Eburulo 5:13 - Sénoufo Nyarafolo

¹³ Nɛ́ ki cɛ́n siɛn ŋáà mɛ́ pe 'yɛli bèri yírimɛ yákuɔ kanʔa bè, wire yē pìfinʔɛ súuri wī. Wiǐ gbɛ̀ jáa bè sínmɛ siɛnrɛ cɛ́n dè bè wàliʔ.

Eburulo 5:13 Iomraidhean Croise

Ŋúnuyɔ 119:123

Mi nyapigele ke 'wéli nɛ̀ fùrɔ bɛ̀ mi nɛ muɔ suɔlɔ siri lè nɛ́ muɔ nyafɛnigɛ ki kányiʔɛ kaala ni forijɛngɛ ní gè.

Matiye 11:25

Kire tiʔɛ gáà nī gè a Zezi wi 'fali nɛ̀ náari nɛ́ 'jo: «Tuufɔli, muɔ wī nyìʔɛnɛ nɛ́ dàala kàfɔli wè. Mi 'kpuʔɔrɔ taʔa muɔ nɛ̄, bɛ̀ muɔ 'kele gálì làrigɛ gèle kacɛ́nminɛ nɛ̄ bèle nɛ́ siɛnsicilile ní bèle, nɛ́ sí ke tìɛ pìile nɛ̄ bèle.

Mariki 10:15

«M'bé ki juu yeli mɛ́ kányiʔɛ nɛ̄, a siɛn ŋíì sì fɔ̀liʔ Kulocɛliɛ Kùlofɔligɔ nɛ̄ gè bɛ̀ pùɔ tíɛlɛ wè, ki siɛn wiǐ ga tíi bé jíin baaʔ.»

Wurɔmiyé 2:20

Muɔ ma nyɛ́ni sìnjiligefunfɔlilɔ tìí bèle, nɛ́ ní pìile pe tɛnmɛfɔli wè, nɛ̀ taʔa gíi nɛ̄, muɔ 'kányiʔɛ cɛ́n gè Fànʔa Siɛnrɛ nī dè, a kire 'ki kɛn a muɔ 'kacɛ́nnɛ taa tire dáà nī dè.

Korɛntiyé 1 13:11

Bɛ̀ mi 'puu pùɔ wè, mi 'puu nɛ pìire siɛnrɛ nyu, mi 'puu nɛ́ pìile sɔ̀ngirɔ ní, mi 'puu nɛ kele tɔ́nminɔ gèle pìile tɔ́nminɔgɛnnɛ nɛ̄. Bɛ̀ sí mi kɛ́nì liɛ wè, dàa ti 'puu pìire wori dè, a mi 'ti yaʔa.

Korɛntiyé 1 14:20

Nɛ siinyɛninɛ, ye fǎri kele gálì ke wori tɔ́nminɔ dè bɛ̀ pìile tíɛlɛʔ. Ye- puu pìile tíɛlɛ, piyè kapiʔi cɛ́nʔ. Gìi sí ki 'funzɔngirɔ kúɔ dè, ye- puu liɛlɛ.

Korɛntiyé 1 3:1

Nɛ siinyɛninɛ, gìi ki 'mi kúɔ wè, mi sì jáa nɛ̀ mi siɛnrɛ juu dè yeli mɛ́ majo yeli yē Kulocɛliɛ Pìle siɛnnɛ wīʔ. Ki 'nyaa mi 'ti juu yeli mɛ́ bɛ̀ yeli yē nɛ tári yeli céri kanɛdanʔana koliyo nī yè. ʔéʔe, mi 'ti juu yeli mɛ́ bɛ̀ pìyirile tíɛlɛ Kirisi koligo nī gè wī.

Korɛntiyé 2 3:9

A ki sí yē Misa Fànʔa Siɛnrɛ dáà ti sî nɛ kàyuʔu cáanri siɛn nɛ̄, tire yē nɛ́ kpuɔmɔ ní wè, Kulocɛliɛ Pìle baara dè, tire kpuɔmɔ piǐ sí ní kpúʔɔ bè tóri wīʔ lé ?

Efɛziyé 4:14

A kire 'kpíʔile gè, weli sǐ ní puu bɛ̀ pìile tíɛlɛʔ, bèri wáa de yiʔi de mári majo bɛ̀ lakuruyo cî nɛ fílagi yèʔ, siɛnnɛ pe káfinɛrɛ tɛnmɛgɛlɛ feliye yi mìɛni yi de we líi de we yiʔi de máriʔ. Ki siɛnnɛ felile pe 'cìlige, pe 'kpìlikpili cɛ́n wè bè siɛn fáanni bè pùunni.

Timote 2 3:16

Siɛnsɛbɛrɛ ti mìɛni 'yɛ̀ Kulocɛliɛ wire tíimɛ mɛ́. Tiī pɔ́ridɔ bè siɛn tɛnmɛ kányiʔɛ nɛ̄ gè, bè siɛn yige wi pùunnidiʔɛ nī gè, bè siɛn sìɛn wè, bè wi tɛnmɛ sínmɛ koligo nɛ̄ gè.

Piɛri 1 2:2

Bɛ̀ yírimɛ láa cî pìfinʔɛ taa gè kɛnmɛ bíì nɛ̄ bè, ye- Kulocɛliɛ siɛnrɛ láa yaʔa gè ki de yeli taʔa bɛ̀ yírimɛ tíɛlɛ bàa pi 'cìile bè, kire ga buu yeli de liʔi bè suɔlɔ sɔ́migɔ lè bè taa,

Zan 2 1:11

Nɛ́ ki cɛ́n a yeli nɛ wi síɛri wè, yeli nɛ liɛlɛ líi wi kakpiʔiligele nī gèle gàli ke 'pii gèle.