Eburulo 5:5 - Sénoufo Nyarafolo

⁵ Bɛ̀ sí ki yē míɛni Kulocɛliɛ Siɛnnyiɛnɛgɔnwɔ wè, Kirisi wè; wiì kacuɔnrilɔ kàfɔli kpuʔɔrɔ líɛ dè nɛ̀ taʔa wìi nɛ̄ wīʔ. Kulocɛliɛ tíimɛ wi 'wi tɛ́ngɛ ki baara nɛ̄ dè, nɛ́ ki juu wi mɛ́ nɛ́ jo: Muɔ yē mi jaa; pàngɛ gè mi wī mi nyɛ́nì muɔ sii .

Eburulo 5:5 Iomraidhean Croise

Ŋúnuyɔ 2:7

Mi wè, kùlofɔli wè, m'bé fànʔa kaala jáari lè: «A Yewe 'mi yɛ: ‹Muɔ yē mi jaa; pàngɛ gè, mi wī mi nyɛ́nì muɔ sii.

Zezi Kirisi Kataanna Siɛnrɛ dè Zan juumɔ nɛ̄ bè 3:16

«Ki 'nyaa duniya siɛnnɛ pe woli ni 'kpúʔɔ Kulocɛliɛ mɛ́ wè, fúɔ a Kulocɛliɛ wi 'wi Jaa nigbiiwe kɛn wè, gìi ki bé tí a siɛn ó siɛn 'tɛ́ngɛ wi nɛ̄ wè, siɛn wi woli ni fǎga cúʔɔʔ, siɛn wi- bànguɔ sìi taa wè.

Zezi Kirisi Kataanna Siɛnrɛ dè Zan juumɔ nɛ̄ bè 7:18

Siɛn ó siɛn wi nyɛ́ni wìi tíimɛ wori nyu dè, ki siɛn wè, míɛcaawa wī. Siɛn ŋíì sí wi nyɛ́ni ki caa wire tunvɔli wi- míʔɛ taa wè, kire siɛn wè, kányiʔɛ yē wi mɛ́, nɛ̀ pínɛ kolimɔ wè kire siɛn nī wèʔ.

Zezi Kirisi Kataanna Siɛnrɛ dè Zan juumɔ nɛ̄ bè 8:54

A Zezi wi 'siɛnnugoro kɛn pe mɛ́ nɛ́ pe yɛ: «A ki yē mi nɛ kpuʔɔrɔ caa mi tíimɛ wori dè, mi kpuʔɔrɔ tiǐ je yafiɛn kɛnʔ. Mi Tuu wire wi nyɛ́ni kpuʔɔrɔ tari mi nɛ̄; wire wī yeli 'jo dí wiī yeli Kulocɛliɛ wè.

Kakpiʔiligele 13:33

Wi nyɛ́nì ki nyasiɛnrɛ fori dè weli mɛ́, weli bálì bīɛlɛ pe pìile bèle, bɛ̀ ki 'nyaa wi 'Zezi nyɛ́ wè nɛ̀ yige kúbilo nī bèle, nɛ̀ yɛli nɛ́ siɛnrɛ díì ti 'sɛbɛ baa Ŋúnuyɔ Sɛbɛ nyùyɔ siinwuʔu nī gè; ti 'jo: Muɔ yē mi jaa, pàngɛ gè mi 'muɔ sii .

Wurɔmiyé 8:3

Nɛ̀ taʔa gíi nɛ̄, kaala níì Misa Fànʔa Siɛnrɛ tiǐ cî gbɛ̀ kpíʔile wèʔ, bɛ̀ ki 'nyaa céri ti fànʔa ki 'cɛ́ri wè, a Kulocɛliɛ wi sí wi Jaa tíimɛ tórigo wè wi ní céri ní bɛ̀ kapiile céri tíɛlɛ. A kire 'kpíʔile a Kulocɛliɛ wi 'kàyuʔu juu kapiile nɛ̄ lè siɛn céri nī dè.

Eburulo 1:1

Faʔa faʔa gè, lɛ̀gɛlɛ sáa nī Kulocɛliɛ wi 'puu nɛ tòrí wi siɛnjuuliɛlɛ mɛ́ bèle nɛ nyu nɛ taʔala kɛnmɛ sáamɛ nɛ̄ weli tobilo mɛ́ bèle.

Eburulo 1:5

Nɛ́ ki cɛ́n, Kulocɛliɛ sì ki juu nɛ̀ nyaaʔ nyìʔɛnɛ tundunwɔ wáà mɛ́ʔ nɛ́ jo: Muɔ yē mi jaa; pàngɛ gè mi wī mi nyɛ́nì muɔ sii . Nɛ́ pínɛ, wiì ki juu nɛ̀ nyaaʔ nyìʔɛnɛ tundunwɔ wáà wuʔu nɛ̄ʔ nɛ́ jo: M'bé puu wi tuu; wire bé puu mi jaa .

Eburulo 2:17

Kire kɛnmɛ nɛ̄ wi yé yɛli bè yiʔɛ bè kò wi siinyɛninɛ tíɛlɛ bèle, lewiile bèle, kɛnmɛ pi mìɛni nɛ̄, kire ga buu wi- puu kacuɔnrilɔ kàfɔli ŋáà wī nyinidaaguugo ní gè nɛ́ ní tɛ́ngɛmɛ siɛn Kulocɛliɛ baara nī dè, bè kàsulugosuɔ baara kúɔ dè siɛnnɛ mɛ́ bèle, pe kapiʔile wori nɛ̄ dè.

Eburulo 3:1

Kire nɛ̄, weli siinyɛninɛ, Kulocɛliɛ wuulo bèle, yeli bálì Kulocɛliɛ wi 'yeri ye pa kɛ́ nyìʔɛnɛ nī lè, yeri sɔ̀ngí Zezi wuʔu nɛ̄ gè, wire ŋáà wī Kulocɛliɛ wi tundunwɔ wè nɛ́ ní kacuɔnrilɔ kàfɔli wè, weli tɛ́ngɛlɛ koligo nī gè.

Eburulo 5:10

Kulocɛliɛ wire wi 'wi nyíɛnɛ nɛ̀ kɔ̀n kacuɔnrilɔ kàfɔli Mɛlikisedɛki felige gè.