Eburulo 5:2 - Sénoufo Nyarafolo

² Kacuɔnrilɔ kàfɔli wi bé gbɛ̀ siɛnnɛ fùrɔgɔ cɛ́n gè, bàli bīɛlɛ piyè Kulocɛliɛ koligo cɛ́n gèʔ nɛ́ bàli ní pe 'pùunni bèle. Nɛ́ ki cɛ́n wire míɛni yē ŋɔri fùn tiɛyɛ sáamɛ nī.

Eburulo 5:2 Iomraidhean Croise

Yirile 32:8

Pe nyɛ́nì koligo wáa gè fáari gàa wuʔu mi yé juu nɛ̀ gbɛ̀ngɛ pe mɛ́ gè. Pe nyɛ́nì tiɛ nyɛgɛ wè nɛ̀ nɛ̀piɛyɛlilɛ faan nɛ̀ tuu nɛ̀ cúbulo, nɛ ni sungu, á pe 'ki juu nɛ́ jo: ‹Isirayɛliyé kulocɛliɛ n'ŋɛ, ŋàa wi 'weli yige Ezipiti kùlo nī lè !› »

Luku 22:32

Mi sí nyɛ́nì Kulocɛliɛ náari wè muɔ wuʔu, gìi ki bé tí muɔ tɛ́ngɛlɛ ni fǎga kúɔ wèʔ. A muɔ kɛ́nì koli nɛ̀ pɛn m'mɛ́ wè, ma juu nɛ́ muɔ siinyɛninɛ ní bèle ma pe nàzɔnnɔ lìri bèle.»

Korɛntiyé 2 11:30

A ki yē siɛn 'yɛli bèri wìi nyíɛnɛ wè, m'béri nìɛ nyíɛnɛ, nɛ́ ki cɛ́n mi yē ŋɔri fùn.

Korɛntiyé 2 12:5

Kire siɛn ŋáà wire kɛnmɛ nɛ̄ m'béri nàgbuʔɔrɔ kpínʔini dè. Á ki 'yéri mi tíimɛ kɛnmɛ nɛ̄ bè, miǐ de nàgbuʔɔrɔ kpínʔini kire nɛ̄ʔ, macɛn bɛ̀ mi yē ŋɔri fùn wè kire kɔri wire nɛ̄ m'béri nàgbuʔɔrɔ kpínʔini dè.

Galasiyé 4:13

Yeli tíimɛ 'ki cɛ́n mi 'puu yaawa nɛ́ sɛ́nì Kataanna Siɛnrɛ juu dè yeli mɛ́ tabelige nɛ̄ gè.

Efɛziyé 4:18

Piyē yebilige nī pe sɔ̀ngirɔ ti kiyɛ nī yè; sìi ŋáà Kulocɛliɛ wiī nɛ kanʔa wè, pe liɛlɛ wè baa wi nīʔ pe katiire tire kɛnmɛ nɛ̄ bè nɛ́ pe fungbɛnyɛ ní yè.

Timote 1 1:13

Faʔa gè mi 'puu nɛ Kàfɔli wi míʔɛ córi gè, nɛ tɛ́ngɛfɔlilɔ wuʔɔ bèle pe tɛ́ngɛlɛ kɛnmɛ nɛ̄ bè; mi 'puu fungbɛngɛfɔli. Nɛ̀ ki yaʔa a Kulocɛliɛ wi 'nyinimɛ taa mi nɛ̄ bɛ̀ mi 'ki kpíʔile mi katiire lɛ̀lɛ nī lè nɛ́ mi sìndɛngɛlɛ kɛnmɛ nɛ̄ bè.

Eburulo 12:13

Ye- yeli tɔliyɔ yaʔa yè yi- koziɛnyɛ líɛ yè, kire ga buu tɔligɔ gáà ki sìʔí gè ki fǎga ní kùru bè kɛ́ yiʔɛmɛʔ, dí ki sí puʔɔ bè puu nɛ́ ŋɔri ní.

Eburulo 2:17

Kire kɛnmɛ nɛ̄ wi yé yɛli bè yiʔɛ bè kò wi siinyɛninɛ tíɛlɛ bèle, lewiile bèle, kɛnmɛ pi mìɛni nɛ̄, kire ga buu wi- puu kacuɔnrilɔ kàfɔli ŋáà wī nyinidaaguugo ní gè nɛ́ ní tɛ́ngɛmɛ siɛn Kulocɛliɛ baara nī dè, bè kàsulugosuɔ baara kúɔ dè siɛnnɛ mɛ́ bèle, pe kapiʔile wori nɛ̄ dè.

Eburulo 2:18

Nɛ́ ki cɛ́n bɛ̀ wire tíimɛ 'wuʔɔ a puuwelige 'tuu wi nɛ̄ wè, wi bé gbɛ̀ pe sáʔa, bàli nɛ̄ puuwelige ki nɔ̀gí gè.

Eburulo 4:15

Nɛ́ ki cɛ́n weli kacuɔnrilɔ kàfɔli wè, kiì nyaa majo wiǐ gbɛ̀ jáa bè nyinimɛ taa weli ŋɔrifun kele nɛ̄ gèleʔ. Kire sì cɛ bɛ̀ʔ; wi yé puuwelige taa kele ke mìɛni nī majo bɛ̀ weli míɛni nɛ puuweliye taʔa yè, nɛ̀ ki yaʔa wiì kapiile kpíʔileʔ.

Eburulo 7:28

Siɛnnɛ bálì Misa Fànʔa Siɛnrɛ ti 'tɛ́ngɛ kacuɔnrilɔ kàfɔlilɔ bèle, piyè nyuɔ nɛ̀ foriʔ. Nɛ̀ ki yaʔa Kulocɛliɛ kàlilɛ siɛnrɛ, dàa wi 'juu Fànʔa Siɛnrɛ ti kàduʔumɛ gè, tire 'wi Jaa tɛ́ngɛ wè kacuɔnrilɔ kàfɔli ŋáà wi 'nyuɔ nɛ̀ fori lɛ̀lɛ ó lɛ̀lɛ nī lè.

Eburulo 9:7

Nɛ̀ ki yaʔa kacuɔnrilɔ kàfɔli wire yákuɔ wi cî gbɛ̀ jíin saasiinwuʔu nī gè, tiɛcɛ̀njɛngɛ wàlidɛngɛgɛ gè. Nɛ̀ pínɛ wiǐ gbɛ̀ jíinʔ yajuʔu sìsiɛn fùnʔ gàa wiī nɛ kanʔa Kulocɛliɛ mɛ́ wè, wire kɛnmɛ nɛ̄ bè nɛ́ siɛnnɛ pe kɛnmɛ nɛ̄ bè, a ki yé pe 'kolimɔ kele kpíʔile, piyè sí ki kɔ̀rirɔ wèʔ. Kire 'puu nɛ kpínʔini tɔligɔ nigbe yákuɔ wī yiɛlɛ nī lè.

Zaki 5:19

Nɛ siinyɛninɛ, a ki 'nyaa yeli nī bèle wàa 'pùunni nɛ̀ líili kányiʔɛ koligo nɛ̄ gè, á siɛn wáà taa nɛ̀ wi yeri nɛ̀ pɛn wè,

Piɛri 1 2:25

Nɛ́ ki cɛ́n yeli cé puu bɛ̀ sìnbaara tíɛlɛ dàa ti 'pùunni dè, nɛ̀ ki yaʔa píra ŋáà nī wè yeli nyɛ́nì koli nɛ̀ pɛn yeli nàʔavɔli kúrugu wè, ŋàa wi yeli wéli wè.