Eburulo 4:3 - Sénoufo Nyarafolo

³ Weli bálì we 'tɛ́ngɛ ki siɛnrɛ nɛ̄ dè, weli we bé jíin kire ŋɔ́daala nī lè. Gìi sí ki 'bìli kúɔ bèle, a Kulocɛliɛ 'jo: Mi fundanʔanigɛ nī gè, a mi 'kàli nɛ́ jo: «Siɛnnɛ bálì piyě jíin mi ŋɔ́daala tiʔɛ nī gè púloʔ .» Bɛ̀ sí Kulocɛliɛ wi cé ki juu, bà wi yé ŋɔ́daala gbòbori lè nɛ̀ yaʔa lɛ̀lɛ líì nī wi cé duniya faan wè nɛ̀ kúɔ wè.

Eburulo 4:3 Iomraidhean Croise

Sélimɛ 1:31

A Kulocɛliɛ wi 'ki nyaa a wi yafaanra ti mìɛni ti tɔ̀ni nɛ̀ sɔ́migɔ nɛ̀ nyuɔ. A ki 'kò cɛnguʔɔ, nɛ́ pɛ́nì kò sínbinimɛ. Kire 'kpíʔile cɛnyɛ kɔliniwuʔu nɛ̄ gè.

Ŋúnuyɔ 95:11

Kire nɛ̄, mi fundanʔanigɛ nī gè, a mi 'kàli nɛ́ jo: «Siɛnnɛ bálì piyě jíin púloʔ ŋɔ́daala tiʔɛ nī gè gàa mi 'gbòbori nɛ̀ tɛ́ngɛ pe wuʔu gèʔ  !»

Yirile 20:11

Nɛ́ ki cɛ́n cɛnyɛ kɔlini sunʔɔmɔ nī bè, Yewe 'nyìʔɛnɛ faan lè nɛ́ ni yɛrɛ dáà dī ni nī lè, nɛ́ dàala ní lè nɛ́ yɛrɛ dáà dī ni nɛ̄ lè, nɛ́ kuʔɔjii ní wè nɛ́ yɛrɛ dáà dī wi nī wè. Cɛnyɛ kɔlisiinwuʔu nɛ̄ gè, a wi 'ŋɔ́ nɛ̀ taa. Kire kɛnmɛ nɛ̄ Yewe 'diba taʔa wè cɛndɛnigɛ nɛ̄ gè, nɛ̀ ki wàli nɛ̀ tɛ́ngɛ wire wuʔu.

Matiye 13:35

A kire ki 'kɛn siɛnrɛ dáà Kulocɛliɛ siɛnjuuwo wi cé juu dè, a ti 'fori; wi cé jo: M'bága mi nyuɔ múgu gè bèri nyu kàsiʔile nī, bèri kalarigɛlɛ jáari gèle, gàli ke tíi nɛ̀ puu baa duniya sélimɛ nɛ̄ bè .

Matiye 25:34

«Píra ŋáà nī wè bìli bīɛlɛ kàliige mɛ́ gè, dí Kùlofɔli wi sí peli yɛ: ‹Yeri báan, yeli bálì ye 'diba taa mi Tuu mɛ́ wè, ye pa Kùlofɔligɔ ki kɔrigɔ líɛ gè, gàa ki cé tíi nɛ̀ gbòbori nɛ̀ yaʔa yeli mɛ́ bèle duniya sélimɛ lɛ̀lɛ nī lè.

Efɛziyé 1:4

Ki 'nyaa wi cé weli nyíɛnɛ nɛ̀ kɔ̀n nɛ̀ yaʔa we- puu pínɛnɛ nɛ́ Kirisi ní wè nɛ̀ ki yaʔa duniya wiì cé fìɛ faanʔ, we- puu we nyuɔ wire yiʔɛ mɛ́ gè, wé sí puu tiɛlɛ fùn, dɛ́nigɛ nī gè.

Eburulo 3:11

Kire nɛ̄, mi fundanʔanigɛ nī gè, a mi 'kàli nɛ́ jo: «Siɛnnɛ bálì piyě jíin púloʔ mi ŋɔ́daala tiʔɛ nī gèʔ .»

Eburulo 3:14

Nɛ́ ki cɛ́n weli nyɛ́nì kò Kirisi wi kodanʔanyɛninɛ wī, a weli 'fɔ̀li nɛ̀ weli tɛ́ngɛlɛ cò lè kpuʔɔ wè nàa ni kíni nɛ̀ puu weli mɛ́ sélimɛ nɛ̄ bè, nɛ̀ pɛ́nì nɔ̀ ki kúɔmɔ nɛ̄ bè.

Eburulo 9:26

Kirisi wè, wire kakuɔrɔ dè, nyùgo sì cé puu ki nɛ̄ wi- ti kpíʔile bè taʔalaʔ. Á kire bɛ̀ʔ gè, wi cî de ti kúu de taʔala nɛ̀ ki líɛ duniya wi sélimɛ nɛ̄ bè. Gìi sí gī baa gè, wire nyɛ́nì pɛn píra ŋáà nī wè nɛ̀ pɛ́nì wìi kɛn kakuɔrɔ tɔligɔ nigbe péʔ duniya ŋáà kúɔmɔ lɛ̀lɛ náà nī lè, bè kapiile láʔa lè wi tíimɛ kùu kɛnmɛ nɛ̄ bè.

Piɛri 1 1:20

Bè ki yaʔa duniya wiì cé fìɛ faan wèʔ, Kulocɛliɛ cé wi nyíɛnɛ nɛ̀ kɔ̀n kire baara nɛ̄ dè. Làzɛnnɛ náà nī lè, a wi 'ki yaʔa yeli 'wi cɛ́n yeli nyuɔmɔ wuʔu nɛ̄ gè.