Eburulo 4:7 - Sénoufo Nyarafolo

⁷ Kulocɛliɛ wi 'cɛngɛ káà tɛ́ngɛ, kire gī pàngɛ gè, bè jíin wi ŋɔ́daala nī lè. Ki 'mɔgɔ, kire kàduʔu mɛ́, a wi kɛ́nì ki siɛnrɛ le dè Dawuda nyuɔ nī gè, dàa weli 'juu nɛ̀ kúɔ sɛbɛ ŋáà nī wè: Pàngɛ gè, a yeli 'Kulocɛliɛ nyasiɛnrɛ lúʔu dè, ye fǎga yeli funyɔ gbɛ̀n yèʔ .

Eburulo 4:7 Iomraidhean Croise

Ŋúnuyɔ 95:7

Nɛ́ ki cɛ́n, wire wī weli Kulocɛliɛ wè; weli bèle, weli yē wi sìnbatogo gáà wi nári gè, gàa wi kiyɛ yi kɔ́ri nɛ waa gè. Pàngɛ gè, a yeli 'wi nyasiɛnrɛ lúʔu dè,

Matiye 22:43

A wi 'pe yɛ: «Gáa sí nɛ̄ Dawuda wire tíimɛ wè, Kulocɛliɛ Pìle lire fànʔa nɛ̄ gè, wi 'wi yeri wire Kàfɔli wè ? Nɛ́ ki cɛ́n wi 'jo:

Mariki 12:36

Dawuda wire tíimɛ wiì cé ki juu Kulocɛliɛ Pìle fànʔa nɛ̄ gè lé, nɛ́ jo: Kàfɔli wi 'ki juu mi Kàfɔli mɛ́ wè nɛ́ wi yɛ: Tɛ́ni mi kàliige mɛ́ gè fúɔ bè taa mi ga muɔ leguulo cáan bèle muɔ tɔliyɔ láara yè .

Luku 20:42

Ŋúnuyɔ Sɛbɛ nī wè Dawuda wire tíimɛ wiì dúʔu ki juu nɛ́ jo: Kàfɔli wi 'ki juu mi Kàfɔli mɛ́ wè nɛ́ wi yɛ: ‹Tɛ́ni mi kàliige mɛ́ gè,

Kakpiʔiligele 2:29

«Mi siinyɛninɛ, ye- tí mi ti juu láʔa yeli nɛ̄ weli tuuliʔɛ Dawuda wi wori dè: Dawuda wi 'kùu a pe 'wi tɔ́n, wi nyɛgɛ ki tíin bile we sunʔɔmɔ nī bè pàngɛ gè.

Kakpiʔiligele 2:31

a wi sí Kirisi nyɛ́yirile wori cɛ́n dè nɛ̀ yaʔa, nɛ̀ ki juu nɛ́ jo dí wiǐ cî ga kò baa kusiʔi nī gèʔ, nɛ̀ pínɛ dí fúnʔɔrɔ sǐ wi céri cò dèʔ.

Kakpiʔiligele 28:25

Bà piyè cé bìɛʔ bèle, a pe kɛ́nì láʔala nɛ̀ kɛ́ gbɛ̀yɛgbɛyɛ. A Pɔli wi sí siɛnkɛnigɛ nigbe juu pe mɛ́ nɛ́ jo: «Ti 'yɛli baa círɛ! Siɛnrɛ dáà Kulocɛliɛ Pìle ni cé tí a Kulocɛliɛ siɛnjuuliɛwɛ Ezayi 'wi 'juu yeli tuuliɛlɛ mɛ́ bèle wè,

Eburulo 3:15

Majo bɛ̀ ki yé juu nɛ́ jo: Pàngɛ gè, a yeli 'Kulocɛliɛ nyasiɛnrɛ lúʔu dè, ye fǎga yeli funyɔ gbɛ̀n yèʔ majo bɛ̀ yeli 'ki kpíʔile cíimɛ lɛ̀lɛ nī lèʔ .