi wè baa wèʔ. Yeri baara yeri suɔlɔ wuʔu tìí gè nɛ́ fíɛrɛ ní, yeri fún de yàʔará.

Tesalonikiyé 2 1:8

Wi bága de báan kàsunnyige nī; bìli piyè Kulocɛliɛ cɛ́n wèʔ, nɛ́ bìli pe 'cíi pe wè lúru we Kàfɔli Zezi wi Kataanna Siɛnrɛ mɛ́ dèʔ, wi bé pa wi fuʔɔ tɔ́n gè pe mɛ́.

Tesalonikiyé 2 2:16

Weli Kàfɔli Zezi Kirisi wire tíimɛ wè, nɛ́ weli Tuu Kulocɛliɛ ní wè, wire ŋáà wī weli woli ni 'wi dɛ́ni wè, nɛ̀ pínɛ wi 'nàzorido nyɔ́gɔ weli nī bànguɔ wori dè, nɛ́ sɔ̀ngirɔ taʔadiʔɛ cɛ̀ngɛ kɛn weli mɛ́ wi kpuʔɔrɔ tire kɛnmɛ nɛ̄ bè,

Timote 2 2:10

Kire kɛnmɛ nɛ̄ mi nɛ kele ke mìɛni kpàrí nɛ cògí bàli kɛnmɛ nɛ̄ Kulocɛliɛ 'nyíɛnɛ nɛ̀ kɔ̀n wè, kire ga buu pe- suɔlɔ taa lè nàa ni 'kɔ́n Zezi Kirisi mɛ́ wè. Bɛ̀ ki yē gè pe bé bànguɔ kpuɔmɔ taa bè míɛni.

Eburulo 1:14

Báli bīɛlɛ nyìʔɛnɛ tundunminɔ bèle ? Nyìʔɛnɛ tundunminɔ piyē pígele, Kulocɛliɛ baakuɔlɔ bīɛlɛ. Kulocɛliɛ 'pe tun pe- siɛnnɛ sáʔa bèle bàli pe bé suɔlɔ taa lè kɔrigɔ gè.

Eburulo 11:40

Gìi sí gī baa gè, Kulocɛliɛ yé ki gbòbori nɛ̀ yaʔa weli mɛ́ yacɛ̀ngɛ gáà ki 'nyuɔ nɛ̀ tóri gè, kire ga buu peli nɛ́ weli ní bèle, we sa pínɛ we- nyuɔ bè fori.

Eburulo 11:8

Tɛ́ngɛlɛ kɛnmɛ nɛ̄ bè, a Birayima|Birayima|Birayima 'lúʔu Kulocɛliɛ mɛ́ bà wi 'wi yeri wè nɛ́ wi yɛ wiri waa kùlo láà mɛ́ nàa wire bé kɛn wi mɛ́ kɔrigɔ gè. A wi sí kɛ́, nɛ̀ ki yaʔa wiì cɛ́nì ki cɛ́n sé wi 'puu nɛ waaʔ.

Eburulo 12:2

We- weli yiʔɛ le gè Zezi nī, ŋàa wi 'tɛ́ngɛlɛ koligo múgu gè níɛ ni forigi lè. Wi nyɛ́nì fɔ̀li ki nɛ̄ nɛ̀ kùu tiiparigɛ nɛ̄ gè; wiì tɔ́ri nɛ́ fìɛrɛ ní dè dàa ti cî ga tɔ́n wi nɛ̄ wèʔ, kùu ŋáà felige nɛ̄ wèʔ. Nɛ́ ki cɛ́n wi cé ki nyaa fundaanra dáà dī wire yiʔɛ mɛ́ gè; píra ŋáà nī wè wiī tɛ́niwɛ Kulocɛliɛ kácunʔɔ kàliige mɛ́ gè.

Eburulo 2:10

Kulocɛliɛ ŋáà wi 'yɛrɛ ti mìɛni faan dè nɛ́ ti cò nɛ̀ yérige dè, wi 'puu nɛ caa bè pìile kɔ́ri nìʔɛnɛ pe- pe liʔɛlɛ taa wi kpuɔmɔ nī bè. A kire ki 'kɛn a wi 'Zezi kpíʔile wè a wi 'nyuɔ nɛ̀ fori wi wuʔɔyɔ kɛnmɛ nɛ̄ bè, wire ŋáà wi 'suɔlɔ koligo múgu gè pe mɛ́ wè.

Eburulo 2:3

mɛni sí weli bága suɔ bè síɛ ki kapiile tɔ̀ni ŋáà mɛ́ wè, a weli nɛ sàliyɛ nyɔ́gi suɔgbuɔlɔ siɛnrɛ dáà nī dè ? Kàfɔli wire wi cé kíni nɛ̀ ki siɛnrɛ dáà juu dè; bàli pe 'ti lúʔu dè, a pe 'tire ti mìɛni 'juu nɛ̀ láʔa weli mɛ́ kányiʔɛ nɛ̄.

Eburulo 9:12

Wi tíimɛ sìsiɛn ní wi 'jíin kányiʔɛ tiɛcɛ̀njɛngɛ wàlidɛngɛgɛ nī gè, tɔligɔ nigbe péʔ ! Síkapɛngɛlɛ nɛ́ nɛ̀naaya sìsiɛn ní bɛ̀ʔ wi 'jíinʔ ! Bɛ̀ sí ki 'kpíʔile a weli 'bànguɔ suɔlɔ taa lè.

Eburulo 9:15

Ki sí n'gɛ wire wī kàsuluwo wè, nyakungɛngɛ fɔngɔ wuu wè, kire ga buu bàli Kulocɛliɛ 'yeri bèle, pe- bànguɔ kɔrigɔ taa gè gàa nyuɔ wi yé fɛ̀ni gè. Nɛ́ ki cɛ́n wi kùu wi nyɛ́nì kpíʔile bè weli kapiʔile fuʔɔ tɔ́n gè bé sí siɛnnɛ suɔ bèle pe kacuʔɔgɔlɔ mɛ́ gèle, gàli pe yé kpíʔile gèle nyakungɛngɛ liʔɛ lɛ̀lɛ nī lè.

Eburulo 9:28

bɛ̀ míɛni Kirisi wi 'wìi kɛn kakuɔrɔ tɔligɔ nigbe péʔ bè siɛnniʔɛmɛ kapiʔile láʔala gèle. Wi bé ní ga koli bɛn cígini taziinwuʔu nɛ̄ gè; kire sí wè bè kapiʔile láʔala gèle wī díɛʔ ! Kire bé puu bè suɔlɔ kɛn lè bàli mɛ́ piyē nɛ wi siri wè.

Piɛri 1 1:22

Yeli nyɛ́nì yeli funyɔ cìile yè bà yeli 'kányiʔɛ siɛnrɛ lúʔu dè, kire ga buu ye- yìye sɔ́migɔ yè dɛ́ni kányiʔɛ ní, bɛ̀ yeli yē tɛ́ngɛfɔlilɔ narigɛ gè. Kire nɛ̄ ye mìɛni nigbe nigbe ye- yìye dɛ́ni kpuʔɔ, nɛ́ yeli funjiiliye yi mìɛni ní.

Zan 1 5:20

Weli nyɛ́nì ki cɛ́n míɛni, Kulocɛliɛ Jaa wi pɛ́nì sícilimɛ kɛn bè weli mɛ́, kire ga buu weli- gbɛ̀ kányiʔɛ Kulocɛliɛ cɛ́n wè. Weli sí yē pínɛnɛ nɛ́ wi ní ŋàa wi yē kányiʔɛ Kulocɛliɛ wè, bɛ̀ weli yē pínɛnɛ nɛ́ wi Jaa Zezi Kirisi ní wè. Zezi wire yē kányiʔɛ Kulocɛliɛ, wire wī bànguɔ sìi wè.

Zudi 1:21

Ye- kò Kulocɛliɛ dɛ́nigɛ nī gè, bà yeli nɛ ki siri weli Kàfɔli Zezi Kirisi wi- bànguɔ sìi kɛn wè yeli mɛ́ wi nyinimɛ kɛnmɛ nɛ̄ bè.