Eburulo 4:6 - Sénoufo Nyarafolo

⁶ Bàli sí pe yé puu siɛnpelile nɛ̀ ŋɔ́daala Kataanna Siɛnrɛ dáà lúʔu dè, piyè jíin ŋɔ́daala nī lèʔ pe sìnluʔumɔ pire kɛnmɛ nɛ̄ bè. Kire nɛ̄ Kulocɛliɛ ŋɔ́daala niī bile súuri kire ga buu pàli gbɛ̀ jíin.

Eburulo 4:6 Iomraidhean Croise

Tɔ́rilɔ 14:12

M'bé pe kpúɔn nɛ́ káfaligɛ yaama ní bè, bè pe yérige piyě kùlo taa lè kɔrigɔʔ. M'bé sí ki kpíʔile kùpolo láà bé yiri muɔ nī nàa siɛnnɛ pe 'niʔɛ nɛ̀ tóri pe nɛ̄ bèle, nɛ́ míɛni ni ŋɔri ti 'kpúʔɔ nɛ̀ tóri pe nɛ̄ bèle.»

Tɔ́rilɔ 14:31

« ‹Nɛ̀ ki yaʔa, gàa ki 'yeli pìile wuʔu kúɔ gè, á yeli 'jo pìile bálì bèle pe bága pe cò bèle kapiɛnnɛ nī lè, m'bé peli yiʔɛ kíni peli bé sa jíin kùlo nī lè nàa nɛ̄ yeli 'cíi lè.

Matiye 21:43

«Kire nɛ̄, m'bé ki juu yeli mɛ́, Kulocɛliɛ Kùlofɔligɔ ki bága suɔ yeli mɛ́ bè kɛn kùlo láà wuulo mɛ́, peli béri ki yasɛnrɛ sɛngi dè.

Kakpiʔiligele 28:28

A Pɔli wi sí pe yɛ: «Ye- sí ki cɛ́n sî: Kulocɛliɛ wi 'siɛn suɔlɔ wori dáà tórigo dè kùlogolo kálì wuulo mɛ́. Peli bèle, pe bé ti lúʔu.»

Korɛntiyé 1 7:29

A mi sí jo, nɛ siinyɛninɛ, lɛ̀lɛ niì ń'nɛ̀ kò sáaʔ. Bɛ̀ ki yē gè, bìli bīɛlɛ cɛlilɛfɔlilɔ bèle, pe- puu majo cɛlilɛ wè pe mɛ́ʔ.

Galasiyé 3:8

Kire sí nɛ̄ Kulocɛliɛ siɛnsɛbɛrɛ ti 'ki juu nɛ̀ yaʔa nɛ́ jo, dí Kulocɛliɛ wi bága pa kùlogolo kálì siɛnnɛ juu bèle bè yige tɛ́ngɛlɛ kɛnmɛ nɛ̄ bè, a Kulocɛliɛ wi 'ki juu nɛ̀ yaʔa Birayima mɛ́ wè nɛ́ wi yɛ: Muɔ nyúmɔ nī kùlogolo siɛnnɛ pe mìɛni bága pa diba taa.

Eburulo 4:11

Kire nɛ̄, we- gbɛ̀nmɛ le we jíin ŋɔ́daala náà nī lè, kire ga buu wàa fǎga tuuʔ bè puu Isirayɛliyé tíɛlɛ bèle sìnluʔulo bèleʔ.

Eburulo 4:2

Kire Kataanna Siɛnrɛ dáà dè, ti 'juu weli mɛ́ majo bɛ̀ ti yé juu bìli mɛ́ bèle waama kùlo nī lè. A pe sí cíi, pìye tɛ́ngɛ ki siɛnrɛ nɛ̄ dèʔ, kire nɛ̄ piyè tɔ̀ni taa ti nīʔ. Nɛ́ ki cɛ́n piyè wúɔ nɛ́ bàli ní pe 'ti lúʔu nɛ́ tɛ́ngɛ ki siɛnrɛ nɛ̄ dèʔ.

Eburulo 4:9

Bɛ̀ sí ki yē gè, cɛndɛnigɛ cɛngɛ gáà gī cɛnŋɔdaʔa gè, kiī nɛ tíin bile súuri Kulocɛliɛ wuulo mɛ́ bèle.