Eburulo 5:12 - Sénoufo Nyarafolo

¹² Ye- ki wéli, lɛ̀lɛ sáamɛ nyɛ́nì tóri, yeli cé yɛli bè puu tɛnmɛfɔlilɔ wī. Nɛ̀ ki yaʔa yeli nɛ tíin nɛ ki caa peri yeli tɛnmɛ wī, kele nɛ̄ gèle gàli gīɛlɛ péligele gèle, Kulocɛliɛ nyasiɛnrɛ nī dè. Yeli nɛ tíin nɛ ki caa peri yírimɛ kanʔa yeli mɛ́ wī, sɛ́ni ki- puu yaliiliride dè !

Eburulo 5:12 Iomraidhean Croise

Ŋúnuyɔ 34:11

Jàriyɛlilɛ pe cî nɛ pe lìile caa lè nɛ fùrɔ́, nɛ̀ ki yaʔa bàli pe 'pe sɔ̀ngirɔ taʔa dè Yewe nɛ̄ wè, yafiɛn sì pe laaʔ.

Matiye 17:17

A Zezi wi 'jo: «ʔé, yeli bèle yirile náà wuulo bèle, yeli yē tɛ́ngɛlɛ fùn, yeli wè sínminɛʔ ! Lɛ̀lɛ jori mi 'yɛli bè kúɔ bile nɛ́ yeli ní cígini ? Lɛ̀lɛ jori mi 'yɛli bè ní yeli kpàri bè ? Ye- pùɔ líɛ wè ye sìʔɛrɛ náʔa mi mɛ́.»

Mariki 9:19

A Zezi 'fali nɛ̀ jo: «ʔé, yeli bèle yirile náà wuulo bèle, yeli yē tɛ́ngɛlɛ fùn. Lɛ̀lɛ jori yeli tùʔɔ nɛ̀ jo mi- ga kúɔ bile nɛ́ yeli ní ? Mɛni yeli tùʔɔ nɛ̀ jo mi- ga yeli cò síɛ ? Ye- wi líɛ ye sìʔɛrɛ náʔa mi mɛ́.»

Kakpiʔiligele 7:38

«Kire tundunwɔ wire wi 'puu baa lɛ̀lɛ níì nī weli wuulo gboli ni 'puu waama kùlo nī lè. Wi nɛ̂ cé yéri weli tuuliɛyɛ yi sunʔɔmɔ nɛ́ nyìʔɛnɛ tundunwɔ wi sunʔɔmɔ ní bè, á nyìʔɛnɛ tundunwɔ wi nàa nyu nɛ́ wi ní Sinayii nyagurugo nɛ̄ gè. Wire wi 'sìi siɛnrɛ taa dè nɛ́ ti juu weli mɛ́ bèle.

Wurɔmiyé 3:2

Ki tɔ̀ni wiī kpuɔwɔ bɛ̀ ki caa mmɛ. Kapelile lè, Zuufulo peli mɛ́ Kulocɛliɛ wi 'wi kajuʔulo kɛn gèle.

Korɛntiyé 1 14:19

Nɛ̀ sí ki taa tɛ́ngɛfɔlilɔ gboli nī lè, ki 'pɔ́ri mi- juu cɛ̀ri nɛ́ mi sícilige ní gè, sɛ́ni mi- juu nìʔɛgɛ siɛnrɛ táà felide nī dè.

Korɛntiyé 1 14:20

Nɛ siinyɛninɛ, ye fǎri kele gálì ke wori tɔ́nminɔ dè bɛ̀ pìile tíɛlɛʔ. Ye- puu pìile tíɛlɛ, piyè kapiʔi cɛ́nʔ. Gìi sí ki 'funzɔngirɔ kúɔ dè, ye- puu liɛlɛ.

Galasiyé 4:3

Bà sí weli 'puu kire felige, bà pìire 'puu nɛ tíin weli nī bèle. Weli 'puu duniya kaliʔɛlɛ màama nī bè, nɛ ní ti sùkulolo.

Filipiyé 3:1

Kire gáà ki mìɛni nī gè, mi siinyɛninɛ, yeri fundaanra kpínʔini Kàfɔli wire kɛnmɛ nɛ̄ bè. Ki wè mi mɛ́ yafiɛnʔ bè koli bè siɛnnuro sɛbɛ dè bè tórigo yeli mɛ́ bèleʔ, kire cɛ ki 'pɔ́ri yeli mɛ́.

Kolɔsiyé 3:16

Kirisi siɛnrɛ ti- kòridiʔɛ taa yeli funyɔ nī yè majo lɔri dī. Yeri tɛnmɛnɛ kanʔa yìye mɛ́, yéri nyu yeri yìye yɛrigi ye mìɛni bèle, yeri ki kpínʔini nɛ́ sìnjilige ní. Yeri Kulocɛliɛ síɛri wè nɛ́ yeli fungo ki mìɛni ní, nɛ́ ŋúnudaanya ní, nɛ́ Kulocɛliɛ gbùʔɔrigɔ ŋúnuyɔ ní, nɛ́ ŋúnudo dáà Kulocɛliɛ Pìle ni sî sɔ̀ngi nɛ̀ tìrige siɛn fungo nī gè.

Eburulo 10:32

Ye- sɔ̀ngi ye taa kɛnmɛ bíì nɛ̄ ki yé puu yeli mɛ́ ki sélimɛ nɛ̄ bè, bà yeli yé Kulocɛliɛ kpìɛnmɛ taa bè, a yeli sɔ́migɔ nɛ̀ yéri cáanra nɛ̄ dè dàa ti 'kpúʔɔ dè, nɛ́ wuʔɔniʔɛyɛ taa yè.

Eburulo 5:11

Siɛnniʔɛrɛ táà nɛ tíin weli mɛ́ dàa weli bé gbɛ̀ juu dè, á ti sí yē gbɛ̀nrɛ bè ti fílige juu. Nɛ́ ki cɛ́n yeli ngbúʔulo ke 'pàanni bè ti lúʔu.

Eburulo 5:13

Nɛ́ ki cɛ́n siɛn ŋáà mɛ́ pe 'yɛli bèri yírimɛ yákuɔ kanʔa bè, wire yē pìfinʔɛ súuri wī. Wiǐ gbɛ̀ jáa bè sínmɛ siɛnrɛ cɛ́n dè bè wàliʔ.

Eburulo 6:1

Kire nɛ̄ weri liʔi weri waa yiʔɛmɛ tɛ́ngɛlɛ nī lè sɛ́ni we- kò weri kanugulo nyu gèle súuri gàli gīɛlɛ tɛ́ngɛlɛ sélimɛ wuʔulo gèle, Kirisi wuʔu nɛ̄ gè. Weli sǐ ní séli de nyu kire kele nɛ̄ gèleʔ, kire 'jo: bè kàduʔu wáa tɔ̀nifun kapiikpiʔigele mɛ́ gèle, nɛ́ míɛni bè tɛ́ngɛ Kulocɛliɛ nɛ̄ wè.

Piɛri 1 2:2

Bɛ̀ yírimɛ láa cî pìfinʔɛ taa gè kɛnmɛ bíì nɛ̄ bè, ye- Kulocɛliɛ siɛnrɛ láa yaʔa gè ki de yeli taʔa bɛ̀ yírimɛ tíɛlɛ bàa pi 'cìile bè, kire ga buu yeli de liʔi bè suɔlɔ sɔ́migɔ lè bè taa,

Piɛri 1 4:11

A ŋìi yē nɛ Kulocɛliɛ kele nyu gèle tɛ́ngɛfɔlilɔ gboli nī lè, wi de ki kpínʔini bèri Kulocɛliɛ siɛnrɛ nyu dè de cìilé. A ŋìi liɛlɛ yē bèri kele kúu gèle, wiri ke kúu nɛ́ ŋɔri dáà ní Kulocɛliɛ wi 'kɛn wi mɛ́ dè. Ki 'yɛli ti mìɛni de kpínʔini bè kpuʔɔrɔ taʔa Kulocɛliɛ nɛ̄, Zezi Kirisi wire kɛnmɛ nɛ̄, wire ŋáà nɛ̄ kpuʔɔrɔ ti 'yɛli nɛ́ fànʔa ní gè lɛ̀lɛ ó lɛ̀lɛ nī lè. Ki- taa ki puu bɛ̀  !