Eburulo 4:2 - Sénoufo Nyarafolo

² Kire Kataanna Siɛnrɛ dáà dè, ti 'juu weli mɛ́ majo bɛ̀ ti yé juu bìli mɛ́ bèle waama kùlo nī lè. A pe sí cíi, pìye tɛ́ngɛ ki siɛnrɛ nɛ̄ dèʔ, kire nɛ̄ piyè tɔ̀ni taa ti nīʔ. Nɛ́ ki cɛ́n piyè wúɔ nɛ́ bàli ní pe 'ti lúʔu nɛ́ tɛ́ngɛ ki siɛnrɛ nɛ̄ dèʔ.

Eburulo 4:2 Iomraidhean Croise

Kakpiʔiligele 13:46

A kire sí juudiʔɛ kɛn Pɔli nɛ́ Barinabasi mɛ́ bèle, a pe 'juu nɛ́ nàzorido ní nɛ́ jo: «Yeli mɛ́ Kulocɛliɛ siɛnrɛ ti cé yɛli ti kíni ti juu gbínʔɛnɛ. Bɛ̀ sí yeli 'ti cíi yeli tíimɛ bèle, nɛ́ yìye kpíʔile yeli sì yɛli nɛ́ bànguɔ sìi ní wèʔ, ao, weli bé sí koli de waa nɛ́ ti ní kùlogolo kálì wuulo mɛ́.

Kakpiʔiligele 3:26

«Yeli mɛ́ Kulocɛliɛ wi 'kíni nɛ̀ wi baakuɔwɔ yige wè nɛ̀ kɛn wè, nɛ́ sí wi tun a wi pɛ́nì diba taʔa yeli nɛ̄, nɛ̀ yeli ye mìɛni nigbe nigbe láʔa bèle yeli kacuʔɔrɔ nɛ̄ dè.»

Wurɔmiyé 2:25

Kire nɛ̄, a ki yē muɔ nɛ Fànʔa Siɛnrɛ tári dè, muɔ kɛnɛkɛnɛ wiī baa wi tiʔɛ nī gè; á ki sí yē muɔ wè nɛ Fànʔa Siɛnrɛ ti koligo tári gèʔ, muɔ yē bɛ̀ siɛn ŋíì tíɛlɛ wiì kɛnɛkɛnɛ kpíʔile wèʔ.

Wurɔmiyé 3:3

A kire sí jo lé bà pe pàli sì tɛ́ngɛlɛ koligo líɛ gèʔ, kire bé Kulocɛliɛ kɛn wè lé wi fǎga ní puu baa wi nyayerigele nī gèle léʔ ?

Korɛntiyé 1 13:3

A mi cɛ́nì mi kɔliyɛrɛ ti mìɛni liɛlɛ wè, nɛ̀ cɛ́nì mi céri kɛn dè a pe 'mi sórigo wè, a dɛ́nigɛ wè mi fungo nī gèʔ, kire sì je yafiɛn nyuɔ mi nɛ̄ʔ.

Galasiyé 3:2

Ye- sí tí mi 'yeli yúgo kaala nigbe ní wêli: Kulocɛliɛ Pìle lè, yeli 'ni taa Fànʔa Siɛnrɛ kakpiʔiligele nī wī lé, dí yeli 'ni taa bà yeli 'Kataanna Siɛnrɛ lúʔu dè nɛ́ tɛ́ngɛ wè, kire lé ?

Galasiyé 3:8

Kire sí nɛ̄ Kulocɛliɛ siɛnsɛbɛrɛ ti 'ki juu nɛ̀ yaʔa nɛ́ jo, dí Kulocɛliɛ wi bága pa kùlogolo kálì siɛnnɛ juu bèle bè yige tɛ́ngɛlɛ kɛnmɛ nɛ̄ bè, a Kulocɛliɛ wi 'ki juu nɛ̀ yaʔa Birayima mɛ́ wè nɛ́ wi yɛ: Muɔ nyúmɔ nī kùlogolo siɛnnɛ pe mìɛni bága pa diba taa.

Galasiyé 4:13

Yeli tíimɛ 'ki cɛ́n mi 'puu yaawa nɛ́ sɛ́nì Kataanna Siɛnrɛ juu dè yeli mɛ́ tabelige nɛ̄ gè.

Fànʔa Kajuʔulo 1:32

«Kire nɛ́ ki mìɛni dàa mi 'juu dè, yeli sì tɛ́ngɛ Yewe yeli Kulocɛliɛ nɛ̄ wèʔ,

Tesalonikiyé 1 1:5

Nɛ́ ki cɛ́n Kataanna Siɛnrɛ dáà weli 'juu yeli mɛ́ dè, ti wè nyuɔ nī yákuɔ wīʔ. Ki 'nyaa Kulocɛliɛ Pìle lire fànʔa ní weli 'ti juu, weli sì ti juu nɛ́ káaliyɛ níʔ. Yeli tíimɛ nyɛ́nì ki cɛ́n mɛni weli 'puu yeli sunʔɔmɔ nī bè. Kire gáà ki mìɛni gè, yeli nyuɔmɔ weli 'puu nɛ caa.

Tesalonikiyé 1 2:13

Kire kɛnmɛ nɛ̄ weli míɛni bèle weli nɛ Kulocɛliɛ síɛri wè sìnvurɔ nī, nɛ̀ taʔa gíi nɛ̄, Kulocɛliɛ nyasiɛnrɛ dáà yeli 'lúʔu weli mɛ́ dè, yeli 'fɔ̀li ti nɛ̄. Yeli sì ti tɔ́ri siɛnnɛ siɛnjuuro tíɛlɛʔ, yeli 'ti tɔ́ri Kulocɛliɛ kányiʔɛ siɛnrɛ tíimɛ. Kire siɛnrɛ tire míɛni ti nyɛ́ni baara yeli funyɔ nī yè, yeli bálì bīɛlɛ tɛ́ngɛfɔlilɔ bèle.

Timote 1 4:8

Céri yaliiye yi káfugo yigele lè, kire nyɛ́nì pɔ́ri bè lɛ̀lɛ láà cɛ̀ri kúɔ wī, nɛ̀ ki yaʔa a siɛn nɛ ŋàʔaná bè wìi puɔ Kulocɛliɛ nɛ̄ wè, kire yē pɔ́rigɔ nɛ̀ tóri kele ke mìɛni nɛ̄, lɛ̀gɛlɛ ke mìɛni nī. Nɛ́ ki cɛ́n Kulocɛliɛ nyɛ́nì nyuɔ fɛ̀ni nɛ́ jo wi bé sìi kɛn wè kire siɛn mɛ́ wè, lɛ̀lɛ náà nī lè nɛ́ duniya ŋáà wi báan wè.

Eburulo 11:6

A tɛ́ngɛlɛ sí wè siɛn ŋíì mɛ́ wèʔ, Kulocɛliɛ sǐ gbɛ̀ fɔ̀li wi nɛ̄ʔ. A siɛn je sìʔɛrɛ bè kpɔni Kulocɛliɛ nɛ̄ wè, wi 'yɛli bè tɛ́ngɛ ki nɛ̄ Kulocɛliɛ wiī baa, dí wiī nɛ tɔ̀ni kanʔa wi caavɔlilɔ mɛ́ bèle.

Eburulo 3:12

Siinyɛninɛ, yeri yìye ciʔige díɛʔ, kire ga buu yeli nī bèle wàa fungo fǎga piiʔ wi- kò sìndɛngɛwɛ bè láʔa Kulocɛliɛ wewiiwe nɛ̄ wèʔ.

Eburulo 4:6

Bàli sí pe yé puu siɛnpelile nɛ̀ ŋɔ́daala Kataanna Siɛnrɛ dáà lúʔu dè, piyè jíin ŋɔ́daala nī lèʔ pe sìnluʔumɔ pire kɛnmɛ nɛ̄ bè. Kire nɛ̄ Kulocɛliɛ ŋɔ́daala niī bile súuri kire ga buu pàli gbɛ̀ jíin.

Zaki 1:21

Kire nɛ̄, ye- láʔa kanuʔɔrɔ felide ti mìɛni nɛ̄ dè, nɛ́ sìpiire felide ti mìɛni ní dè, yé sí yìye cɛ́rigɛ ye- Kulocɛliɛ siɛnrɛ cò dè dàa wi 'le yeli nī bèle, ti bé gbɛ̀ yeli sìi suɔ wè.

Piɛri 1 1:12

Kulocɛliɛ 'puu nɛ ki tìí pe nɛ̄ nɛ́ jo kire siɛnrɛ dáà dè tiì puu peli woriʔ, fúɔ yeli wori. Píra ŋáà nī wè, bàli pe Kataanna Siɛnrɛ nyu dè yeli mɛ́ wè, pe 'ki kele gálì juu gèle nɛ̀ kúɔ yeli mɛ́ Kulocɛliɛ Pìle ni fànʔa nɛ̄ gè, nàa Kulocɛliɛ 'tìrige a ni 'kɔ́n nyìʔɛnɛ nī lè. Kele kálì gīɛlɛ nyìʔɛnɛ tundunminɔ tíimɛ pe caa bè ke cɛ́n.