Eburulo 5:4 - Sénoufo Nyarafolo

⁴ Siɛn sǐ gbɛ̀ kacuɔnrilɔ kàfɔli kpuʔɔrɔ líɛ bè taʔa wìi nɛ̄ʔ. Wi nɛ̂ ti taa wī yákuɔ a Kulocɛliɛ wi 'wi nyíɛnɛ nɛ̀ kɔ̀n wè, majo bɛ̀ ki 'kpíʔile Arawɔn wuʔu nɛ̄ gè.

Eburulo 5:4 Iomraidhean Croise

Yirile 28:1

A Yewe 'ki juu nɛ̀ gbɛ̀ngɛ Misa mɛ́ nɛ́ jo: «Bɛ̀ Kòridiʔɛ ki 'faan nɛ̀ kúɔ gè, ma muɔ luɔ Arawɔn kɔ́ri wè nɛ́ wi jaala ní bèle: Nadabi, Abiyu, Eleyazari nɛ́ Itamari. Muɔ bé pe wàli dɛ́ngɛ piyeyɛ Isirayɛli siɛnnɛ nī bèle, kire ga buu peri kacuɔnrilɔ baara kúu dè mi mɛ́.

Leviiyé 8:2

«Ma Arawɔn nɛ́ wi jaala kɔ́ri bèle, ma pe burudo líɛ dè, nɛ́ siɛnnyiɛnɛgɔn sùnmɔ ní bè, nɛ́ kapiʔile kàsulugo kakuɔrɔ nɛ̀piɛyɛlilɛ ní lè, nɛ́ sìnbapɔlilɔ siin, nɛ́ sìnvarifun búrulo danʔa ní gè.

Tɔ́rilɔ 16:10

Wi nyɛ́nì yeli sìʔɛrɛ nɛ̀ kpɔni wìi nɛ̄, muɔ nɛ́ muɔ wuulo ní bèle Leviiyé narigɛ nī gè. A yeli ń'nɛ̀ koli nɛ caa pe- yeli kpíʔile kacuɔnrilɔ cígini !

Tɔ́rilɔ 16:35

A Yewe 'fali nɛ̀ kàsun káà yige nɛ̀ siɛnnɛ sirakeli togosiin nɛ́ kpɔrigɔ (250) sórigo bèle, bàli pe 'puu nɛ́ tingbopigele ní gèle nɛ́ wusuna ní wè pe kiyɛ nī yè.

Tɔ́rilɔ 16:5

A wi 'yɛ̀ nɛ́ ki juu Kore mɛ́ nɛ́ wi gboli siɛnnɛ ní bèle nɛ́ jo: «Mbànʔa sínbinimɛ táanni bè, Yewe bé wi wuulo tìɛ bèle, nɛ́ míɛni wi bé ki tìɛ ŋàa wī wàlidɛngɛwɛ wi mɛ́ wè, bè wi kpɔni wìi nɛ̄. Siɛn ŋáà wi 'nyíɛnɛ nɛ̀ kɔ̀n wè, wi bé ki siɛn sìʔɛrɛ wè bè kpɔni wìi nɛ̄.

Tɔ́rilɔ 16:7

yé kàsunnɛganʔana le ke nī, ye wusuna le tingbopile nī lè Yewe yiʔɛ mɛ́ gè. Siɛn ŋáà Yewe nyíɛnɛ nɛ̀ kɔ̀n wè, kire siɛn wire yē wàlidɛngɛwɛ Yewe yiʔɛ mɛ́ gè. Yeli kɛ́nì ki líɛ nɛ̀ tórigo, Levii jaala yeli bèle !»

Tɔ́rilɔ 18:7

«Muɔ Arawɔn wè, muɔ nɛ́ muɔ jaala ní bèle, yeli béri kacuɔnrilɔ baara kúu dè dàa ti mìɛni dī gbùʔɔrɔdiʔɛ yafanʔa wori dè nɛ́ dàa dī baa gunbɔli fɛ̀ni kàduʔu mɛ́ gè. Mi nyɛ́nì kacuɔnrilɔ baara kɛn dè yeli mɛ́ yakɛngɛ; a siɛn wáà wiiyɛ sìʔɛrɛ nɛ̀ kpɔni saawalidɛngɛgɛ nɛ̄ gè, pe 'yɛli pe- kire siɛn kpúu wè.»

Tɔ́rilɔ 3:3

Pe cé siɛnnyiɛnɛgɔn sùnmɔ wo bè pe nɛ̄ nɛ̀ pe wàli nɛ̀ tɛ́ngɛ kire ga buu peri kacuɔnrilɔ baara kúu dè.

Zezi Kirisi Kataanna Siɛnrɛ dè Zan juumɔ nɛ̄ bè 3:27

A Zan wi 'siɛnnugoro kɛn dè nɛ́ pe yɛ: «Siɛn sǐ gbɛ̀ jáa bè yakaa taaʔ, ka laa Kulocɛliɛ bɛ̀ʔ wi 'kire yɛgɛ kɛn gè ki siɛn mɛ́ wèʔ.