Eburulo 4:16 - Sénoufo Nyarafolo

¹⁶ Kire nɛ̄ weri sìʔɛrɛ́ weri kpɔni Kulocɛliɛ kùlofɔligɔ kácunʔɔ nɛ̄ gè nɛ́ nàzorido ní; kire tiʔɛ nī weli bé nyinimɛ nɛ́ kpuʔɔrɔ taa ti- weli sáʔa lɛ̀lɛ líì nī weli màakuu yē ti nɛ̄ dè.

Eburulo 4:16 Iomraidhean Croise

Leviiyé 16:2

A Yewe 'wi yɛ: «-Ki juu muɔ luɔ Arawɔn mɛ́ wè wi fǎga de jiinʔ wi nyɛ́ni lɛ̀lɛ nī lè tiɛcɛ̀njɛngɛ wàlidɛngɛgɛ nī gèʔ gàa gī gunbɔli fɛ̀ni kúrugu wè, kàsulugo suɔdiʔɛ yiʔɛ mɛ́ gè gàa gī nyakungɛngɛ finʔɛgɛ naamɛ gè nɛ̀ ki tɔ́n gè. Kire bé ki yaʔa wi fǎga kúuʔ a mi kɛ́nì tìgi kàsadibagɛ nī gè, kàsulugo suɔdiʔɛ naamɛ gè.

Efɛziyé 2:18

Ki 'nyaa wire kɛnmɛ nɛ̄ weli we mìɛni bèle, weli bálì bīɛlɛ Zuufulo bèle nɛ́ bìli pe wè Zuufulo bèleʔ, a weli 'jáa nɛ̀ jíindiʔɛ taa bè gbɛ̀ nɔ̀ Tuufɔli nɛ̄ wè, Kulocɛliɛ Pìle lire nigbe nyúmɔ nī bè.

Efɛziyé 3:12

Bɛ̀ weli yē pínɛnɛ nɛ́ Zezi Kirisi ní wè nɛ́ tɛ́ngɛ wi nɛ̄ wè, fíɛrɛ wè weli nīʔ, weli bé gbɛ̀ jáa bè nɔ̀ Kulocɛliɛ nɛ̄ wè.

Eburulo 13:6

Kire nɛ̄ weli bé gbɛ̀ ki juu nɛ́ tɛ́ngɛlɛ nī bé jo: Kàfɔli wi yē mi sáʔafɔli; mi wè nɛ fìʔɛ́ yakaa nɛ̄ʔ. Gáa siɛnnɛ pe bé gbɛ̀ kpíʔile mi nɛ̄  ?

Eburulo 3:6

Nɛ̀ sí ki yaʔa Kirisi wè, Kulocɛliɛ Siɛnnyiɛnɛgɔnwɔ wè, wi 'puu Jaafɔli, nɛ́ ní tɛ́ngɛmɛ siɛn, ŋàa wī tɛ́niwɛ Kulocɛliɛ saʔa nyùgo nɛ̄ gè. Weli yē wi saʔa wuulo, a weli 'weli tɛ́ngɛlɛ sɔ́migɔ lè nɛ̀ cò kpuʔɔ lè, níɛ wìye nyíɛnɛ nɛ́ weli sɔ̀ngirɔ taʔadiʔɛ wuʔu ní gè.

Eburulo 7:19

Gìi sí gī baa gè, Fànʔa Siɛnrɛ tiì jáa nɛ̀ yafiɛn nyuɔ nɛ̀ forigoʔ. A sɔ̀ngirɔ taʔadiʔɛ ń'nɛ̀ kɛn weli mɛ́ gàa ki 'kpúʔɔ nɛ̀ tóri gàa nɛ̄ Misa Fànʔa Siɛnrɛ ti 'puu nɛ nyu dè. Kire kɛnmɛ nɛ̄ weli bé gbɛ̀ sìʔɛrɛ kpɔni Kulocɛliɛ nɛ̄ wè.

Eburulo 7:25

Kire nɛ̄ wi bé gbɛ̀ pe 'suɔ bè forigo bàli pe 'sìʔɛrɛ nɛ̀ kpɔni Kulocɛliɛ nɛ̄ wè wi kɛnmɛ nɛ̄ bè, nɛ́ ki cɛ́n wiī wiiwe súuri bèri kàsulugo kpínʔini pe wuʔu nɛ̄ gè.

Eburulo 9:5

Finʔɛgɛ ki naamɛ gè, seribɛnnɛ bálì pe cé faan bèle, pe fíkɛnyɛ yi yé kàsulugo suɔdiʔɛ tɔ́n gè nɛ Kulocɛliɛ kpuɔmɔ tìí bè. Nɛ̀ ki yaʔa lɛ̀lɛ náà lire nī bɛ̀ʔ we béri tire nyu de fíligiʔ.

Piɛri 1 2:10

Faʔa gè yeli sì cé puu wi siɛnfeligeʔ, nɛ̀ ki yaʔa píra ŋáà nī wè, yeli yē Kulocɛliɛ wi siɛnfelige. Faʔa gè Kulocɛliɛ wiì cé nyinimɛ taa yeli nɛ̄ʔ, píra ŋáà nī wè wi sí nyɛ́nì nyinimɛ taa yeli nɛ̄.